လါအ့ဖြ့ၣ်(၈)သီ,၂၀၂၅နံၣ် ကီၫ်ခိၣ်ဒီနၢၣ်ထရၢးဒီးဘံၣ်လံၣ်ယၣ်နၣ် အံၣ်လိၣ်မး(စ်)တဖၣ် လၢအမဲရကၤကီၫ်ပူၤ ပှၤအမဲရကၤဖိတဖၣ် ပာ်ဖျါထီၣ်တၫ်ပာ်သးန့ၣ်လီၤ. ဒီနၢၣ်ထရၢးပဒိၣ်န့ၣ် ထုးထီၣ်ကွံာ် ဖဲၣ်ဒရၢၣ်ပှၤမၤတၫ်ဖိတဖၣ်လၢတၫ်မၤ၀ံၤ တၫ်ကဒီၣ်တဲာ်ကွံာ် ပဒိၣ်သူစ့တၫ်ရဲၣ်တၫ်ကျဲၤန့ၣ် မၤဟးဂီၤကွံာ်၀ဲအဃိ ဖဲလါအ့ဖြ့ၣ်(၅)သီအနံၤန့ၣ် အမဲရကၤထံဖိကီၫ်ဖိတဖၣ် မၤ၀ဲကမျၢၫ်တၫ်ပာ်ဖျါထီၣ် တၫ်ပာ်သးန့ၣ်လီၤ. အံၣ်လိၣ်မး(စ်)န့ၣ် တီခိၣ်ရိၣ်မဲတၫ်မၤထီထီၣ်ပဒိၣ်ကံၫ်စီ၀ဲၤကျိၤ(DOGE)ဘၣ်ဆၣ် အ၀ဲန့ၣ်တမ့ၫ်ပှၤတဂၤလၢတၫ်ဃုထၢထီၣ်အီၤအသိး အလီၫ်လၤန့ၣ် ခီကရဲးတပာ်ဂၢၫ်ပာ်ကျၢၤ၀ဲဘၣ်အဂ့ၫ် ပှၤထီဒါတၫ်တဖၣ်တဲ၀ဲလီၤ. တၫ်ရဲၣ်တၫ်ကျဲၤလၢ

လါအ့ဖြ့ၣ်(၈)သီ,၂၀၂၅နံၣ် ပှၤထၢတၫ်မၤဘူၣ်လၢ ဟီၣ်ခိၣ်ဟူးတၫ်ဘၣ်ဒိဘၣ်ထံးအဂီၫ်တဖၣ်န့ၣ် သုးကီၣ်ကးပာ်ပနီၣ်ဃာ် လံာ်တၫ်အုၣ်ကီၤ(၄)ကလုာ်မ့ၫ်ပာ်ဃုာ်မး ကဘၣ်ထၢတၫ်မၤဘူၣ်ဒီးမၤဘူၣ်တၫ်အဂ့ၫ် တၫ်သ့ၣ်ညါဘၣ်လၢပှၤတ၀ၢတၫ်မၤစၢၤကရၢအိၣ်န့ၣ်လီၤ. ပှၤလၢထၢတၫ်မၤဘူၣ်တဖၣ် ကဘၣ်မၤ၀ဲ တၫ်အုၣ်ကီၤလၢက၀ီၤဒ့,ပၢၤကီၫ်,ကီၫ်ဆၣ်ပၢပြး၀ဲၤဒၢးဒီး ကီၫ်ဆၣ်တၫ်ကတီၤ မၤကဆှီ၀့ၫ်၀ဲၤဒၢးတဖၣ် မ့ၫ်၀ံၤမးဒီးထၢတၫ်မၤဘူၣ်ဒီးမၤဘူၣ်တၫ်ကန့ၫ်၀ဲအဂ့ၫ် ပှၤတ၀ၢတၫ်မၤစၢၤကရၢဖိတဂၤတဲ၀ဲလီၤ. “ဘၣ်လဲၤဆိလၢက၀ီၤဒ့၀ဲၤဒၢး,ဟံးန့ၫ်လံာ်အုၣ်ကီၤဖဲန့ၣ်၀ံၤ ဘၣ်လဲၤဆူကီၫ်ဆၣ်ပၢပြး၀ဲၤဒၢး,မ့ၫ်၀ံၤန့ၣ် ဘၣ်လဲၤကဒီး ဆူကီၫ်ဆၣ်တၫ်ကတီၤမၤကဆှီ၀့ၫ်၀ဲၤဒၢး တဆီဘၣ်ဆီဒီးတၫ်ဘၣ်မၤ၀ဲယံာ်လၢ(၅)နၣ်ရံၣ်ဃၣ်ဃၣ်ညါလီၤ.” သုးကီၣ်ကးပာ်ပနီၣ်ဃာ်တၫ်ဘျၢအပူၤ တၫ်လီၫ်လၢတၫ်ကထၢတၫ်မၤဘူၣ်,တၫ်လီၫ်လၢတၫ်ကလဲၤဟ့ၣ်တၫ်မၤဘူၣ်ဒီး ပှၤပာ်ဃုာ်အနီၫ်ဂံၫ်နီၫ်ဒွးလီၤတံၫ်လီၤဆဲး တၫ်ဟ့ၣ်အီၤစရီမ့ၫ်၀ံၤဒီး

