လါယနူၤအါရံၤ(၂၄)သီ,၂၀၂၅နံၣ်
အ့ၣ်ယၣ်၀တံၣ်ကီၫ်ခီ, ကၠၣ်ခ့,မၠၣ်အီၣ်,အ့ကပူၣ်,လ့မၠဲးနၣ်,ယ့ၣ်ကၠံၣ်, သၣ်ပီဒီး၀့ၫ်ပသံၣ်တဖၣ်လၢ အိၣ်ဘူးဒီးရၢၫ်ခၢၣ်ကီၫ်စဲၣ်အံၤ တၫ်တကြၢးလဲၤဟးဘၣ်အဂ့ၫ် အဲကလံးထံဂုၤကီၫ်ဂၤ,တၫ်အီၣ်ကုၤအီပှဲၤဒီး တၫ်ဂုၤထီၣ် ပသီထီၣ်၀ဲၤဒၢး(FCDO) ထုးထီၣ်ဘိးဘၣ်ပာ်ဖျါ၀ဲ ဖဲလါယနူၤအါရံၤ(၂၃)သီနံၤန့ၣ်လီၤ.
လၢရၢၫ်ခၢၣ်ကီၣ်စဲၣ်, ၀့ၫ်ကွးဒီးအ့ၣ်ယၣ်၀တံၣ်ကီၫ်ခီ,ပသံၣ်ကီၫ်ဆၣ်အဆၢ ၀့ၫ်ရွှ့ၣ်သီၣ်ယၣ်အကပၤ ရၢၫ်ခၢၣ် သုးမုၫ်ဒိၣ်(AA)သုးပာ်ဖှိၣ်ဒီးသုးကီၣ်ကးသုးအဘၢၣ်စၢၤ တၫ်ဒုးကဲထီၣ်၀ံၤအလီၫ်ခံ FCDOထုးထီၣ်ဘိးဘၣ်ရၤ လီၤ၀ဲဒ်သိးအံၤန့ၣ်လီၤ.
ဒ်န့ၣ်အသိး FCDOန့ၣ် လၢကခၠီ,ကခၠ့ၣ်,ကရ့ၣ်နံၣ်,ကညီ,တလၢၤ,ရၢၫ်ခၢၣ်, စကဲ,မကွ့,တနီသရံၣ်, ယိၤကလံၤ စိး,၀့ၫ်မါတလ့ကလံၤစိးဒီးပၠ့ၣ်အူလွ့ၣ်,ပကိ,၀့ၫ်တကူၣ်-မါတလ့ကျဲမုၫ်ဒိၣ် ကီၫ်ခီကီၫ်စဲၣ်တၫ်လီၫ်တဖၣ်အပူၤ တၫ်သုတလဲၤဟးတဂ့ၤန့ၣ် ဟ့ၣ်ပလီၫ်ဃာ်၀ဲလီၤ.
အ့ၣ်ယၣ်၀တံၣ်ကီၫ်ခီဒီးရၢၫ်ခၢၣ်ကီၫ်စဲၣ်အဆၢ, ၀့ၫ်ရွှ့ၣ်သီၣ်ယၣ်,မကၠံစ့ၣ်သ၀ီပၢၤကီၫ်သုးကလၢၤန့ၣ် ဖဲလါယနူၤအါရံၤ(၉)သီနံၤန့ၣ် ရၢၫ်ခၢၫ်သုးမုၫ်ဒိၣ်(AA)ထီၣ်ဒုးမၤန့ၫ်၀ဲ၀ံၤ ဖဲလါယနူၤအါရံၤ(၁၇)သီနံၤန့ၣ် ထီၣ်ဒုးစ့ၫ်ကီး၀ဲ ဘီမံးသ၀ီလၢသုးကီၣ်ကးအသုးအိၣ်ဆီလီၤအသးအလီၫ်န့ၣ်လီၤ.
ရွှ့ၣ်သီၣ်ယၣ်န့ၣ် ယံၤဒၣ်ထဲတစဲးဖိဒီး မုၫ်နုာ်ကီၫ်ခီသုး၀ဲၤလီၫ်ခိၣ်သ့ၣ်အိၣ်အလီၫ်၀့ၫ်ပသံၣ်၀ံၤ လၢကတီၫ်အံၤ လၢ၀့ၫ်ရွှ့ၣ်သီၣ်ယၣ် တၫ်လီၫ်တနီၤအပူၤ သုးကီၣ်ကးကတီၤဃာ် သုးတၫ်ခီၣ်ဆၢဒုးတၫ်အလီၫ်အဂ့ၫ် တၫ်သ့ၣ်ညါဘၣ်လီၤ.
အ့ၣ်ယၣ်၀တံၣ်ကီၫ်ခီပူၤ ခၠီသၣ်,ရွှ့ၣ်သီၣ်ယၣ်,ငွ့ၣ်ဆီၣ်ပီၣ်လဲၣ်နံၤလၢ ပှၤလဲၤဟးကသုၣ်အါအလီၫ်အံၤ လၢကတီၫ်အံၤ တၫ်ဘံၣ်တၫ်ဘၢတၫ်အိၣ်သး တၫ်နာ်န့ၫ်တသ့ဘၣ်အဃိ တၫ်သုတဟ့ၣ်ခွဲးဟဲဟးအဂီၫ် လီၫ်က၀ီၤဖိတဖၣ် ဟ့ၣ်ပလီၫ်၀ဲအိၣ်လီၤ.
လၢတချူးတၫ်ဒုးကဲထီၣ်ဒံးဘၣ်အကတီၫ် လၢတၫ်ဟးကသုၣ်ကသီအဂီၫ် ပှၤလၢဟ့ၣ်ဆိဃာ်စရီလၢဟိၣ်ထဲ, သိလ့ၣ်စရီတဖၣ်လၢတၫ်ဟ့ၣ်ဃာ်စ့ၫ်ကီး တၫ်ပာ်ပတုာ်ကွံာ်ဒီးတၫ်ဆါကဒါက့ၤအိၣ်၀ဲအဂ့ၫ် တၫ်သ့ၣ်ညါဘၣ် လီၤ.
Ref: Mizzima
