လါမးရှး(၂၆)သီ,၂၀၂၅နံၣ် ၂၀၂၅နံၣ်, လါမးရှး(၂၆)သီအနံၤန့ၣ် ကညီဒီကလုၥ်တၢ်ထူၣ်ဖျဲးသုးမုၢ်ဒိၣ်(KNLA)တီခိၣ်ရိၣ်မဲ တၢ်ပၢၢ်ဆၢသုးပၥ်ဖှိၣ်တဖၣ် ထီၣ်ဒုးမၤန့ၢ်၀ဲ သုးကီၣ်ကးချၢၣ်ဒ့သုးကလၢၤလၢအိၣ်ဖဲ လူပျဲၢ်ကီၢ်ဆၣ်, သုးက့(၇)ဟီၣ်က၀ီၤပူၤအဂ့ၢ်န့ၣ် လီၢ်က၀ီၤတၢ်ကစီၣ်တဖၣ်ပၥ်ဖျါဃၥ်၀ဲန့ၣ်လီၤ. စးထီၣ်လၢ လါမးရှး(၂၂)သီအနံၤန့ၣ် KNLAသုးရ့ၣ်(၂၂)ဒီးသုးရ့ၣ်အဂၤတဖၣ်ပၥ်ဖှိၣ်ဒုး၀ဲ သုးကီၣ်ကးချၢၣ်ဒ့သုးကလၢၤအံၤန့ၣ်လီၤ. တၢ်ဒုးမၤန့ၢ်သုးကီၣ်ကးချၢၣ်ဒ့သုးကလၢၤအပူၤ သုးကီၣ်ကးအပှၤသုးဖိလၢ ဃ့ၢ်ပူၤဖျဲးကွံၥ်သးဆူ ကၠီၣ်တဲၣ်တပၤအိၣ်အဂ့ၢ် တၢ်ကစီၣ်တဖၣ်ပၥ်ဖျါဃၥ်၀ဲန့ၣ်လီၤ. ဘၣ်ဆၣ်ဘၣ်ထွဲဒီးတၢ်ထီၣ်ဒုးမၤန့ၢ် သုးကီၣ်ကးချၢၣ်ဒ့သုးကလၢၤအဖီခိၣ် ခ့ၣ်အဲၣ်ယူၣ်-လီၢ်ခၢၣ်သးတခီ ဘိးဘၣ်ပၥ်ဖျါဃၥ်၀ဲတအိၣ်နီတမံၤဒံးဘၣ်.

လါမးရှး(၂၄)သီ,၂၀၂၅နံၣ် လါမးရှး(၂၂)သီ,၂၀၂၅နံၣ်အနံၤန့ၣ် ကညီဒီကလုၥ်တၢ်ထူၣ်ဖျဲးသုးမုၢ်ဒိၣ်(KNLA)တီခိၣ်ရိၣ်မဲ တၢ်ပၢၢ်ဆၢသုးပၥ်ဖှိၣ် စးထီၣ်ဒုးသုးကီၣ်ကးချၢၣ်ဒ့သုးကလၢၤလၢအိၣ်ဖဲ ကီၢ်ဆၣ်လူပျဲၢ်, သုးက့(၇)ဟီၣ်က၀ီၤပူၤအဂ့ၢ် တၢ်သ့ၣ်ညါဘၣ်လၢ လီၢ်က၀ီၤတၢ်ကစီၣ်တဖၣ်ပၥ်ဖျါဃၥ်၀ဲအဖီခိၣ်န့ၣ်လီၤ. မဟါဒီတနံၤစ့ၢ်ကီး တၢ်ဒုးဆူၣ်ထီၣ်၀ဲအဃိ လီၢ်က၀ီၤကမျၢၢ်(၁၅၀)ဃၥ်ဃၥ် ဘၣ်လဲၤစံၣ်ပူၤဖျဲးသးဆူ ကၠီၣ်တဲၣ်တပၤန့ၣ်လီၤ. ခီဖျိတၢ်ဒုးဆူၣ်ထီၣ်၀ဲအဆၢကတီၢ် သုးကီၣ်ကးတပၤ ဟဲ့တၢ်လီၤမ့ၣ်ပိၢ်လၢ ကဘီယူၤအိၣ်ထီၣ်၀ဲန့ၣ်လီၤ. သုးကီၣ်ကးအသုးကဘီဒုးသုး YAK-130 ဟဲတ့ၢ်လီၤမ့ၣ်ပိၢ်(၄)ဖျၢၣ်ဆူ ကၠီၣ်တဲၣ်-ပယီၤကီၢ်ဆၢပူၤအဃိ မ့ၣ်ပိၢ်ပိၢ်ဖးထီၣ်အကလုၢ်တဖၣ်အိၣ်ထီၣ်၀ဲန့ၣ်လီၤ.

