လါယနူၤအါရံၤ(၂၇)သီ,၂၀၂၅နံၣ်
အ့ၣ်ယၣ်၀တံၣ်ကီၫ်ခီ,သၣ်ပီကီၫ်ဆၣ် ဒူသ၀ီတဖၣ်အပူၤ တၫ်ဒုးမ့ၫ်တကဲထီၣ်ဘၣ်န့ၣ် တဟ့ၣ်ခွဲးလၢ တၫ်ကသုးလီၫ်သုးကျဲဆိဘၣ်အဂ့ၫ် ဒူသ၀ီပၢပြးသးပှၫ်တဖၣ် ဖဲလါယနူၤအါရံၤ(၃)နွံတနွံအပူၤန့ၣ် လူၤတဲလီၤ၀ဲအဂ့ၫ် တၫ်သ့ၣ်ညါဘၣ်လီၤ.
တၫ်မ့ၫ်ပာ်တ့ၫ်ဟံၣ်ဟးထီၣ်န့ၣ် ကကးတံာ်တံၫ်ဟံးန့ၫ်၀ဲအဂ့ၫ် ကီၫ်ဆၣ်သုးကီၣ်ကး တၫ်အိၣ်ဖှိၣ်အပူၤ တဲလီၤဃာ်၀ဲအဂ့ၫ် ဒူသ၀ီသးပှၫ်တဖၣ် လူၤတဲလီၤ၀ဲလီၤ.
“မကၠံစ့ၣ်,ဘီမံး,ဘၣ်လီၤလံအဃိ လၢသၣ်ပီတကပၤကျဲမုၫ်န့ၣ် အိးထီၣ်အသးလံန့ၣ်လီၤ.တၫ်ဒုးတဖၣ် ဟဲတတုၤန့ၣ် ပတဲတသ့ဘၣ်.ပှၤတနီၤအိၣ်ကတီၤသးလၢကကပဒ့ၣ်ဟးဆှဲးသးဘၣ်ဆၣ် တၫ်တဟ့ၣ်ခွဲးဘၣ်အဂ့ၫ် “ လီၫ်က၀ီၤဖိတဂၤတဲ၀ဲလီၤ.
လၢမကၠံစ့ၣ်-သၣ်ပီကျဲမုၫ်ခိၣ် သ၀ီတဖၣ်အပူၤ စးထီၣ်ဖဲလါယနူၤအါရံၤ(၈)သီအနံၤန့ၣ် သုးကီၣ်ကး အိၣ်ကတီၤသးလၢတၫ်စုက၀ဲၤလၢလၢပှဲၤပှဲၤ၀ံၤ အိၣ်ဆီလီၤဃာ်အသုးဖဲသ၀ီတဖၣ်န့ၣ်အပူၤလီၤ.
လၢသဲဖၠူၣ်သ၀ီဒီးကၠါကီသ၀ီတဖၣ်အပူၤ သုးကီၣ်ကးခူၣ်ဃာ်တၫ်ပူၤကျိၤတဖၣ် လၢတၫ်ဒီသဒၢအဂီၫ်ဒီး အိၣ်ကတီၤသးဒ်သုးကလၢၤက့ၫ်ဂီၤအသိးအဃိ တၫ်ဒုးမ့ၫ်ကဲထီၣ်န့ၣ် လီၫ်က၀ီၤဖိတဖၣ် ဘၣ်ယိၣ်၀ဲလၢ ကအိၣ်ကးတံာ်အသးန့ၣ်လီၤ.
Ref: Ayeyarwaddy Times
