မီဖါသူ(ကိး)လ့ဂီၤကၠိ ပှၤစံၣ်သုးပှၤလီၢ်အိၣ်ကမှံဖိတဖၣ် က့ၤဆူအိၣ်ဆိးလီၢ်ကျဲလံ

လါအ့ဖြ့ၣ်(၂၃)သီ,၂၀၂၅နံၣ်

ကၠီၢ်တဲၣ်-ကညီကီၢ်ဆၢ ရၤမတံကီၢ်ဆၣ်တၢ်ပၢ သုးကီၣ်ကးမီဖါသူ(ကိး)လ့ဂီၤကၠိသုးကလၢၤအံၤ ကညီဒီကလုၥ်တၢ်ထူၣ်ဖျဲးသုးမုၢ်ဒိၣ်(KNLA) ဒီးသိၣ်မှံသုးပၥ်ဖှိၣ်တဖၣ် ထီၣ်ဒုးမၤန့ၢ်၀ဲ ဖဲလါအ့ဖြ့ၣ်(၁၉)သီအနံၤ၀ံၤအလီၢ်ခံ ပှၤလီၢ်အိၣ်ကမှံဖိလၢဟဲအိၣ်ကဒုလၢကၠီၣ်တဲၣ်တပၤတဖၣ် က့ၤဆူအိၣ်ဆိးလီၢ်ကျဲလံအဂ့ၢ် ကၠီၣ်တဲၣ်တၢ်ကစီၣ်တဖၣ် ပၥ်ဖျါဃၥ်၀ဲန့ၣ်လီၤ.

ကၠီၣ်တဲၣ်-ကညီကီၢ်ဆၢ တးကီၢ်ရ့ၣ်အပူၤ သုးခိၣ်ကျၢၢ်ဒိၣ်စိ Maitri Chupreecha တီခိၣ်ရိၣ်မဲ သုးခိၣ်သုးနၢ်တဖၣ် ကွၢ်သမံသမိးတၢ်ဖဲ ကီၢ်ဆၢဒီတကျိၤတၢ်ဘံၣ်တၢ်ဘၢတၢ်အိၣ်သးတဖၣ်၀ံၤအလီၢ်ခံ ပှၤလီၢ်အိၣ်ကမှံဖိတဖၣ်စ့ၢ်ကီး အဲၣ်ဒိးက့ၤဆူ အကစၢ်အိၣ်ဆိးလီၢ်ကျဲတဖၣ်အဃိ တၢ်ဆှၢက့ၤအီၤန့ၣ်လီၤ.

ကၠီၣ်တဲၣ်-ကညီကီၢ်ဆၢ ရၤမတ့ကီၢ်ဆၣ်အပူၤ တၢ်ဒုးတဖၣ်ဆူၣ်ထီၣ်လၢ သုးကီၣ်ကးအသုးဒီး KNLAအဘၢၣ်စၢၤ၀ံၤအလီၢ်ခံ ကၠီၢ်တဲၣ် နီၣ်ဂံၢ်(၃၅)သုးဂ့ၢ်၀ီကရၢလီၤဆီအံၤ ပၥ်လီၤအါထီၣ်ဘံၣ်ဘၢ ဒီး မၤတၢ်သမံသမိး ဖဲ Huai Plakongသ၀ီ, Khanejueသ၀ီ, MaeRamatလီၢ်က၀ီၤ,တးကီၢ်ရ့ၣ်ဟီၣ်က၀ီၤတဖၣ်ပူၤန့ၣ်လီၤ.

ကညီဒီကလုၥ်တၢ်ထူၣ်ဖျဲးသုးမုၢ်ဒိၣ်(KNLA) ထီၣ်ဒုးမၤန့ၢ် သုးကီၣ်ကးသုးကလၢၤ၀ံၤအလီၢ်ခံ တၢ်အိၣ်သးတဖၣ်ဂၢၤလီၤလံဘၣ်ဆၣ် ကၠီၣ်တဲၣ်တပၤ ပၥ်လီၤဃၥ်ဘံၣ်ဘၢဂံၢ်ဘါ လၢယံၤ(၂၄)နၣ်ရံၣ်ဃၣ်ဃၣ်ညါအဂ့ၢ် တၢ်သ့ၣ်ညါဘၣ်န့ၣ်လီၤ.

Ref: The Irrawaddy