လါနိၣ်၀့ဘၢၣ်(၈)သီ,၂၀၂၄နံၣ်
ပှၤလီၫ်အိၣ်ကမှံဖိလၢ ဘၣ်တၫ်မၤဆူးမၤဆါအီၤသ့တဖၣ် ကၠီၣ်တဲၣ်ပဒိၣ် သုတက့ၤဆှၢက့ၤဆူအတၫ်အိၣ်တၫ်ဆိးအဂီၫ် တၫ်ဒုးဖျိးကွံာ်တၫ်မၤဆူးမၤဆါ ဘီမုၫ်စၢဖှိၣ်ကရၢကမံးတံာ် ကဟ့ၣ်ဘၣ်တၫ်ဆီၣ်သနံးအဂီၫ် တၫ်အိၣ်ခိးကွၫ်ပှၤဂ့ၫ်၀ီခွဲး ယာ်ကရၢ(HRW)ဃ့ထီၣ်၀ဲ ဖဲလါနိၣ်၀့ဘၢၣ်(၆)သီအနံၤန့ၣ်လီၤ.
တရူး,ပယီၤ,ဘံၣ်ယဲးနၣ် ပာ်ဃုာ် ထံကီၫ်တဖၣ်လၢအိၣ်ဒီးတၫ်မၤနီၣ်မၤဃါလၢ မၤအၢမၤသီမၤဆူးမၤဆါ ပှၤလၢထီဒါအီၤတဖၣ်အံၤအအိၣ် ကၠီၣ်တဲၣ်ပဒိၣ်န့ၣ် က့ၤဆှၢက့ၤ ပှၤလီၫ်အိၣ်ကမှံဒီး ပှၤလၢဃုဟဲအိၣ်ကဒုလၢ ကီၫ်ကၠီၣ်တဲၣ် အပူၤတဖၣ်အဂ့ၫ် တဲ၀ဲလီၤ.
တၫ်အံၤ ပဒိၣ်တဖၣ်န့ၣ် ပှၤလၢတၫ်မၤဆူးမၤဆါအီၤသ့တဖၣ် တၫ်က့ၤဆှၢက့ၤဆူအတၫ်အိၣ်တၫ်ဆိးလီၫ်ကျဲန့ၣ် မ့ၫ်ကၠီၣ်တဲၣ်ပဒိၣ်အတၫ်မၤကမၣ်၀ဲ ၂၀၀၇နံၣ် ဘီမုၫ်စၢဖှိၣ်ကရၢကိၣ်ဘ့ရှ့(ကုလကွန်ဗေးရှင်း)အတၫ်တြီဃာ်န့ၣ်လီၤ.
တၫ်ဒုးဖျိးကွံာ်တၫ်မၤဆူးမၤဆါ ဘီမုၫ်စၢဖှိၣ်ကရၢကမံးတံာ်န့ၣ် လၢကတီၫ်အံၤ ကသမံသမိးကီၫ်ကၠီၣ်တဲၣ် အတၫ် မၤနီၣ်မၤဃါတဖၣ် အိၣ်၀ဲ၀ံၤ တၫ်မၤကမၣ်တၫ်ဘျၢသဲစးအဂီၫ် တၫ်ကြၢးဟ့ၣ်ကၠီၣ်တဲၣ်တၫ်ဆီၣ်သနံးအဂ့ၫ် HRW ပာ်ဖျါ၀ဲလီၤ.
ပယီၤသုးပဒိၣ်န့ၣ် ပာ်ဖျါ၀ဲတၫ်မၤအၢမၤသီမၤဆူးမၤဆါ တၫ်ကစီၣ်တဖၣ်ဘၣ်ဆၣ် ကၠီၣ်တဲၣ်ပဒိၣ်န့ၣ် က့ၤဆှၢက့ၤ ကီၫ်ပယီၤပှၤဘၣ်ကီဘၣ်ခဲဖိတဖၣ်ဆူ ကီၫ်ဆၢအတၫ်အိၣ်တၫ်ဆိးအလီၫ်အဂ့ၫ် တဲ၀ဲလီၤ.
ကၠီၣ်တဲၣ်ပဒိၣ်န့ၣ် ဒိကနၣ်လူၤပိာ်မၤထွဲတၫ်ဘျၢတအိၣ်ဘၣ်အမဲာ်ညါ သုတပာ်မၤအသးဒ် ဒိကနၣ်လူၤပိာ်မၤထွဲ၀ဲ တန့ၫ်အဂီၫ် တၫ်ဒုးဖျိးကွံာ်တၫ်မၤဆူးမၤဆါ ဘီမုၫ်စၢဖှိၣ်ကရၢကမံးတံာ်န့ၣ် ကြၢးသံကွၫ်ကၠီၣ်တဲၣ်ပဒိၣ်၀ံၤ တၫ်စံးဆၢ ကဒါက့ၤတဖၣ်န့ၣ် မ့ၫ်တၫ်အရ့ဒိၣ်နီၫ်မးအဂ့ၫ် HRWပာ်ဖျါ၀ဲလီၤ.
Ref: RFA
