လါအီးကထိဘၢၣ်(၂၁)သီ,၂၀၂၄နံၣ် လါအီးကထိဘၢၣ်(၂၀)သီအနံၤ, သုးကီၣ်ကးသုးကလၢၤ(၃)ဖျၢၣ်လၢ အိၣ်ဆီလီၤပၥ်သးဖဲခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ ကီးတရံးကီၢ်ဆၣ်, ရၤမတံကလံၤထံးကပၤ ဘျၢၣ်ဒိၣ်သ၀ီပူၤ သုးကီၣ်ကးအပှၤသုးဖိတဖၣ် ပၥ်တ့ၢ်သုးကလၢၤဃ့ၢ်ဖျိးကွံၥ်အသးအဂ့ၢ် သုးက့နီၣ်ဂ့ၢ်(၆) ဒုးယၤခိၣ်သုးခိၣ်ကျၢၢ်ဖိ စီၤနၢၤဒါထူစံး၀ဲန့ၣ်လီၤ. တၢ်ထီၣ်ဒုးမၤန့ၢ် စွဲၤတီၤကိသုးကလၢၤလၢအိၣ်ဖဲ လ့က့ၣ်ကိၥ်၀့ၢ်သီအကပၤ၀ံၤအလီၢ်ခံ သ့ၣ်ဘီဘိသုးကလၢၤ အတၢ်မဲၥ်ညါသုးကလၢၤ(၃)ဖျၢၣ်လၢအဂံၢ်အဘါ(၇၀)အိၣ် သုးကီၣ်ကးအပှၤသုးဖိတဖၣ် ဘၣ်ယိၣ်လၢ KNLAသုးပၥ်ဖှိၣ်တဖၣ် ကထီၣ်ဒုး၀ဲအဃိ ပၥ်တ့ၢ်သုးကလၢၤဃ့ၢ်ဖျိးကွံၥ်သးအဂ့ၢ် စံး၀ဲန့ၣ်လီၤ.

လါအီးကထိဘၢၣ်(၂၁)သီ,၂၀၂၄နံၣ် ပကိကီၫ်ခီ,တီအူကလံၤသုးကလၢၤန့ၣ် ဖဲလါအီးကထိဘၢၣ်(၂၀)သီအနံၤန့ၣ် ဘၣ်တၫ်ဒုးအီၤဒီး(၁၀၇-မမ)မျိာ်သၣ်(၃)၀ံၤအလီၫ်ခံ ဘၣ်တၫ်ပနီၣ်လီၫ်(၂)ဖျၢၣ်အဂ့ၫ် Brave Warriors for Myanmar (BWM)ထုးထီၣ် ဘိးဘၣ်ရၤလီၤ၀ဲလီၤ. သုးကီၣ်ကးန့ၣ် လၢထံကီၫ်ဒီတဘ့ၣ်အပူၤ မၤ၀ဲကလံၤကျါဒုးယၤတၫ်ရဲၣ်တၫ်ကျဲၤတဖၣ်၀ံၤ ထံဖိကီၫ်ဖိကမျၢၫ်ဘၣ်သံကိးမုၫ်နံၤအသိး,တီအူကလံၤသုးန့ၣ် ဘၣ်တၫ်ပာ်ဂံၫ်ပာ်ဘါအီၤလၢ ဒုးဃီၤ၀ဲတၫ်ပၢၫ်ဆၢကရၢတဖၣ်အဃိ ဘၣ်တၫ်ဒုး၀ဲအဂ့ၫ် (BWM)ပာ်ဖျါ၀ဲလီၤ. တၫ်ဒုးတပျီ၀ဲအံၤ Brave Warriors for

