လါအ့ဖြ့ၣ်(၂၂)သီ,၂၀၂၅နံၣ် စးထီၣ်လၢလါယနူၤအါရံၤတုၤလါအ့ဖြ့ၣ်အတီၢ်ပူၤ (၄)လါအတီၢ်ပူၤ ဒုးယၤရဲၣ်ကျဲၤမၤတ့ၢ်၀ဲတဖၣ်အပူၤ သုးကီၣ်ကးတပၤ သုးခိၣ်ဒိၣ်ဖိသံၣ်ဟးအီၣ်ပၣ်ဃုၥ် အပှၤသုးဖိ(၆၀)ဂၤသံ၀ဲ၀ံၤ သုးခိၣ်စိအီၣ်ည့ခၠါ, သုးခိၣ်စိ တ့ၣ်ကိၣ်ထဲးပၣ်ဃုၥ်သုးဖိ(၁၈)ဂၤန့ၣ် တၢ်ဖီၣ်န့ၢ်မူးဒံးအီၤအဂ့ၢ်န့ၣ် ကမျၢၢ်တၢ်ပၢၢ်ဆၢသိၣ်မှံဂံၢ်ဘါကရူၢ် PRA – Magway ပှၤဘၣ်မူဘၣ်ဒါ စံး၀ဲန့ၣ်လီၤ. PRA – Magway လၢအမၤဒုးယၤရဲၣ်ကျဲၤစးထီၣ်လၢ လါယနူၤအါရံၤတုၤလါအ့ဖြ့ၣ်(၂၀)သီဘျဲၣ်အနံၤ တၢ်ဒုးကဲထီၣ်တ့ၢ်၀ဲ(၂၃)ဘျီအပူၤပၥ်ဖှိၣ်ဒုးတၢ်ဒီးသိၣ်မှံတဖၣ်အသိးနီၢ်ကစၢ်ဒၣ်၀ဲတဖုအသိးစ့ၢ်ကီးန့ၣ်မၤတ့ၢ်၀ဲဒုးယၤရဲၣ်ကျဲၤန့ၣ်လီၤ.

လါအ့ဖြ့ၣ်(၂၁)သီ, ၂၀၂၅နံၣ် ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ, သုးက့(၇), တန့ခၠါကီၢ်ဆၣ်ဟီၣ်က၀ီၤ, ကညီဒီကလုၥ်တၢ်ထူၣ်ဖျဲးသုးမုၢ်ဒိၣ်(KNLA)ဒီးသုးပၥ်ဖှိၣ်တဖၣ် ထီၣ်ဒုးမၤန့ၢ်သုးကီၣ်ကး လ့ဂီၤကၠိ(ကိး)မီၤကလၤသုးကလၢၤ ဖဲလါအ့ဖြ့ၣ်(၁၉)သီအနံၤအဂ့ၢ် တၢ်သ့ၣ်ညါဘၣ်န့ၣ်လီၤ. တၢ်ထီၣ်ဒုးမၤန့ၢ် သုးကီၣ်ကးမီၤကလၤ(လ့ဂီၤကၠိ)သုးကလၢၤ၀ံၤအလီၢ်ခံ သုးကီၣ်ကးအပှၤသုးဖိ(၂၅)ဂၤအံၤ လဲၤဃ့ၢ်ခီဆူကၠီၣ်တဲၣ်တပၤဃုၥ်ဒီးစုက၀ဲၤအဂ့ၢ် ကၠီၣ်တဲၣ်တၢ်ကစီၣ်သန့လၢအမ့ၢ် The Reportersပၥ်ဖျါဃၥ်၀ဲန့ၣ်လီၤ. သုးကီၣ်ကးအပှၤသုးဖိ(၂၅)ဂၤအံၤ လဲၤဃ့ၢ်ခီဆူကၠီၣ်တဲၣ်, တးကီၢ်ရ့ၣ်ပူၤဘၣ်ဆၣ် အိၣ်၀ဲလၢဖဲလဲၣ်တခီဒု တၢ်တသ့ၣ်ညါလီၤတံၢ်ဘၣ်အဂ့ၢ် ကၠီၣ်တဲၣ်တၢ်ကစီၣ်

