လါအ့ဖြ့ၣ်(၂၃)သီ,၂၀၂၅နံၣ်
ကီၫ်ပယီၤဒီးကီၫ်ကၠီၣ်တဲၣ် ကလံၤစိးဟီၣ်က၀ီၤတဖၣ်အပူၤ ဖဲလါအ့ဖြ့ၣ်(၂၂)သီအနံၤန့ၣ် ဟီၣ်ခိၣ်ဟူးလၢအသဟီၣ်စၫ် ဟူး၀း၀ဲအဂ့ၫ် ကၠီၣ်တဲၣ်မူခိၣ်ကလံၤသီၣ်ဂီၤ ထုးထီၣ်ဘိးဘၣ်ရၤလီၤ၀ဲလီၤ.
ဖဲဂီၤ(၀၂း၉)နၣ်ရံၣ်န့ၣ် အသဟီၣ်အိၣ် (၁.၅)တုၤ(၃.၄) ဟီၣ်ခိၣ်ဟူး၀း၀ဲ(၁၃)ခါအဂ့ၫ် ကၠီၣ်တဲၣ်မူခိၣ်ကလံၤသီၣ်ဂီၤ ၀ဲၤကျိၤတၫ်ပာ်ဖျါအဖီခိၣ် တၫ်သ့ၣ်ညါဘၣ်လီၤ.
ပယီၤကီၫ်ဆၢ,ကၠီၣ်တဲၣ် တးခ်ကီၫ်ရ့ၣ်အကပၤ ဂံၫ်ဘါအိၣ်(၁.၈) ဟီၣ်ခိၣ်ဟူးလၢအသဟီၣ်စၫ်ဒီးအယိာ်အိၣ်၀ဲ (၃)ကံၣ် လိၣ်မံထၢၣ်ဟူး၀း၀ဲအဂ့ၫ် ကၠီၣ်တဲၣ်တၫ်အိၣ်ခိးကွၫ်ဟီၣ်ခိၣ်ဟူး၀း၀ဲၤကျိၤတဲ၀ဲလီၤ.
ကီၫ်ပယီၤအပူၤစ့ၫ်ကီး ဟီၣ်ခိၣ်ဟူးလၢအသဟီၣ်စၫ် ဟူး၀းတ့ၫ်၀ဲအဂ့ၫ် ကၠီၣ်တဲၣ်မူခိၣ်ကလံၤသီၣ်ဂီၤ၀ဲၤကျိၤ တဲဖျါဃာ်၀ဲဘၣ်ဆၣ် ကီၫ်ပယီၤပူၤဟီၣ်ခိၣ်ဟူး၀း ဖဲတၫ်လီၫ်ဖဲလဲၣ်တတီၤလဲၣ်န့ၣ် ထုးထီၣ်တဲဖျါ၀ဲတအိၣ်ဘၣ်န့ၣ်လီၤ.
ဘၣ်ဆၣ်သနာ်က့ ကၠီၣ်တဲၣ်,တးခ်ကီၫ်ရ့ၣ်န့ၣ် အိၣ်ဘူးဒီးကီၫ်ပယီၤ ၀့ၫ်ရၤမတံဟီၣ်က၀ီၤအဃိ ဟီၣ်ခိၣ်ဟူးတ့ၫ်(၁၃)ဘျီအံၤ ကဟူး၀းစ့ၫ်ကီး၀ဲ ကီၫ်ပယီၤတကပၤအဂ့ၫ် တၫ်ပဲာ်ထံနီၤဖး၀ဲလီၤ.
တကီၫ်ခါ ကၠီၣ်တဲၣ် ဖိးဖရးကီၫ်ရ့ၣ်ဒီးမဲၫ်ဟီၣ်ဆီၣ်ကီၫ်ရ့ၣ်တဖၣ်အပူၤစ့ၫ်ကီး ဖဲဂီၤ(၄း၄)နၣ်ရံၣ်အကတီၫ် ဟီၣ်ခိၣ်ဟူး လၢအသဟီၣ်အိၣ်၀ဲ(၃.၄) ဟူး၀း၀ဲအဂ့ၫ် ကၠီၣ်တဲၣ်မူခိၣ်ကလံၤသီၣ်ဂီၤ၀ဲၤကျိၤတဲ၀ဲလီၤ.
ဟီၣ်ခိၣ်ဟူး၀းတဖၣ်အံၤအဃိ တၫ်ဘၣ်ဒိဘၣ်ထံးဒီးတၫ်သံတၫ်ပှၫ်စရီတဖၣ် ပှၤလီၫ်က၀ီၤဖိတဖၣ် ဆှၢထီၣ်စရီတအိၣ် ဒံးဘၣ်အဂ့ၫ် ကၠီၣ်တဲၣ်တကပၤ ထုးထီၣ်ဘိးဘၣ်ရၤလီၤ၀ဲလီၤ.
အပူၤကွံာ် လါမး(၂၈)သီအနံၤ ဟီၣ်ခိၣ်ဟူးလၢအသဟီၣ်ဆူၣ် ဟူး၀း၀ဲအဃိ ကၠီၣ်တဲၣ်ဒီးကီၫ်ပယီၤပူၤ တၫ်ဘၣ်ဒိဘၣ် ထံးဒီးတၫ်သံတၫ်ပှၫ်ဘၣ်အိၣ်ထီၣ်၀ဲန့ၣ်လီၤ.
ဟီၣ်ခိၣ်ဟူး၀ဲန့ၣ်အဃိ လၢ၀့ၫ်ဘီကီာ်အပူၤ တၫ်သူၣ်ထီၣ်လၢတၫ်တ့ထီၣ်အီၤအဖၢမုၫ်တဖျၢၣ်လီၤပှီၫ်ကွံာ်ဒီး ပှၤဘၣ်သံ လၢအဆံဘျဲၣ်အသိး,ကီၫ်ပယီၤတၫ်ခၢၣ်သး ဟီၣ်က၀ီၤအပူၤစ့ၫ်ကီး ပှၤဘၣ်သံတ့ၫ်၀ဲ(၃၀၀၀)ဂၤဘျဲၣ်၀ံၤ ပှၤလၢအက လီၫ် ဘၣ်ကဲထီၣ်ပှၤဟံၣ်ဃီတအိၣ်န့ၣ်လီၤ.
Ref:The Nation Thailand