လါအ့ဖြ့ၣ်(၇)သီ,၂၀၂၅နံၣ် မါတလ့ကီၫ်ခီ,လၢ၀့ၫ်ကၠီးဆဲၣ် ဟီၣ်ခိၣ်ဟူးကဒီးအဃိ ပှၤကိးဂၤဒဲးဃၣ်ဃၣ် ဘၣ်ထွဲသးဂ့ၫ်၀ီဘၣ်ဒိဘၣ်ထံး၀ဲအဂ့ၫ် ပှၤတ၀ၢတၫ်မၤစၢၤကရၢ ဘၣ်မူဘၣ်ဒါတဲ၀ဲလီၤ. ဟီၣ်ခိၣ်ဟူးလၢစးထီၣ်ကဲထီၣ်အသးဖဲစကဲကီၫ်ခီအံၤအဃိ ဒ်စကဲ,မါတလ့၀ၫ်ဖးဒိၣ်တဖၣ် တၫ်ဟးဂုၤဟးဂီၤအသိး ၀့ၫ်ကၠီးဆဲၣ်စ့ၫ်ကီး ဟံၣ်ဃီ,တၫ်သူၣ်ထီၣ်တဖၣ်ပာ်ဃုာ် ဒီတ၀့ၫ်ဃၣ်ဃၣ် ဘၣ်ဒိဘၣ်ထံးဟးဂီၤ၀ဲလီၤ. ၀့ၫ်ကၠီးဆဲၣ်အပူၤ တၫ်မၤပူၤဖျဲးထီၣ်သးသမူတၫ်ဖံးတၫ်မၤတဖၣ် တုၤအ့ဖြ့ၣ်(၃)သီနံၤ ပှၤဘၣ်သံ(၁၀၈)ဂၤ, ဘၣ်ဒိဘၣ် ထံး(၂၀၀)ဂၤ တၫ်မၤပူၤဖျဲးထီၣ်န့ၫ်၀ဲလီၤ. ဖဲလါအ့ဖြ့ၣ်(၄)သီ,ဟါ(၉း၅၅)နၣ်ရံၣ်ဃၣ်ဃၣ်အကတီၫ် ဟီၣ်ခိၣ်ဟူးကဒီးဖဲ၀့ၫ်ကၠီးဆဲၣ်န့ၣ်လီၤ.

လါအ့ဖြ့ၣ်(၄)သီ,၂၀၂၅နံၣ် မါတလ့ဒီးစကဲလၢတူၫ်ဘၣ်ဟီၣ်ခိၣ်ဟူးတၫ်ဘၣ်ဒိဘၣ်ထံးဒိၣ်ဒိၣ်မုာ်မုာ်ပာ်ဃုာ်တၫ်လီၫ်တနီၤအပူၤ လၢကဟဲ(၅) သီအတီၫ်ပူၤ လၢတၫ်ဆၢကတီၫ်တမ့ၫ်အပူၤ တၫ်ကစူၤ၀ဲအဂ့ၫ် သုးကီၣ်ကးအမူခိၣ်ကလံၤသီၣ်ဂီၤတၫ်နဲၣ်လီၤ၀ဲၤကျိၤ ထုးထီၣ်ဘိးဘၣ်ရၤလီၤတၫ်ကစီၣ်န့ၣ်လီၤ. လါအ့ဖြ့ၣ်(၆)သီနံၤတုၤ(၁၁)နံၤအတီၫ်ပူၤ မါတလ့,စကဲ,န့ၣ်ပၠံၣ်ဒီၣ်,ပကိ,၀့ၫ်တကူၣ်,မကွ့,အ့ၣ်ယၣ်၀တံၣ်ကီၫ်ခီဒီး ကယါ,ခၠီ,ရၢၫ်ခၢၣ်,ယိၤဒိၣ်ကီၫ်စဲၣ်တဖၣ်အပူၤ မူခိၣ်ကစူၤ၀ဲအဂ့ၫ် ထုးထီၣ်ဘိးဘၣ်ရၤလီၤဃာ်၀ဲလီၤ. ဒ်န့ၣ်အသိး,တနီသရံၣ်ကီၫ်ခီ,ကခၠ့ၣ်ကီၫ်စဲၣ်,ကညီကီၫ်စဲၣ်ဒီ*တလၢၤကီၫ်စဲၣ်တဖၣ်အပူၤ လၢတၫ်လီၫ်ဒုးဒုးအပူၤ မူခိၣ်ကစူၤ၀ဲအဂ့ၫ် ပာ်ဖျါ၀ဲလီၤ. လၢကတီၫ်အံၤ ဟီၣ်ခိၣ်ဟူးအဃိ တၫ်သူၣ်ထီၣ်တဖၣ် လီၤပှီၫ်ဟးဂီၤ၀ဲအဃိ ကမျၢၫ်အါတက့ၫ် ဘၣ်ဆဲးလီၤဒဲလၢ