လါအ့ဖြ့ၣ်(၉)သီ,၂၀၂၅နံၣ်
အ့ၣ်ယၣ်၀တံၣ်ကီၫ်ခီ,လ့မၠဲးနၣ်ကီၫ်ဆၣ်,သီၣ်ဘိးကရူၫ်အပူၤ သုးကီၣ်ကး အဒူသသ၀ီသးပှၫ်ဒီးဟံၣ်တကယၤဖျၢၣ် အခိၣ်တဖၣ် ပာ်ထီၣ်တၫ်ဂ့ၫ်လၢကမျၢၫ်တၫ်ဘၣ်ကဲသုးတၫ်ဘျၢ၀ံၤ တဲပျံၤတဲဖုးဃ့အီၣ်စ့အဂ့ၫ် တၫ်သ့ၣ်ညါဘၣ်လၢ လီၫ်က၀ီၤဖိတဖၣ်အိၣ်န့ၣ်လီၤ.
ဟံၣ်(၁)ဖျၢၣ်စုာ်စုာ်န့ၣ် သးနံၣ်(၁၈)နံၣ်တုၤ(၃၅)နံၣ်အဘၢၣ်စၢၤ မ့ၫ်အိၣ်(၁)ဂၤန့ၣ် စ့(၈၀၀၀)ကၠး,မ့ၫ်အိၣ်(၂)ဂၤန့ၣ် တၫ်ဘၣ်ဟ့ၣ်၀ဲတုၤလၢ(၁)ကလီၫ်တခီညါအဂ့ၫ် လီၫ်က၀ီၤဖိတဖၣ်တဲ၀ဲလီၤ.
“တဲ၀ဲလၢတၫ်ကရၢကရိထီၣ်ကမျၢၫ်တၫ်ဘၣ်ကဲသုးအဂီၫ်ဒီးတဲပျံၤတံဖုး၀ဲ၀ံၤ ဃ့န့ၫ်ဆူၣ်ကျိာ်စ့တဖၣ်လီၤ.ဒီးလၢခိခိၣ် ဒူသ၀ီတကပၤန့ၣ် ပှၤဘၣ်စံၣ်သုးလီၤ.ဃ့န့ၫ်ဆူၣ်စ့အဃိ ထံၣ်ဘၣ်တၫ်ကီတၫ်ခဲဖးဒိၣ်အဂ့ၫ်”လီၫ်က၀ီၤဖိတဂၤလၢ အိၣ်ဖဲသီၣ်ဘိးကရူၫ်ပူၤ တဲ၀ဲလီၤ.
လ့မၠဲးနၣ်ကီၫ်ဆၣ်,သီၣ်ဘိးကရူၫ်ပူၤ သုးကီၣ်ကးဒီးရၢၫ်ခၢၣ်သုးမုၫ်ဒိၣ်(AA),ကမျၢၫ်တၫ်ဒီသဒၢသုး(PDF)သုးပာ်ဖှိၣ်တဖၣ် အဘၢၣ်စၢၤတၫ်ဒုးကဲထီၣ်၀ံၤ ဖဲဒူသ၀ီတဖၣ်န့ၣ်အပူၤ လီၫ်က၀ီၤကမျၢၫ်တဖၣ် ဘၣ်စံၣ်သုးအဂ့ၫ် တၫ်သ့ၣ်ညါဘၣ်လၢ လီၫ်က၀ီၤဖိတဖၣ်အိၣ်န့ၣ်လီၤ.
အ့ၣ်ယၣ်၀တံၣ်ကီၫ်ခီပူၤ ကီၫ်ဆၣ်အိၣ်(၂၆)ဘ့ၣ်၀ံၤ သုးကီၣ်ကး အက၀ီၤဒ့ခိၣ်,ဟံၣ်တဆံဖျၢၣ်အခိၣ်,ဟံၣ်တကယၤ ဖျၢၣ်အခိၣ်အါတက့ၫ်န့ၣ် တုၤလၢကတီၫ်အံၤ ပာ်ထီၣ်တၫ်ဂ့ၫ်လၢကမျၢၫ်တၫ်ဘၣ်ကဲသုးအဖီခိၣ်၀ံၤ ထၢကျိာ်စ့အိၣ်၀ဲ တပယူာ်ဃီန့ၣ်လီၤ.
Ref: Ayeyarwady Times
