လါအ့ဖြ့ၣ်(၂၁)သီ,၂၀၂၅နံၣ် သုးကီၣ်ကးန့ၣ် အ့ၣ်ယၣ်၀တံၣ်ကီၫ်ခီ,ယ့ၣ်ကၠံၣ်ကီၫ်ဆၣ်,၀့ၫ်ငသဲခၠီ ယ့ၣ်နးသၣ်သုးတၫ်သမံသမိးတြဲၤ တၫ်ခီဂာ်၀ံၤ ရၢၫ်ခၢၣ်ကီၫ်စဲၣ်အဆၢ အ့ၣ်ယၣ်၀တံၣ်ကီၫ်ခီပူၤ ဒူသ၀ီတဖၣ်န့ၣ် ပာ်ပနီၣ်ဃာ်၀ဲတၫ်အဒူၣ်ဆၢလၢ တၫ်စိာ်ဆှၢဟုသးတဖၣ်န့ၣ်လီၤ. ယ့ၣ်နးသၣ်သုးတၫ်သမံသမိးတြဲၤန့ၣ်,ပသံၣ်-မိၣ်ယွၣ်ကျဲအလီၫ်ခံတကပၤ ဒူသ၀ီတဖၣ် စးထီၣ်ဖဲလါအ့ဖြ့ၣ်(၂)နွံတနွံ အပူၤန့ၣ် မၤ၀ဲတၫ်အဒူၣ်အဆၢလၢတၫ်စိာ်ဆှၢဟုးသး၀ံၤသုးကီၣ်ကးသုးဒီးပၢၤကီၫ်တဖၣ်န့ၣ် လၢတၫ်သမံသမိးတြဲၤအပူၤ မၤတၫ်သမံသမိးဃံးဃံးအဂ့ၫ်န့ၣ်လီၤ. ယ့ၣ်ကၠံၣ်ကီၫ်ဆၣ်,ကိပၠ့ၣ်သ၀ီဖိတဂၤတဲ၀ဲလၢ”ကိပၠ့ၣ်သ၀ီကရူၫ်လၢတၫ်ဘၣ်လဲၤခီဂာ် ယ့ၣ်နးသၣ်သုးတၫ်သမံသမိးတြဲၤပာ်ဃုာ် တၫ်စိာ်ဆှၢဟုသးတဖၣ် ပာ်ပနီၣ်၀ဲအဒူၣ်အဆၢန့ၣ်လီၤ. ဟံၣ်ဖိဃီဖိနီၫ်ဂံၫ်စှၤမ့ၫ်ဂ့ၤအါမ့ၫ်ဂ့ၤ ပှၤနီၫ်တဂၤန့ၣ်ဟ့ၣ်၀ဲအခွဲးထဲဒၣ်

လါအ့ဖြ့ၣ်(၁၈)သီ,၂၀၂၅နံၣ် အပူၤကွံၥ်အလါ(၂၀)အတီၫ်ပူၤ ကလံၤစိးကီၫ်ခိၣ်ရံယါန့ၣ် လၢယူၣ်ကရ့တၫ်ဒုးပျီအပူၤ မျိာ်သၣ်အချံ(၄)ကကွဲၫ်ဘျဲၣ် လၢတၫ်သူတ့ၫ်၀ဲန့ၣ် ဆှၢန့ၫ်ဃီၤ၀ဲကီၫ်ရၢရှၢၣ်အဂ့ၫ် တၫ်သ့ၣ်ညါဘၣ်လီၤ. တၫ်ဆၢကတီၫ်၀ဲန့ၣ်အတီၫ်ပူၤ ကလံၤစိးကီၫ်ခိၣ်ရံယါန့ၣ် ကိၣ်တ့ၣ်နၢၣ်အဖျၢၣ်(၁၅၈၀၀)ဘျဲၣ်လၢ ဖၢနုာ်ဃာ်၀ဲဒီးကျိချံတဖၣ် ဆှၢဃီၤ၀ဲဆူ ကီၫ်ရၢရှၢၣ်န့ၣ်လီၤ. မျိာ်သၣ်အချံကာ်ဃုာ် ကိၣ်တ့ၣ်နၢၣ်(၁၆၀၀၀)ဃၣ်ဃၣ်န့ၣ် ခီဖျိလၢလ့ၣ်မ့ၣ်အူ လၢယူၣ်ကရ့ကီၫ်ဆၢအကပၤဆှၢဃီၤ ၀ဲဆူရၢရှၢၣ်၀ံၤ ယူၣ်ကရ့တၫ်ဒုးအပူၤ ပာ်ဖျါထီၣ်၀ဲ ကလံၤစိးကီၫ်ခိၣ်ရံယါ အတၫ်အိၣ်ထၢဆၢၣ်ဃုာ်ဒီးကီၫ်ရၢရှၢၣ်န့ၣ်လီၤ.