လါအ့ဖြ့ၣ်(၂၁)သီ,၂၀၂၅နံၣ် ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ, ကီးတရံးကီၢ်ဆၣ်ဒီးကြုၢ်တုအဘၢၣ်စၢၤ တၢ်ဒုးတဖၣ်ဆူၣ် ထီၣ်တုၤလၢလါအ့ဖြ့ၣ်(၂၀)သီအနံၤအဂ့ၢ် လီၢ်က၀ီၤဖိတဖၣ်ဒီးတလၢၤတၢ်ထူၣ်ဖျဲးသုးမုၢ်ဒိၣ်(MLA) စံး၀ဲန့ၣ်လီၤ. ၀့ၢ်ကီးတရံးဒီးကြုၢ်တုကီၢ်ဆၣ်အဘၢၣ်စၢၤ အ့ရှၢကျဲမုၢ်အကပၤဒီတကျိၤအဖီခိၣ် စးထီၣ်လၢလါအ့ဖြ့ၣ်(၁၄)အနံၤ တၢ်ဒုးဆူၣ်ထီၣ်လၢ ကညီဒီကလုၥ်တၢ်ထူၣ်ဖျဲးသုးမုၢ်ဒိၣ်(KNLA)သုးပၥ်ဖှိၣ်ဒီးသုးကီၣ်ကးအသုးအဘၢၣ်စၢၤအပူၤ သုးကီၣ်ကးတပၤ ဟဲခးတၢ်လၢကလံၤကျါအဂ့ၢ် တၢ်သ့ၣ်ညါဘၣ်န့ၣ်လီၤ. တၢ်ဒုးအပူၤ သုးကီၣ်ကးဟဲခးလီၤတၢ်လၢကလံၤကျါအဃိ လါအ့ဖြ့ၣ်(၁၅)သီအနံၤန့ၣ် ကြုၢ်တု၀့ၢ်, ကါနံၣ်ဒိဂ့ၤတဲၥ်သ၀ီပူၤ(၆)ဂၤ, လါအ့ဖြ့ၣ်(၁၆)သီအနံၤန့ၣ် နွါခၠၣ်ကိသ၀ီပူၤ (၇)ဂၤ,

လါအ့ဖြ့ၣ်(၁၈)သီ,၂၀၂၅နံၣ် ကညီကီၫ်စဲၣ်,ကီးတရံးကီၫ်ဆၣ်အပူၤ ၀့ၫ်ကီးတရံးဒီး၀့ၫ်ကြူၫ်တုအခိၣ်အဃၢၤ တၫ်ဒုးတဖၣ်ကဲထီၣ်အဃိ လၢကြူၫ်တုကၠဲတိၤအသီန့ၣ် သုးကီၣ်ကးတကပၤ ကးတံာ်ကွံာ်၀ဲအဂ့ၫ် တၫ်သ့ၣ်ညါဘၣ်လၢ ပှၤနီသိလ့ၣ်ဖိ ဒီးတၫ်ပၢၫ်ဆၢသုးဖိတဖၣ်အအိၣ်န့ၣ်လီၤ. ကီးတရံး-ကြူၫ်တု အ့ရှၢၣ်ကျဲမုၫ်ဖးဒိၣ်ဒီတကျိၤအပူၤ အပူၤကွံာ်(၂)သီန့ၣ် တၫ်ဒုးကဲထီၣ်ဒိၣ်ဒိၣ်မုာ်မုာ်၀ံၤ သုးကီၣ်ကးတကပၤ ဟဲခးလီၤစၢၤတၫ်လၢကလံၤကျါ,ဒြိဒီးကျိဖးဒိၣ်တဖၣ်အသိး ဖၣ်တကပၤစ့ၫ်ကီး ပျၫ်လီၤသုးဖိလၢအကယၤဂၤ လၢကလဲၤမၤစၢၤတၫ်၀ံၤ ဟံးန့ၫ်ဃာ်တၫ်လီၫ်ဖဲကၠဲတိၤသီအဂ့ၫ် ပှၤလီၫ်က၀ီၤဖိဒီးသုးဂ့ၫ်ခီၣ်ထံးတၫ်ကစီၣ်တဖၣ် တဲ၀ဲလီၤ. ပှၤလီၫ်က၀ီၤဖိတဂၤတဲ၀ဲလၢ