လါအီးကထိဘၢၣ်(၁၈)သီ,၂၀၂၄နံၣ် လါအီးကထိဘၢၣ်အတီၢ်ပူၤ သုးကီၣ်ကးလဲၤခးလီၤတၢ်ဖဲ မကွ့ကီၢ်ခီ,ကးကီၣ်ကီၢ်ရ့ၣ်, ယီဟီၣ်က၀ီၤပူၤ(၈)ဘျီအဃိ လီၢ်က၀ီၤကမျၢၢ်ဘၣ်သံ၀ဲ(၁၀)ဂၤ ဒီး ဘၣ်ဒိ၀ဲ(၃၀)ဘျဲၣ်အဂ့ၢ် ယီလီၢ်က၀ီၤကမျၢၢ်တၢ်ဒီသဒၢသုး(YPDF) ထုးထီၣ်ပၥ်ဖျါဃၣ်၀ဲဖဲ လါအီးကထိဘၢၣ်(၁၇)သီအနံၤန့ၣ်လီၤ. ဖဲအပူၤကွံၥ် လါအီးကထိဘၢၣ်(၁၄)သီအနံၤ သုးကီၣ်ကးကဘီယူၤဒုးသုး(၂)ခိၣ် လဲၤတ့ၢ်လီၤမ့ၣ်ပိၢ်ဒီးရီးကဲးတဖၣ် (၄)ဘျီအဃိ ယီလီၢ်က၀ီၤကမျၢၢ်တၢ်ဒီသဒၢသုးဖိ ဘၣ်ဒိ၀ဲ(၂)ဂၤအဂ့ၢ် ပၥ်ဖျါဃၣ်၀ဲန့ၣ်လီၤ. ဒီးတကးဘၣ် တၢ်လဲၤခးလီၤတၢ်အပူၤ ကမျၢၢ်ဘၣ်ဒိ(၉)ဂၤ၀ံၤ ဟံၣ်ဃီဘၣ်ဟးဂီၤကွံၥ်၀ဲ(၂၀)ဘျဲၣ်အသိး

လါအီးကထိဘၢၣ်(၁၈)သီ,၂၀၂၄နံၣ် ခ့ၣ်အဲၣ်ယူၣ်-လီၢ်ခၢၣ်သး၀ဲၤလီၢ်ခိၣ်သ့ၣ် ဘိးဘၣ်ရၤလီၤ၀ဲလၢ လါအီးကထိဘၢၣ်(၁၇)သီအနံၤ, ဂီၤ(၄း၃၀)နၣ်ရံၣ်အဆၢကတီၢ် ကညီဒီကလုၥ်တၢ်ထူၣ်ဖျဲးသုးမုၢ်ဒိၣ်(KNLA), ကညီဒီကလုၥ်ဂၢၤသးကရၢ(K.N.D.O)ဒီးသုးပၥ်ဖှိၣ်တဖၣ်ထီၣ်ဒုးမၤန့ၢ်သုးကီၣ်ကးစွဲၤတီၤကိကျိဖးဒိၣ်သုးကလၢၤလၢအိၣ်ဖဲခ့ၣ်အဲၣ်ယူၣ်,ကညီဒီကလုၥ်စၢဖှိၣ်ကရၢ,သုးက့နီၣ်ဂံၢ်(၆),ကီၢ်ရ့ၣ်ဒူပျၥ်ယၥ်,ကီးတရံးကီၢ်ဆၣ်, လ့က့ၣ်ကိၥ်ဝ့ၢ်ဃၢၤအဂ့ၢ်န့ၣ်လီၤ. စွဲၤတီၤကိသုးကလၢၤအံၤမ့ၢ်သုးကလၢၤတဖျၢၣ်လၢမုၢ်ထီၣ်ကလံၤထံးသုး၀ဲၤလီၢ်ခိၣ်သ့ၣ်(ရတခ)အစုတီၤဖီလၥ်သုးတဖၣ် တီခိၣ်ရိၣ်၀ဲဒီး စးထီၣ်လၢ၂၀၀၃နံၣ်န့ၣ် ဟဲဆီလီၤပၥ်အသးလၢ ကၠီၣ်တဲၣ်-ကညီကီၢ်ဆၢ၀ံၤ ၂၀၂၁နံၣ်သုးဟံးန့ၢ်ဆူၣ်ထံကီၢ်တၢ်စိတၢ်ကမီၤ၀ံၤအလီၢ်ခံသုးတြိၤ(၂၂), သုးတြိၤ(၄၄)ဒီး ပီၣ်လဲၢ်နံၤသုးတဖၣ် ဟဲဆီလီၤအိၣ်သုးကလၢၤန့ၣ်လီၤ. သုးကလၢၤအံၤအိၣ်ဆီလီၤပၥ်သးလၢ ကၠီၣ်တဲၣ်-ကညီကီၢ်ဆၢဒီးတၢ်ပညိၣ်ဆီလီၤပၥ်အီၤ ဒ်သိးကန့ၢ်ပၢလီၢ်က၀ီၤဒီးကီၢ်ဆၢဘံၢ်ဘၢအဂီၢ်၀ံၤ စးထီၣ်လၢဟဲနုၥ်လီၤဒုး လ့က့ၣ်ကိၥ်၀့ၢ်သီန့ၣ် ပညိၣ်ခးလီၤကျိဖးဒိၣ်တဖၣ်ဆူ