လါအ့ဖြ့ၣ်(၁၈)သီ,၂၀၂၅နံၣ် အမဲရကၤကီၢ်ကီၢ်စၢဖှိၣ်, တကဆဲးကီၢ်စဲၣ်အပူၤ တုၤလါအ့ဖြ့ၣ်(၁၅)သီအနံၤ ပှၤဘၣ်၀ဲးသဲးတၢ်ဆါ(၅၆၁)ဂၤ၀ံၤ တၢ်မ့ၢ်စးထီၣ်ဂံၢ်ဒွးအီၤလၢ လါအ့ဖြ့ၣ်(၁၁)သီအနံၤန့ၣ် ဟဲအါထီၣ်၀ဲပှၤ(၂၀)ဂၤအဂ့ၢ် ဆူၣ်ချ့၀ဲၤကျိၤစံး၀ဲန့ၣ်လီၤ. တၢ်ကဒုးလီၤပှီၢ် ၀ဲးသဲးတၢ်ဆါလၢအဘၣ်ကူဘၣ်ဂၢ် ဖိသၣ်တဖၣ်အဂီၢ် တၢ်ပျဲလီၤပှၤ(၇)ဂၤဆူ တကဆဲးကီၢ်စဲၣ်အပူၤအဂ့ၢ် အမဲရကၤပဒိၣ်စံး၀ဲန့ၣ်လီၤ. တၢ်ဆါအိၣ်ကဲထီၣ်သး တၢ်လီၢ်ခၢၣ်သးလၢအမ့ၢ် က့ကီၢ်ဆၣ်အပူၤ တုၤလၢမုၢ်ဖီဖးအနံၤ ပှၤဘၣ်ကူဘၣ်ဂၢ်အိၣ်(၃၅၅)ဂၤဒီးဟဲအါထီၣ်တုၤ(၃၆၄)ဂၤအဂ့ၢ် တကဆဲးကီၢ်စဲၣ် ဆူၣ်ချ့၀ဲၤကျိၤ စံး၀ဲန့ၣ်လီၤ.

လါအ့ဖြ့ၣ်(၁၁)သီနံၤ,၂၀၂၅နံၣ် ဖဲလါအ့ဖြ့ၣ်(၉)သီအနံၤန့ၣ် ဒီကလုာ်ဃူဖိးပဒိၣ်(NUG) ဘိးဘၣ်ရၤလီၤ၀ဲလၢ ကီၫ်ပယီၤပူၤ ဖဲလါမးရှး(၂၈)သီအနံၤန့ၣ် ကွၫ်ဆၢၣ်မဲာ်ဘၣ် ဟီၣ်ခိၣ်ဟူးတၫ်ဘၣ်ဒိဘၣ်ထံးဒိၣ်ဒိၣ်မုာ်မုာ်၀ံၤ လၢတနွံအအကတီၫ်ပူၤ သုးကီၣ်ကးအသုးဒုးခးလီၤ တၫ်လၢကဘီယူၤဒီးကျိဖးဒိၣ်တဖၣ် အိၣ်၀ဲခဲလၢာ်ပာ်ဖှိၣ်(၉၂)ဘျီန့ၣ်လီၤ. တၫ်ဒုးဃီၤတဘျီအံၤအပူၤ သးနံၣ်(၁၈)နံၣ်အဖီလာ် ဖိသၣ်(၆)ဂၤဒီးပိာ်မုၣ်အဂၤ(၃၀)ပာ်ဃုာ် ကမျၢၫ် (၇၂)ဂၤ ဘၣ်သံ၀ဲအဂ့ၫ်တဲ၀ဲလီၤ. စကဲကီၫ်ခီလၢတူၫ်ဘၣ်ဟီၣ်ခိၣ်ဟူးအနးကတၢၫ်အံၤအပူၤ ဘၣ်တၫ်ဒုးအီၤ(၁၈)ဘျီ၀ံၤ လၢမါတလ့ကီၫ်ခီအပူၤစ့ၫ်ကီး ဘၣ်တၫ်ဒုး၀ဲ(၁၈)ဘျီအဂ့ၫ် ပာ်ဖျါ၀ဲလီၤ.

လါအ့ဖြ့ၣ်(၁၁)သီ,၂၀၂၅နံၣ် KNUလီၫ်ခၢၣ်သးထုးထီၣ်ဘိးဘၣ်ရၤလီၤ၀ဲလၢ ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ,မုၫ်တြီၤကီၫ်ရ့ၣ်,လူၤသီကီၫ်ဆၣ်န့ၣ် သုးကီၣ်ကးအသုး တ့ၫ်လီၤမ့ၣ်ပိၫ်လၢကဘီယူၤအဃိ ကမျၢၫ်(၂)ဂၤဘၣ်ဒိဘၣ်ထံး၀ံၤ ဟံၣ်ဃီဘၣ်ဟးဂၤကွံာ်၀ဲ(၄)ဖျၢၣ်န့ၣ်လီၤ. လါအ့ဖြ့ၣ်(၈)သီနံၤ ဟါ(၅း၂၄)နၣ်ရံၣ်ဃၣ်ဃၣ်အကတီၫ် လူၤသီကီၫ်ဆၣ်,လၢၫ်မုၫ်သီသ၀ီကရူၫ်,ဘျၢၣ်ဂီၤသ၀ီ ဒီး ထံသဲကြူၫ်သ၀ီတဖၣ်အပူၤ သုးကီၣ်ကးအသုး ဒုးတ့ၫ်လီၤမ့ၣ်ပိၫ်(၂)ဖျၢၣ်လၢကဘီယူၤအဂ့ၫ် တၫ်သ့ၣ်ညါဘၣ်လီၤ. သုးကီၣ်ကးသုး အကလံၤကျါတၫ်ဒုးခးလီၤတၫ်အပူၤ ဘျၢၣ်၀ါသ၀ီဖိ စီၤပနၫ်မူ,သးနံၣ်(၃၉)နံၣ်ဒီးစီၤဒ့ဆံး(၂)ဂၤ ဘၣ်ဒိဘၣ်ထံး၀ံၤ ဟံၣ်ဃီ(၃)ဖျၢၣ်ဘၣ်ဟးဂီၤကွံာ်၀ံၤ ထံသဲကြူၫ်သ၀ီပူၤ ဟံၣ်ဘၣ်ဟးဂီၤကွံာ်၀ဲ(၁)ဖျၢၣ်န့ၣ်လီၤ.