လါမးရှး(၂၁)သီ,၂၀၂၅နံၣ် လါမးရှး(၁၉)သီ, ၂၀၂၅နံၣ်အနံၤ,ဂီၤ(၃)နၣ်ရံၣ်တုၤ(၈)နၣ်ရံၣ်အဆၢကတီၢ်န့ၣ် သုးကီၣ်ကးအသုး သူ၀ဲကဘီယူၤဒုးသုးဒီးဒြိတဖၣ်၀ံၤ ဟဲတ့ၢ်လီၤမ့ၣ်ပိၢ်အဖျၢၣ်(၅၀)ဆူ ဖၣ်ပူၣ်၀့ၢ်လီၢ်က၀ီၤ, ကီၢ်ဆၣ်ဘုသိၣ်, ကီၢ်ရ့ၣ်မုၢ်တြီၢ်ဟီၣ်က၀ီၤပူၤအဂ့ၢ် ဂံၢ်ခီၣ်ထံးသုးဂ့ၢ်၀ီတၢ်ကစီၣ်စံး၀ဲန့ၣ်လီၤ. “တဂီၤအံၤ လါမးရှး(၁၉)သီ, ဂီၤ(၃)နၣ်ရံၣ်တုၤ(၈)နၣ်ရံၣ်အဆၢကတီၢ် ဟဲတ့ၢ်လီၤ၀ဲတဖျၢၣ်လီၤ. ကဘီယူၤဒုးသုး ဟဲတ့ၢ်လီၤဆိလီၤ. ၀ံၤမး ဒြိဖးဒိၣ်တခိၣ် ဟဲတ့ၢ်လီၤ၀ဲမ့ၣ်ပိၢ်တဖၣ်အါမးလီၤ. တစှၤန့ၣ်အဖျၢၣ်(၅၀)ဆူ(၆၀)ဃၣ်ဃၣ်ညါအဂ့ၢ်” ဂံၢ်ခီၣ်ထံးတၢ်ကစီၣ်စံး၀ဲန့ၣ်လီၤ. “ဖၣ်ပူၣ်သုးတၢ်တိၥ်ကူၣ်ကျဲၤခိၣ်သ့ၣ်အိၣ်သုးကီၣ်ကးအပှၤသုးဖိတဖၣ်အံၤ အသကိးတဖၣ်မ့ၢ်ဟဲဆှၢန့ၢ်အီၤတၢ်ပီးတၢ်လီတဖၣ်န့ၣ်

လါမးရှး(၂၁)သီ,၂၀၂၅နံၣ် အ့ၣ်ယၣ်၀တံၣ်ကီၢ်ခီ,လ့မၠဲးနၣ်ကီၢ်ဆၣ်ပှၤလီၢ်အိၣ်ကမှံဖိအဂၤ(၁,၆၀၀)ဘျဲၣ်ဂ့ၢ်ဂီၤအူလိၣ်ဘၣ်တၢ်အီၣ်တၢ်အီဒီးကသံၣ်ကသီတၢ်မၤစၢၤတဖၣ်အဂ့ၢ်တၢ်သ့ၣ်ညါဘၣ်လၢပှၤလၢအိၣ်ဘူးဒီးပှၤလီၢ်အိၣ်ကမှံဖိတဖၣ်အအိၣ်န့ၣ်လီၤ. ပှၤလီၢ်အိၣ်ကမှံ(၁,၆၀၀)ဘျဲၣ်အံၤလ့မၠဲးနၣ်ကီၢ်ဆၣ်အပူၤခီဖျိတၢ်ဒုးကဲထီၣ်လၢသုးကီၣ်ကးဒီးတၢ်ပၢၢ်ဆၢသုးတဖၣ်အဘၢၣ်စၢၤ ဖဲလါမးရှး(၁၆)သီအနံၤအဃိ လီၢ်က၀ီၤကမျၢၢ်တဖၣ်လၢဃ့ၢ်ပူၤဖျဲးထီၣ်သးတဖၣ်အဂ့ၢ် စံး၀ဲန့ၣ်လီၤ. “အခဲအံၤန့ၣ် ပှၤလီၢ်အိၣ်ကမှံတဖၣ် ဘၣ်လဲၤဃ့ၢ်အိၣ်ကဒုဆူ ပှၢ်ပူၤန့ၣ်လီၤ. ကတီၢ်ခဲအံၤန့ၣ် ပှၤလၢဆိးက့တဖၣ်စ့ၢ်ကီဒီးပၣ်လီၤ. ဒီးပှၤလၢကဘၣ်အီကသံၣ် ကိးမုၢ်နံၤတဖၣ်စ့ၢ်ကီးပၣ်အဃိ လိၣ်ဘၣ်၀ဲကသံၣ်ကသီတဖၣ်လီၤ. မ့ၢ်ယံၤထီၣ်န့ၣ် ပှၤဆါထီရိၤတဖၣ်အဂီၢ် တညီဘၣ်အဂ့ၢ်” ပှၤလၢအိၣ်ဘူးဒီးပှၤလီၢ်အိၣ်ကမှံဖိတဂၤ စံး၀ဲန့ၣ်လီၤ. ပှၤလီၢ်အိၣ်ကမှံဖိတဖၣ်အံၤ အိၣ်၀ဲဒၣ်ဖဲ ၀ဲးကိ,လဲခိၣ်လ့,