လါယနူၤအါရံၤ(၂၁)သီ,၂၀၂၅နံၣ် ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ, ကီၢ်ရ့ၣ်ဒူသထူၣ်ဟီၣ်က၀ီၤ,ကၠဲးထိၣ်ဒီးဘံလ့ကီၢ်ဆၣ်အပူၤ ခီဖျိသုးဟံးန့ၢ်ဆူၣ်ထံကီၢ်တၢ်စိတၢ်ကမီၤသုးကီၣ်ကးအသုး ခးလီၤကျိဖးဒိၣ်ဒီးဒြိတဖၣ်အဃိ လီၢ်က၀ီၤကမျၢၢ်တဖၣ်တၢ်ဘၣ်ဒိဘၣ်ထံးဒီးအစုလီၤခီၣ်ခိၣ်တၢ်ဟးဂုၤဟးဂီၤတဖၣ် အိၣ်ထီၣ်၀ဲအဂ့ၢ် တၢ်သ့ၣ်ညါဘၣ်လၢ ကီၢ်ရ့ၣ်ဒူသထူၣ်ပှၤဘၣ်မူဘၣ်ဒါအအိၣ်န့ၣ်လီၤ. လါယနူၤအါရံၤ(၁၉)သီအနံၤ,မုၢ်ထူၣ်(၁း၄၇)နၣ်ရံၣ်အဆၢကတီၢ်န့ၣ်သုးကီၣ်ကးအသုး(အမတ-၃၁၀)မျိၥ်သုး ခးလီၤကျိဖးဒိၣ်အဃိလဲၤလီၤတဲၥ်ပိၥ်ဖးထီၣ်၀ဲဒၣ်ဖဲခယွဲကရူၢ်ပူၤမ့ၣ်အူတၢၣ်အကပၤဒီးကျဲမ့ၣ်အူတၢၣ်အပျံၤဟးဂီၤကွံၥ်ဒီး မ့ၣ်အူအီၣ်ကျီးဒီးတၢ်အထူၣ်တဖၣ်တဆီ ပှၢ်မ့ၣ်အူအိၣ်ကဲထီၣ်၀ဲန့ၣ်လီၤ. တနံၤဃီဖဲ ဟါ(၃း၁၅)နၣ်ရံၣ်အဆၢကတီၢ် ဟဲတ့ၢ်လီၤဒြိမ့ၣ်ပိၢ်တဖျၢၣ်အဃိ လီၤတဲၥ်ပိၢ်ဖးထီၣ် ဖဲအီၣ်န၀့ကိအကပၤအသိး တကတီဃီဖဲ ဟါ(၃း၃၀)နၣ်ရံၣ်အဆၢကတီၢ် ဟဲတ့ၢ်လီၤကဒီးဒြိမ့ၣ်ပိၢ်တဖျၢၣ်အဃိ လဲၤလီၤတဲၥ်ပိၢ်ဖးထီၣ်၀ဲဒၣ်ဖဲ စ့းကွ့သ၀ီပူၤ

လါယနူၤအါရံၤ(၂၁)သီ,၂၀၂၅နံၣ် လါယနူၤအါရံၤ(၂၀)သီအနံၤန့ၣ် တၢ်မၤ၀ဲအမဲရကၤကီၢ်ခိၣ်(၄၇)ဂၤတဂၤ ကီၢ်ခိၣ်ဒီၣ်နၢၤထြဲး ကဲထီၣ်ကီၢ်ခိၣ် ဆိၣ်တၢ်အၢၣ်လီၤမူးတၢ်ရဲၣ်တၢ်ကျဲၤ ဖဲအမဲရကၤကီၢ်စၢဖှိၣ်, ၀့ၢ်ခိၣ်၀ၣ်ရှ့ၣ်တၣ်ဒံၣ်စံၣ်, ဘျီၣ်ဒိၣ်အပူၤန့ၣ်လီၤ. ဖဲလၢတၢ်မၤ၀ဲမူးတၢ်ရဲၣ်တၢ်ကျဲၤအဆၢကတီၢ် ပှၤလၢအတူၢ်လိၥ်ပၥ်သးထြဲးတဖၣ် ဟဲဟ့ၣ်ဂံၢ်ဟ့ၣ်ဘါ၀ဲအသိး ပှၤလၢထီဒါအီၤတဖၣ်စ့ၢ်ကီး ဟဲပၥ်ဖျါတၢ်ပၥ်သးအဂ့ၢ် တၢ်ထံၣ်ဘၣ်၀ဲန့ၣ်လီၤ. LGBTဂ့ၫ်၀ီ,ဘၣ်ထွဲဒီးတၫ်မၤလီၤတဲာ်ဟုးသးခွဲးယာ်တဖၣ်န့ၣ် ရံၣ်ပၣ်ပလံၣ်ကၣ် ကဘၣ်လီၤတၫ်ဘျၢ၀ံၤ ဟ့ၣ်တၫ်ခွဲးတၫ်ယာ်တအိၣ်ဘၣ်အဃိ ပှၤလၢအိၣ်ဒီးမိၫ်လုၫ်ပၫ်လၫ်တၫ်ထံၣ်တဖၣ် တၫ်ထံၣ်ဘၣ်လၢအိၣ်ဃူ ဒီၣ်နၢၤထြဲးန့ၣ်လီၤ. အပူၤကွံာ်တဘျီ

