လါနိၣ်၀့ဘၢၣ်(၇)သီ,၂၀၂၄နံၣ်
အမဲရကၤကီၢ်ခိၣ်တၢ်ဃုထၢအပူၤ ရံးပဲးပလ့ၣ်ကၣ်အခိၣ် ဒီၣ်နၢၤထြၢး မၤနၢၤကွံၥ် အသိၣ်ဒံၣ်မိၣ်ကရံးတံးကီၢ်ခိၣ်ပတြီၤ ကဲၣ်မလၣ်ဟဲးရ့း၀ံၤ တၢ်ဃုထၢအီၤဒ်(၄၇)ဂၤတဂၤ အမဲရကၤကီၢ်ခိၣ်တဂၤအသိးန့ၣ်လီၤ.
ထြၢး ကတိၤလီၤ တၢ်ဃုထၢတၢ်မၤနၢၤအဂီၢ်၀ံၤ တဲလီၤ၀ဲစ့ၢ်ကီး “ကမၤပတုၥ်ကွံၥ် တၢ်ဒုးတဖၣ်အဂ့ၢ်” န့ၣ်လီၤ.
“တၢ်ဃုထၢအီၤ အမဲရကၤ ၄၇ဂၤဒီး၄၅ဂၤကီၢ်ခိၣ်အဃိ ယစံးဘျူးဘၣ် အမဲရၤကၤထံဖိကမျၢၢ်ဖိတဖၣ်” အဂ့ၢ် ကတိၤလီၤတၢ်ဖဲဖလီၢ်ရံၣ်တၣ်ကီၢ်စဲၣ်, West Palm Beach၀့ၢ်အပူၤ ထြၢးတဲလီၤ၀ဲန့ၣ်လီၤ.
“ယကမၤကဲထီၣ် အမဲရကၤဒ်ဂၢၤကျၢၤဂံၢ်ဘါဆူၣ်, အိၣ်ဒီးတၢ်ဘံၣ်တၢ်ဘၢ, အီၣ်ကုအီၣ်ပှဲၤထံကီၢ်တဘ့ၣ်အသိး”အဂ့ၢ် ထြၢဒီးတဲလီၤ၀ဲ၀ံၤ အၢၣ်လီၤ၀ဲ “ထူစိၤ”အဂီၢ်န့ၣ်လီၤ.
ထြၢးမၤနၢၤတၢ်ဃုထၢ၀ံၤဟဲက့ၤတုၤဆူ ဟံၣ်၀ါန့ၣ် တၢ်အိၣ်သးလၢတၢ်တဲတသ့ ကဲထီၣ်သ့လၢယူၣ်ကရ့အဂီၢ်၀ံၤ တၢ်ဘၣ်ယိၣ်လၢ ထြၢးကမၤတၢ်အၢၣ်လီၤဒီးရှၢးရှၢၣ်၀ံၤ တၢ်ကထုးကွံၥ်တၢ်ဆီၣ်ထွဲမၤစၢၤ ယူၣ်ကရ့အဂီၢ်န့ၣ်လီၤ.
ထြၢးတထၢနုၥ်တဲလီၤ၀ဲ ဘၣ်ထွဲဒီးရှၢးရှၢၣ်နုၥ်လီၤဂုၢ်ဆူၣ်ဒုးယူၣ်ကရ့ အဖီခိၣ် ဘၣ်ဆၣ် အပူၤကွံၥ် အကဲအဆိကတၢၢ်ကီၢ်ခိၣ်တဘျီဒံးခါန့ၣ် အမဲရကၤ တထံၣ်ဘၣ်၀ဲ တၢ်ဒုးတဖၣ်ဘၣ်အဂ့ၢ် တဲလီၤ၀ဲန့ၣ်လီၤ.
“၄နံၣ်အတီၢ်ပူၤ ပတထံၣ်ဘၣ် တၢ်ဒုးတဖၣ်ဘၣ်” ထဲဒၣ်လၢ ပမၤနၢၤကွံၥ် အဲၣ်အဲးတဖၣ်”လီၤအဂ့ၢ် ထြၢးတဲလီၤ၀ဲန့ၣ်လီၤ.
“အ၀ဲသ့ၣ်တဲလၢ ယကစးထီၣ်တၢ်ဒုးတခါအဂ့ၢ်လီၤ” ယတစးထီၣ်တၢ်ဒုးဘၣ်. ယကမၤပတုၥ်ကွံၥ်တၢ်ဒုးတဖၣ်လီၤ”အဂ့ၢ် ထြၢးတဲလီၤ၀ဲန့ၣ်လီၤ.
