လါနိၣ်၀့ဘၢၣ်(၉)သီ,၂၀၂၄နံၣ်
အမဲရကၤကီၢ်စၢဖှိၣ်ပဒိၣ်သီ မၤဃံးထီၣ်၀ဲ တၢ်ကူလဲၢ်မၤဂၤဒီး တၢ်သုးလီၢ်သုးကျဲသဲစးတဖၣ်အဃိ (၄၇)၀ီတ၀ီကီၢ်ခိၣ်လၢအမ့ၢ် ဒီၣ်နၢၤထြၢးပဒိၣ်အံၤ မၤပတုၥ်ကွံၥ် တၢ်သုးလီၢ်သုးကျဲ ကီၢ်ပယီၤပှၤဘၣ်ကီဘၣ်ခဲဖိလၢ အိၣ်ဖဲကၠီၣ်တဲၣ်ကီၢ်ဆၢတဖၣ်သ့အဂ့ၢ် ပှၤကူၣ်သ့ကူၣ်ဘၣ်လၢ ပှၤဂ့ၢ်၀ီခွဲးယၥ်ဂ့ၢ်၀ီတဖၣ် ပဲၥ်ထံနီၤဖး၀ဲန့ၣ်လီၤ.
ဒံၣ်မိၣ်ကရံးတံးပၣ်တံၣ်တီခိၣ်ရိၣ်မဲ ကီၢ်ခိၣ်ဘဲၣ်တၣ်ပဒိၣ်ဒီးကၠီၣ်တဲၣ်ပဒိၣ်အဘၢၣ်စၢၤ တၢ်တၢၣ်ပီၣ်တဲသကိးတဖၣ်အဖီခိၣ် ပှၤဘၣ်ကီဘၣ်ခဲဖိအစှၤကတၢၢ်(၆၀,၀၀၀)ဘျဲၣ် တၢ်ကဆှၢအီၤဆူထံကီၢ်သၢဘ့ၣ်တဘ့ၣ်၀ံၤ တၢ်ကကးတံၥ်ကွံၥ် ပှၤဘၣ်ကီဘၣ်ခဲဒဲက၀ီၤတနီၤလၢ အိၣ်ဖဲကီၢ်ကၠီၣ်တဲၣ်ပူၤန့ၣ်လီၤ.
ဘၣ်ဆၣ်ဒီးဒံၣ်မိၣ်ကရံးတံးပၣ်တံၣ် ဃၣ်ကွံၥ်တၢ်ဃုထၢအဃိ ဒီၣ်နၢၤထြၢးလၢတဆိၣ်ကမိၣ် ပှၤဂ့ၢ်၀ီခွဲးယၥ်တခီ မၤပတုၥ်ကွံၥ် တၢ်ရဲၣ်တၢ်ကျဲၤတဖၣ်သ့အဂ့ၢ် Asia Human Rights & Labour Advocates (AHRLA) ဖံၣ်လ့းရီဘၢးဆၣ် ပဲၥ်ထံနီၤဖး၀ဲန့ၣ်လီၤ.
ကီၢ်ခိၣ်ထြၢး မ့ၢ်မၤဖျါထီၣ်ကျဲသနူတဖၣ်လၢ အတၢ်ကိးသတြီၤလၢ တၢ်ဃုထၢခဲၣ်ဖ့အပူၤတခီ ပှၤလံၥ်အုၣ်သးတအိၣ်လၢဟဲအိၣ်ဖဲကီၢ်အမဲရကၤတဖၣ်စ့ၢ်ကီး တၢ်ကဖီၣ်အီၤ၀ံၤ တၢ်ကက့ၤဆှၢအီၤဆူ အတၢ်အိၣ်ဆိးလီၢ်ကျဲသ့အဂ့ၢ် အ၀ဲစံး၀ဲန့ၣ်လီၤ.
UNHCR လၢအိၣ်ဆီလီၤသးဖဲ ကီၢ်ကၠီၢ်တဲၣ် အတၢ်လံၥ်ပၥ်ဖျါတၢ်ဂ့ၢ်တၢ်ကျိၤအဖီခိၣ် ပှၤဘၣ်ကီဘၣ်ခဲဒဲက၀ီၤ(၉)ဖျၢၣ်လၢ အိၣ်ဖဲကၠီၣ်တဲၣ်-ပယီၤကီၢ်ဆၢအပူၤ ပှၤဘၣ်ကီဘၣ်ခဲဖိအိၣ်ဖဲ (၈၁,၉၄၂)ဂၤဘျဲၣ်အဂ့ၢ် တၢ်သ့ၣ်ညါဘၣ်န့ၣ်လီၤ.
Ref – The Nation