လါယနူၤအါရံၤ(၂၁)သီ,၂၀၂၅နံၣ် ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ, သုးက့နီၣ်ဂံၢ်(၁), ကီၢ်ရ့ၣ်ဒူသထူၣ်ဟီၣ်က၀ီၤအပူၤ စးထီၣ်လၢ ၂၀၂၄နံၣ်, လါယနူၤအါရံၤ(၁)သီတုၤလါဒံၣ်စ့ဘၢၣ်(၃၁)သီနံၤ (၁)နံၣ်အတီၢ်ပူၤ ခီဖျိသုးဟံးန့ၢ်ဆူၣ်ထံကီၢ်တၢ်စိတၢ်ကမီၤ သုးကီၣ်ကးအသုး မၤ၀ဲကလံၤကျါတၢ်ဒုးအကလုၥ်ကလုၥ်ဒီးခးလီၤကျိးဖးဒိၣ်တဖၣ်အဃိ လီၢ်က၀ီၤကမျၢၢ်ဘၣ်သံ၀ဲ(၂၃)ဂၤဒီး ဘၣ်ဒိ၀ဲ(၁၁၇)ဂၤအဂ့ၢ် တၢ်သ့ၣ်ညါဘၣ်လၢ ကီၢ်ရ့ၣ်ဒူသထူၣ်တၢ်မၤနီၣ်စရီအဖီခိၣ်န့ၣ်လီၤ. (၁)နံၣ်အတီၢ်ပူၤ ကီၢ်ရ့ၣ်ဒူသထူၣ်ဟီၣ်က၀ီၤအပူၤ သုးကီၣ်ကးအစုတီၤဖီလၥ်သုးတဖၣ် မၤ၀ဲကလံၤကျါတၢ်ဒုး (၂၄)ဘျီဒီး ခးလီၤကျိဖးဒိၣ်အိၣ်ထီၣ်၀ဲအဘျီ(၂၄၉)ဘျီအပူၤ လီၢ်က၀ီၤကမျၢၢ်ဟံၣ်ဃီဘၣ်ဟးဂီၤကွံၥ်၀ဲ(၁၈၅)ဖျၢၣ်, တၢ်သိၣ်လိကၠိ(၅)ဖျၢၣ်ဒီးသီခါဖၠၣ်(၈)ဖျၢၣ်န့ၣ်လီၤ.

လါယနူၤအါရံၤ(၂၁)သီ,၂၀၂၅နံၣ် ၂၀၂၅နံၣ်, လါယနူၤအါရံၤ(၂၀)သီအနံၤန့ၣ် ၀ကီၢ်သွံၣ်စၢဖှိၣ်သုးမုၢ်ဒိၣ်- UWSA သုး၀ဲၤလီၢ်ခိၣ်သ့ၣ်၀ဲၤဒၢး ဘိးဘၣ်ပၥ်ဖျါ၀ဲလၢ  တရူးတၢ်နဲၣ်လီၤအဖီခိၣ် တၢ်စးထီၣ်ပျဲ တၢ်ကူလဲၢ်မၤကၤသဘျ့လၢ “၀”ဆူ ကိကးလီၢ်က၀ီၤတပၤအဂ့ၢ်န့ၣ်လီၤ. လံၥ်ပၥ်ဖျါအပူၤတၢ်ဒိးန့ၢ်ဘၣ်လံၥ်ဒုးသ့ၣ်ညါလၢတရူးမီၢ်သီ၀ဲၤဒၢးဘၣ်ထွဲကီၢ်ပယီၤအအိၣ်ဒ်အမ့ၢ် ဖီၣ်ဆ့းတိၤလၢတၢ်ဆဲးကျိးဃၥ် ကိကးလီၢ်က၀ီၤဒီး”၀”ကီၢ်အဖီခိၣ် တၢ်ကပျဲလ့ၤလိၤဟးထီၣ် မီၣ်တီၣ်တုၥ်, ပှၤကညီ, တၢ်ဖိတၢ်လံၤလၢတၢ်ပၢဃၥ်တဖၣ်လၢ တၢ်သဘျ့ပူၤလၢလၢပှဲၤပှဲၤအဂ့ၢ်စံး၀ဲန့ၣ်လီၤ. တကးဘၣ်ပၥ်ဃုၥ်၀ဲစ့ၢ်ကီးလၢ စးထီၣ်လၢ၂၀၂၅နံၣ်, လါယနူၤအါရံၤ(၂၀)သီအနံၤန့ၣ်

