လါအ့ဖြ့ၣ်(၁၀)သီ,၂၀၂၅နံၣ်
စကဲကီၫ်ခီ,၀ိသိၣ်ကီၫ်ဆၣ်,နါခါသ၀ီ သုးကီၣ်ကးအသုးတ့ၫ်လီၤမ့ၣ်ပိၫ်လၢကဘီယူၤ(၂)ဘျီအဃိ ဖိသၣ်ပာ်ဃုာ် ကမျၢၫ်ဘၣ်သံ(၂၀)ဂၤအဂ့ၫ် Kawlin info ပှၤဘၣ်မူဘၣ်ဒါတဂၤတဲ၀ဲလီၤ.
ဖဲလါအ့ဖြ့ၣ်(၉)သီနံၤ မုၫ်ဃ့ၫ်လီၤ(၃)နၣ်ရံၣ်အကတီၫ်ဃၣ်ဃၣ်န့ၣ် သုးကီၣ်ကးအသုးကဘီယူၤဒုးသုး တ့ၫ်လီၤမ့ၣ်ပိၫ် ဖဲ၀ိသိၣ်ကီၫ်ဆၣ်,နါခါသ၀ီအဂ့ၫ်,ဒီးဖဲဟါ(၆)နၣ်ရံၣ်ဃၣ်ဃၣ်အဆၢကတီၫ်စ့ၫ်ကီး သုးကီၣ်ကးအသုးတ့ၫ်လီၤကဒီး မ့ၣ် ပိၫ်လၢနါခါသ၀ီ လၢကဘီဒုးသုးတဖၣ်အဂ့ၫ် တၫ်သ့ၣ်ညါဘၣ်လီၤ.
“ကမျၢၫ်တၫ်ဘၣ်ဒိဘၣ်ထံးအိၣ်၀ဲလီၤ.လၢအခဲအံၤန့ၣ် တၫ်သ့ၣ်ညါဘၣ်လၢ ပှၤဘၣ်သံ(၂၀)ဂၤဘျဲၣ်န့ၣ်လီၤ. ကသ့ၣ်ညါဘၣ်တၫ်သံတၫ်ပှၫ်အနီၫ်ဂံၫ်လီၤတံၫ်လီၤဆဲးအဂီၫ် တၫ်လူၤမၤလီၤတံၫ်ကဒီး၀ဲအဂ့ၫ်” Kawlin info ပှၤဘၣ်မူဘၣ်ဒါတဂၤတဲ၀ဲန့ၣ်လီၤ.
Ref: khit thit
