လါအ့ဖြ့ၣ်(၁၁)သီနံၤ,၂၀၂၅နံၣ်
ဖဲလါအ့ဖြ့ၣ်(၉)သီအနံၤန့ၣ် ဒီကလုာ်ဃူဖိးပဒိၣ်(NUG) ဘိးဘၣ်ရၤလီၤ၀ဲလၢ ကီၫ်ပယီၤပူၤ ဖဲလါမးရှး(၂၈)သီအနံၤန့ၣ် ကွၫ်ဆၢၣ်မဲာ်ဘၣ် ဟီၣ်ခိၣ်ဟူးတၫ်ဘၣ်ဒိဘၣ်ထံးဒိၣ်ဒိၣ်မုာ်မုာ်၀ံၤ လၢတနွံအအကတီၫ်ပူၤ သုးကီၣ်ကးအသုးဒုးခးလီၤ တၫ်လၢကဘီယူၤဒီးကျိဖးဒိၣ်တဖၣ် အိၣ်၀ဲခဲလၢာ်ပာ်ဖှိၣ်(၉၂)ဘျီန့ၣ်လီၤ.
တၫ်ဒုးဃီၤတဘျီအံၤအပူၤ သးနံၣ်(၁၈)နံၣ်အဖီလာ် ဖိသၣ်(၆)ဂၤဒီးပိာ်မုၣ်အဂၤ(၃၀)ပာ်ဃုာ် ကမျၢၫ် (၇၂)ဂၤ ဘၣ်သံ၀ဲအဂ့ၫ်တဲ၀ဲလီၤ.
စကဲကီၫ်ခီလၢတူၫ်ဘၣ်ဟီၣ်ခိၣ်ဟူးအနးကတၢၫ်အံၤအပူၤ ဘၣ်တၫ်ဒုးအီၤ(၁၈)ဘျီ၀ံၤ လၢမါတလ့ကီၫ်ခီအပူၤစ့ၫ်ကီး ဘၣ်တၫ်ဒုး၀ဲ(၁၈)ဘျီအဂ့ၫ် ပာ်ဖျါ၀ဲလီၤ.
ဘၣ်ထွဲဒီး(NUG)အတၫ်ထုးထီၣ်ဘိးဘၣ်ရၤလီၤ၀ဲအံၤအဖီခိၣ် သုးကီၣ်ကးတကပၤ တတဲခီၣ်ဆၢတၫ်နီတမံၤဒံးဘၣ်
သုးကီၣ်ကးတခီ ဘိးဘၣ်ရၤလီၤ၀ဲလၢ ကီၫ်ပယီၤပူၤ ဖဲလါမးရှး(၂၈)သီနံၤ ဟီၣ်ခိၣ်ဟူးတၫ်မၤဘၣ်ဒိဘၣ်ထံးတဖၣ်အ ဃိ တုၤလါအ့ဖြ့ၣ်(၈)သီ ပှၤဘၣ်သံအိၣ်ထီၣ်တုၤ(၃၆၄၅)ဂၤ၀ံၤ ဘၣ်ဒိဘၣ်ထံး(၅၀၁၇)ဂၤ, ပှၤလီၤမၫ်အိၣ်(၁၄၈)ဂၤ န့ၣ်လီၤ.
Ref: rfa
