လါမးရှး(၂၆)သီ,၂၀၂၅နံၣ်
ကီၫ်ပယီၤပူၤ ဆူၣ်ချ့ပှၤမၤတၫ်ဖိတဖၣ်န့ၣ် လၢတၫ်ဆါဟံၣ်,တၫ်ဟ့ၣ်ကသံၣ်ဒၢးတဖၣ်ဒီးတၫ်မၤပူၤဖျဲးသးသမူတၫ်ဖံးတၫ်မၤတဖၣ် ကွၫ်ဆၢၣ်မဲာ်ဘၣ် ဒြိတၫ်စုက၀ဲၤအတၫ်ပညိၣ်ဒုးခးလီၤအီၤအဂ့ၫ် ဘီမုၫ်စၢဖှိၣ်ကရၢဘၣ်ထွဲဟီၣ်ခိၣ်ဖိ တၫ်တၢၣ်ပီၣ်တဲသကိး၀ဲၤဒၢး(UNOCHA) ထုးထီၣ်ဘိးဘၣ်ရၤလီၤ၀ဲဖဲလါမးရှး(၂၄)သီအနံၤန့ၣ်လီၤ.
တၫ်ဒုးခးလီၤတၫ်တဖၣ်အံၤ ပှၤကညီသးသမူဒီးတၫ်ကဒိးန့ၫ်ဆူၣ်ချ့တၫ်ကဟုကယာ်တဖၣ်အဂီၫ် ကဲထီၣ်တၫ်လီၤဘၣ် ယိၣ်တဖၣ်လီၤအဂ့ၫ် တဲ၀ဲလီၤ.
တၫ်လီၤဘၣ်ယိၣ်တဖၣ်အံၤ ကလီၤစှၤအဂီၫ် ပှၤလၢဟ့ၣ်ဆူၣ်ချ့တၫ်ကဟုကယာ်တဖၣ် တၫ်ကမၤစၢၤအဂီၫ် တၫ်ရဲၣ်တၫ်ကျဲၤလၢတုၤထီၣ်ထီၣ်ဘးတဖၣ် အရ့ဒိၣ်၀ဲလၢတၫ်ကမၤထွဲ၀ဲအဂီၫ် တဲ၀ဲလီၤ.
လၢတၫ်ရဲၣ်တၫ်ကျဲၤတဖၣ်အပူၤ တၫ်ကသ့ၣ်ညါဘၣ်ဒြိအတၫ်ဖံးတၫ်မၤတဖၣ်အဂီၫ် တၫ်သူ၀ဲ ကဟၣ်လၢတၫ်ဃုသ့ၣ် ညါအဂီၫ်တဖၣ်,တၫ်လၢအရ့ဒိၣ်တဖၣ် တၫ်ကသုးအီၤဆူ တၫ်သူထီၣ်လၢပူၤဖျဲးဒီးတၫ်လီၫ်ဘၣ်ယိၣ်, တၫ်ကထီထီၣ် တြဲၤလၢဒီသဒၢတၫ်ပိၫ်ဖးတဖၣ်,တၫ်ကဟးဆှဲးဘၣ် တၫ်လဲၤထီၣ်က့ၤလီၤကျဲတဖၣ်,တၫ်ကသူဘၣ် သိလ့ၣ်လၢတပာ် ဃုာ်ဒီးဆူၣ်ချ့တၫ်စဲပနီၣ်တဖၣ်,ဆူၣ်ချ့တၫ်ကဟုကယာ်တၫ်ဖံးတၫ်မၤလၢ ကဲထီၣ်ပှၤအိၣ်ဖှိၣ်ရိဖိ လၢတၫ်ပညိၣ်ခးလီၤ သ့ၣ်တဖၣ်တၫ်ကဟးဆှဲး၀ဲတဖၣ်ပာ်ဃုာ်၀ဲလီၤ.
Ref: rfa
