လါအ့ဖြ့ၣ်(၂၂)သီ,၂၀၂၅နံၣ်
သုးကီၣ်ကးအတၫ်မၤအၢမၤသီ လၢထံဖိကီၫ်ဖိအဖီခိၣ်တဖၣ် တၫ်ဟ့ၣ်တၫ်ကမၣ်ဟံးန့ၫ်ဂ့ၫ်၀ီကန့ၫ်အဂီၫ် ကဟံးန့ၫ်မူဒါ မၤထွဲ၀ဲအဂ့ၫ် ဒီကလုာ်ဃူဖိးပဒိၣ် NUGထုးထီၣ်ဘိးဘၣ်ရၤလီၤ၀ဲ ဖဲလါအ့ဖြ့ၣ်(၂၁)သီအနံၤန့ၣ်လီၤ.
လၢမါတလ့ကီၫ်ခီ,သပ့းကၠ့ကီၫ်ဆၣ်,ဖဲလ့းကျးသ၀ီန့ၣ် တၫ်ဒုးကဲထီၣ်တအိၣ်ဘၣ်အမဲာ်ညါ သုးကီၣ်ကးန့ၣ် ဖဲလါအ့ ဖြ့ၣ်(၁၈)အနံၤန့ၣ် တ့ၫ်လီၤမ့ၣ်ပိၫ်(၂)ဖျၢၣ်လၢကဘီယူၤ(၂)ခိၣ်အဃိ ဖိသၣ်ဆံးလၢအိၣ်ဖဲအလါ(၁)ဂၤပာ်ဃုာ် ကမျၢၫ် (၁၂)ဂၤ ဘၣ်သံ၀ံၤ ဘၣ်ဒိဘၣ်ထံးအါမးန့ၣ်လီၤ.
ပှၤဂ့ၫ်၀ီခွဲးယာ်ကိတိာ်၀ဲၤကျိၤတကပၤ ကမျၢၫ်တၫ်တုၤသိးထဲသိးဂ့ၫ်၀ီ ,တၫ်မုာ်တၫ်ခုၣ်ဂ့ၫ်၀ီဒီး ကမျၢၫ်တၫ်တီတၫ်တြၫ်ဂ့ၫ် ၀ီတဖၣ် ကဒိးန့ၫ်ဘၣ်၀ဲအဂီၫ် ဖီၣ်ဃာ်၀ဲကျၢၫ်ကျၢၫ်၀ံၤ သုးကရူၫ်အတၫ်မၤကမၣ်တဖၣ်န့ၣ် ကဟံးန့ၫ်ဂ့ၫ်၀ီမၤထွဲ၀ဲအဂီၫ် တၫ်ဘိးဘၣ်ရၤလီၤအပူၤ ပာ်ဃုာ်၀ဲလီၤ.
အ့ဖြ့ၣ်(၁၉)သီအနံၤစ့ၫ်ကီး လၢသပ့းကၠ့ကီၫ်ဆၣ်,ဖဲယ့ၣ်ထွဲးသ၀ီန့ၣ် သုးကီၣ်ကးအသုး ဒုးတ့ၫ်လီၤမ့ၣ်ပိၫ်လၢကလံၤ ကျါ ပီၣ်(၂၀၀)မ့ၣ်ပိၫ်(၂)ဖျၢၣ်အဃိ ဖိသၣ်ပာ်ဃုာ် ဘၣ်သံ(၂၄)ဂၤ၀ံၤ ဘၣ်ဒိဘၣ်ထံး(၃၀)ဂၤဃၣ်ဃၣ်န့ၣ်လီၤ.
ဘၣ်ထွဲဒီးတၫ်ဒုးဃီၤတဖၣ်အံၤအဖီခိၣ် သုးကီၣ်ကး ထုးထီၣ်ဘိးဘၣ်ရၤလီၤတၫ်ကစီၣ်တအိၣ်ဒံးဘၣ်အသိး တၫ်ဆဲး ကျိး ပှၤတဲတၫ်ပၢ စီၣ်မ့ထိဘၣ်ဆၣ် တူၫ်လိာ်တဲဆၢလီတဲစိတအိၣ်ဒံးဘၣ်.
Ref:rfa
