လါအ့ဖြ့ၣ်(၂၂)သီ,၂၀၂၅နံၣ်
ပယီၤကဘီယူၤဒုးသုး လၢဟဲနုာ်လီၤတလၢ ကၠီၣ်တဲၣ်ကလံၤကျါတၫ်ပၢအံၤ ကၠီၣ်တဲၣ်သုးပှၤဘၣ်မူဘၣ်ဒါတဖၣ် ဟ့ၣ်ပလီၫ်၀ဲဘၣ်ဆၣ် တဒိကနၣ်၀ဲဘၣ်အမဲာ်ညါ တ့ၫ်လီၤမ့ၣ်ပိၫ်ဖဲကၠီၣ်တဲၣ်-ပယီၤကီၫ်ဆၢအကပၤအဂ့ၫ် ကၠီၣ်တဲၣ် တၫ်ကစီၣ်၀ဲၤကျိၤ Khaosodပာ်ဖျါ၀ဲလီၤ.
ကၠီၣ်တဲၣ်ကီၫ်ဆၢ, ကၣ်ခၠးနးဘူၣ်ရံၤကီၫ်ရ့ၣ်,ဘါဖူနၣ်သ၀ီအကပၤ လၢကၠီၣ်တဲၣ်ကလံၤကျါတၫ်ပၢအပူၤ ဖဲလါအ့ဖြ့ၣ် (၂၁)သီနံၤ မုၫ်ထူၣ်(၁၂)နၣ်ရံၣ်ဃၣ်ဃၣ်န့ၣ် သုးကီၣ်ကးကဘီယူၤဒုးသုး ဟဲနုာ်လီၤ၀ဲ၀ံၤ ဒုးတ့ၫ်လီၤမ့ၣ်ပိၫ်(၁၀)ဖျၢၣ် ဖဲကညီဒီကလုာ်စၢဖှိၣ်ကရၢ-ခ့ၣ်အဲၣ်ယူၣ် တၫ်ပၢ,ထံခံဟီၣ်က၀ီၤအပူၤန့ၣ်လီၤ.
သုးကီၣ်ကးကဘီယူၤဒုးသုး Mi17ဒီး Y12 လၢဟဲနုာ်လီၤယူၤခီ၀ဲ ကၠီၣ်တဲၣ်ကလံၤကျါတၫ်ပၢအံၤ ကၣ်ခၠးနးဘူၣ်ရံၣ် လီၫ်က၀ီၤဖိတဖၣ် ဒိဟံးန့ၫ်တၫ်ဂီၤမူန့ၫ်၀ဲ၀ံၤ ကၠီၣ်တဲၣ်သုး ပှၤဘၣ်မူဘ်ၣဒါတဖၣ်စ့ၫ်ကီး တၫ်ဘံၣ်တၫ်ဘၢအဂီၫ် လၢကီၫ်ဆၢဒီတကျိၤအပူၤ ဆီလီၤဃာ်ကျိခးကဘီယူၤ(၃)ခိၣ်ဒီးကၠီၣ်တဲၣ်သုး(၆၀)ဂၤဃၣ်ဃၣ်အဂ့ၫ် ကၠီၣ်တဲၣ် တၫ်ကစီၣ်ပူၤ ပာ်ဖျါ၀ဲလီၤ.
ကၠီၣ်တဲၣ်ကီၫ်ဆၢ ကညီကီၫ်စဲၣ်အပူၤ ဖဲသုးကီၣ်ကး ဒုးတ့ၫ်လီၤမ့ၣ်ပိၫ်လၢကဘီယူၤအကတီၫ် သုးကီၣ်ကးကဘီယူၤ ဒုးသုးတဖၣ် နုာ်လီၤတလၢကၠီၣ်တဲၣ်ကလံၤကျါတၫ်ပၢ အိၣ်၀ဲတလီၫ်လီၫ်၀ံၤ ကၠီၣ်တဲၣ်သုးကဘီယူၤစ့ၫ်ကီး လၢတၫ်ဒီ သဒၢကလံၤကျါအဂီၫ် ညီနုၫ်ဟ့ၣ်ပလီၫ်၀ဲတလီၫ်လီၫ်န့ၣ်လီၤ.
Ref: the irrawaddy
