တၫ်ဟ့ၣ်ခီဃီၤတၫ်စိတၫ်ကမီၤဆူ ကီၫ်ခိၣ်လၢဘၣ်တၫ်ဃုထၢထီၣ် Donald Trump တီခိၣ်ရိၣ်မဲပဒိၣ်အအိၣ် ကလဲၤအသးလၢ ဘၣ်ဂ့ၫ်ဘၣ်၀ီအဂီၫ် ကပာ်ဖှိၣ်မၤသကိးတၫ်ဒီးအပဒိၣ်ပပှၫ်တဖၣ်အဂ့ၫ် အမဲကရၤကီၫ်ခိၣ် ကၠိဘဲၣ်တၣ် တဲလီၤ၀ဲလီၤ.
“ဖဲမဟါနံၤ ကီၫ်ခိၣ် Trumpလၢဘၣ်တၫ်ဃုထၢထီၣ်အီၤအံၤ အတၫ်မၤနၢၤအဖီခိၣ် မၤလၤကပီၤဘၣ်၀ဲအဂ့ၫ် တဲစိဃီၤ ၀ဲန့ၣ်လီၤ. ကကဲထီၣ် တၫ်ဟ့ၣ်ခီဃီၤတၫ်စိတၫ်ကမီၤ လၢတၫ်မုာ်တၫ်ခုၣ်ဒီး လၢအကျိၤအကျဲၤဘၣ်အပူၤအဂီၫ် နဲၣ်လီၤ ဃာ် ယပဒိၣ်တဖၣ်န့ၣ်လီၤ.”
လၢဒံၣ်မိၣ်ကရ့ၣ်စံၣ်သနူအပူၤန့ၣ် ကဘၣ်မ့ၫ်ဒ်သိးထံဖိကီၫ်ဖိကမျၢၫ်အတၫ်ဘၣ်သးအသိးအဂ့ၫ် တဲ၀ဲလီၤ. ဒ်ကီၫ်ခိၣ် တဂၤအမူအဒါအသိး တၫ်ကဘၣ်ဒိကနၣ်လူၤပိာ်မၤထွဲ ထံကီၫ်တၫ်ဘျၢသဲစးအဂ့ၫ် တဲ၀ဲ၀ံၤ, နံၣ်လၢကဟဲ လါယနူၤအါရံၤ(၂၀)သီအနံၤ ကဘၣ်မ့ၫ် တၫ်ဟ့ၣ်ခီဃီၤတၫ်စိတၫ်ကမီၤ လၢတၫ်မုာ်တၫ်ခုၣ်အပူၤ အဂ့ၫ်စ့ၫ်ကီး ကီၫ်ခိၣ်ကၠိဘဲၣ်တၣ် တဲ၀ဲလီၤ.
လၢကတီၫ်အံၤ ပှၤတနီၤအဂီၫ် ကမ့ၫ်တၫ်မၤနၢၤလီၤ.ပှၤလၢအိၣ်တ့ၫ်တဖၣ်အဂီၫ်ဒု ကမ့ၫ်တၫ်အဃၣ်လီၤ. ဘၣ်ဆၣ် သနာ်က့ ထံကီၫ်တၫ်ဃုထၢန့ၣ် ဘၣ်တူၫ်လိာ်၀ဲအဂ့ၫ်စ့ၫ်ကီး ကီၫ်ခိၣ်ကၠိဘဲၣ်တၣ် တဲ၀ဲလီၤ.
ဟ့ၣ်တ့ၫ်မတဂၤဂ့ၤ တဂၤဂ့ၤတၫ်ဖးဘၣ်ဆၣ်, ကမဲရကၤထံဖိကီၫ်ဖိတဖၣ် တဂၤဒီးတဂၤ သုထံၣ်လိာ်သးဒ်သိးဒုၣ်ဒါ အသိးတဂ့ၤအဂီၫ်ဒီး တၫ်ဖ့ၣ်ဆၢတဖၣ် တၫ်ကမၤလီၤကဆှၣ်အဂီၫ် ကီၫ်ခိၣ်ကၠိဘဲၣ်တဲၣ် တဲဟ့ၣ်ပလီၫ်၀ဲလီၤ.
Ref: VOA
