လၢန့ၣ်ပၠံၣ်တီၣ် အမဲရကၤကသံၣ်ပှၤကူၣ်သ့ကရၢ အိးထီၣ်ဂ့ၫ်ဂီၫ်အူတၫ်ဆါဟံၣ်၀ံၤ ကူစါယါဘျါတၫ်

လါအ့ဖြ့ၣ်(၉)သီ,၂၀၂၅နံၣ်

ကီၫ်အမဲရကၤ ကသံၣ်သရၣ်,Nurseတဖၣ်ဒီးပှၤကူၣ်သ့တဖၣ်ပာ်ဃုာ် Samaritan’s Purseကရၢန့ၣ် လၢန့ၣ်ပၠံၣ်တီၣ် တၫ်ကူစါယါဘျါ၀ဲၤကျိၤတစိၤတလီၫ်အပူၤ စးထီၣ်တၫ်ကူးကွဲးတၫ်ဖံးတၫ်မၤတဖၣ်လံအဂ့ၫ် ဖဲလါအ့ဖြ့ၣ်(၇)သီအနံၤန့ၣ် ဘိးဘၣ်ရၤလီၤ၀ဲလီၤ.

ကရၢ၀ဲအံၤန့ၣ် ဖဲတၫ်ခီၣ်ဆၢ နဆၢၣ်တၫ်လီၤဘၣ်ယိၣ် ကရၢလီၤဆီတ့ထီၣ် ဂ့ၫ်ဂီၫ်အူတၫ်ချၢတၫ်ဆါဟံၣ်အကတီၫ် ကသံၣ်သရၣ်ဒီးNurseကရၢတဖုန့ၣ် ကူစါယါဘျါတၫ်အဂ့ၫ် တဲ၀ဲလီၤ.

တၣ်ဆါဟံၣ်လၢ ခးဆ့ၣ်နီၤအိၣ်(၆၀)အပူၤ ဂ့ၫ်ဂီၫ်အူဒၢး,တၫ်ကူးကွဲးဒၢး,ကသံၣ်ကျး,ဂ့ၫ်ဂီၫ်အူတၫ်ကူစါယါဘျါယူၣ်နံး ဒီးတၫ်ကူးကွဲးတဖၣ် ကိးမုၫ်နံၤမၤ၀ဲကန့ၫ်လၢအဆံတဖၣ်အဂီၫ် ကတ့အါထီၣ် တၫ်ကူးကွဲး(၂)ဒၢးအဂ့ၫ် ပာ်ဖျါ၀ဲလီၤ.

ပှၤလၢတူၫ်ဘၣ်ဟီၣ်ခိၣ်ဟူးတၫ်ဘၣ်ဒိဘၣ်ထံး (၁၀၀)ဂၤဃၣ်ဃၣ် အိၣ်ခိးတၫ်လၢ ကဒိးကွဲးသးအဂီၫ်အဂ့ၫ်တဲ၀ဲလီၤ.

Samaritan’s Purseအပှၤပၢၤလီၫ်ဆ့ၣ်နီၤ Franklin Grahamတခီ”ဖဲတၫ်တ့ထီၣ်ဘှီထီၣ် တၫ်ချၢတၫ်ဆါဟံၣ်အကတီၫ် မၤ၀ဲတၫ်ကူးကွဲးတဖၣ်န့ၫ်အဃိ စံးဘျူးဘၣ်ကစၫ်ယွၤလီၤ.ပှၤဆါကိးဂၤဒဲးန့ၣ် ကစၫ်ယွၤအဲၣ်အီၤလီၤ.အ၀ဲသ့ၣ်န့ၣ် တမ့ၫ်အိၣ်ထဲတဂၤဘၣ်န့ၣ် အဲၣ်ဒိးဒုးသ့ၣ်ညါ၀ဲအဂ့ၫ်”တဲ၀ဲလီၤ.

ဖဲလါမးရှး(၂၈)သီနံၤ ဟီၣ်ခိၣ်ဟူးလၢအသဟီၣ်ဆူၣ်အိၣ်(၇.၇)ဟူး၀ံၤအလီၫ်ခံ ယံာ်စှၤသီအတီၫ်ပူၤ ထံဂုၤကီၫ်ဂၤ တၫ်မၤပူၤဖျဲးကရၢန့ၣ် ဆှၢလီၤ၀ဲဂ့ၫ်ဂီၫ်အူပျီပူၤတၫ်ဆါဟံၣ်ဆူကီၫ်ပယီၤအဂ့ၫ် တၫ်ဘိးဘၣ်ရၤလီၤအပူၤ ပာ်ဃုာ်၀ဲလီၤ.

ဟီၣ်ခိၣ်ဟူးအဃိ ပှၤခဲလၢာ် ၃၅၀၀ ဘျဲၣ်ဘၣ်သံ၀ံၤ ပှၤလၢအကထိဘၣ်ဒိဘၣ်ထံးဒီးလီၤမၫ်အိၣ်၀ဲအဃိ လိၣ်ဘၣ်ဂ့ၫ် ဂီၫ်အူဆူၣ်ချ့တၫ်ကဟုကယာ်တဖၣ်အဂ့ၫ် တဲ၀ဲလီၤ.

၇၄၇ ကဘီယူၤလၢတီၣ်ပနံာ်တခိၣ်န့ၣ် တၫ်မၤကဆှီထံ(၆)ခါပာ်ဃုာ် ဂ့ၫ်ဂီၫ်အူတၫ်မၤစၢၤ ၁၀၄တၣ်ဘျဲၣ် ဟဲတီၣ်၀ဲ၀ံၤ အိၣ်ဟးထီၣ်လၢ ကီၫ်အမဲရကၤ ကလံၤစိးကဲၣ်ရိၣ်လဲနါကီၫ်စဲၣ်လံအဂ့ၫ် တဲ၀ဲလီၤ.

Samaritan’s Purseကရၢန့ၣ် လၢကတီၫ်အံၤ ကီၫ်ပယီၤပူၤ ကရၢဖိအိၣ်၀ဲ(၈၀)ဘျဲၣ် လၢစှၤသီအတီၫ်ပူၤ မုၫ်လၫ်ဃာ်၀ဲ လၢ ကဟဲအါထီၣ်အဂ့ၫ်တဲ၀ဲန့ၣ်လီၤ.

Ref: rfa