လါယနူၤအါရံၤ(၂၀)သီ,၂၀၂၅နံၣ် ၂၀၂၅နံၣ်,လါယနူၤအါရံၤ(၁၈)သီနံၤ လၢမၠီးအူကီၫ်ဆၣ်,ယါခၠီအကပိာ်ကပၤ တၫ်လီၫ်လၢတၫ်ပာ်ဃာ် သုးဖိလၢဘၣ်တၫ်ဖီၣ်န့ၫ်အဟံၣ်ဖိဃီဖိတဖၣ်အိၣ်အလီၫ် ဖဲဟါ(၄း၄၅)နၣ်ရံၣ် (၁)ဘျီ,(၄း၄၆)နၣ်ရံၣ် (၁)ဘျီဒီး (၄း၄၇) နၣ်ရံၣ်(၁)ဘျီ ခဲလၢာ်(၃)ဘျီ ဟဲတ့ၫ်လီၤမ့ၣ်ပိၫ်လၢကဘီယူၤအဃိ ဖိသၣ်ဒီးပိာ်မုၣ်ခဲလၢာ်ဘၣ်သံ(၂၈)ဂၤ၀ံၤ ဘၣ်ဒိဘၣ်ထံး(၂၅)ဂၤအဂ့ၫ် ရၢၫ်ခၢၣ်သုးမုၫ်ဒိၣ်(AA)ထုးထီၣ်ဘိးဘၣ်ရၤလီၤ၀ဲလီၤ. ပှၤဘၣ်ဒိဘၣ်ထံးအကျါတနီၤန့ၣ် ဘၣ်ဒိကူစါယါဘျါသးလၢဂ့ၫ်ဂီၫ်အူအပူၤ၀ံၤ လၢအကျါ ပှၤဘၣ်ဒိဘၣ်ထံး တနီၤန့ၣ် အိၣ်ထီၣ်လၢပှၤသံစရီပူၤသ့အဂ့ၫ် တဲ၀ဲလီၤ. ပှၤလၢဘၣ်တၫ်ဟဲတ့ၫ်လီၤသံအီၤလၢမ့ၣ်ပိၫ်တဖၣ်န့ၣ်

လါယနူၤအါရံၤ(၂၀)သီ,၂၀၂၅နံၣ် ကီၢ်ကၠီၣ်တဲၣ်ပူၤ ကၠီၣ်တဲၣ်ပဒိၣ်ရဲၣ်ကျဲၤလၢ ကဟ့ၣ်တၢ်ပျဲ အိၣ်လဲတၢ်လိၣ်ခိၣ်လိၣ်ကွဲတၢ်ဖံးတၢ်မၤ ဒ်အဖိးသဲစးတၢ်ရဲၣ်တၢ်ကျဲၤတဖၣ်အဃိတၢ်မူၤတၢ်ရၤကဲတဖၣ် တၢ်ဘၣ်ယိၣ်အိၣ်ထီၣ်လၢ အ၀ဲသ့ၣ်တၢ်ဖံးတၢ်မၤတဖၣ် ကပတုၥ်ကွံၥ်အသးန့ၣ်လီၤ. သဲစးတၢ်ဘျၢလၢ ကဟ့ၣ်တၢ်ပျဲအိၣ်လဲတၢ်လိၣ်ခိၣ်လိၣ်ကွဲတၢ်ဖံတၢ်မၤအံၤ ကဟးထီၣ်၀ဲလၢတလါအတီၢ်ပူၤအဂ့ၢ် ကီၢ်ကၠီၣ်တဲၣ်ဒံၣ်ကၠံးတဲၣ်မုၥ်ကျိၤ၀ဲၤကွၢ်ကိတိၥ် ပရၣ်ဆဲးကၠဲၣ်တၣ်ရူးရၣ်တီၣ် တဲလီၤ၀ဲဖဲအပူၤကွံၥ်အနွံန့ၣ်လီၤ. ကိတိၥ်ခိၣ်ကျၢၢ်လီၢ်လံၤ တဲးဆ့ၣ်ရှ့ၣ်န၀ဲးလၢ ဘၣ်တၢ်သ့ၣ်ညါအီၤဒ်အအိၣ်လၢခဲအံၤပဒိၣ်ကရၢအလီၢ်ခံစ့ၢ်ကီး တူၢ်လိၥ်ဆီၣ်ထွဲ၀ဲတၢ်ရဲၣ်တၢ်ကျဲၤအံၤန့ၣ်လီၤ. တၢ်မ့ၢ်ဟ့ၣ်တၢ်ပျဲအိၣ်လဲတၢ်လိၣ်ခိၣ်လိၣ်ကွဲဒ်အဖိးသဲစးန့ၣ် ပဒိၣ်အဂီၢ် တနံၣ်န့ၣ် စ့ကဟဲနုၥ်လီၤအါထီၣ်တုၤ