လါမးရှး(၂၅)သီ,၂၀၂၅နံၣ်
ကၠီၣ်တဲၣ်ထီဒါပၣ်တံၣ်တဖၣ် တၢ်နၥ်န့လီၤသးတအိၣ်လၢ ကိတိၥ်ခိၣ်ကျၢၢ် ပ့ၣ်တိၣ်တၣ်ရှ့ၣ်နၣ်၀းထရၣ်အဖီခိၣ်ဘၣ်အဂ့ၢ် ဆှၢထီၣ်၀ဲလၢဘျီၣ်ဒိၣ်အပူၤ၀ံၤအပၢ်လၢအမ့ၢ်သဲးဆ့ၣ်အတၢ်စိတၢ်ကမီၤတဖၣ် လူၤဘၢဃၥ်၀ဲ အဖိမုၣ်ပဒိၣ်ကရၢအဖီခိၣ်အဂ့ၢ်န့ၣ်လီၤ.
ကိတိၥ်ခိၣ်ကျၢၢ်လီၢ်လံၤ သဲးဆ့ၣ်လၢအီၣ်ကဘျံးကဘျၣ်ဒီးတၢ်သူတၢ်စိတၢ်ကမီၤလၢအဖိးသဲစးတဖၣ်အဃိ တၢ်နီဟးထီၣ်ကွံၥ်လၢကီၢ်ပူၤ(၁၅)နံၣ်အံၤအတၢ်စိတၢ်ကမီၤတဖၣ်ဒိၣ်စိ၀ဲလၢအဖိမုၣ်အတၢ်ပၢတၢ်ပြးအဖီခိၣ်အဂ့ၢ် ကၠီၣ်တဲၣ်ထီဒါပၣ်တံၣ်တဖၣ် စံး၀ဲန့ၣ်လီၤ.
ဒ်ပဒိၣ်တဖုအသိး တၢ်တူၢ်မူတူၢ်ဒါတအိၣ်ဘၣ်ဒီး ထံရူၢ်ကီၢ်သဲးသနူအချၢန့ၣ် ခိၣ်နၢ်တဂၤအိၣ်လၢတၢ်လီၢ်ခံဒီး နဲၣ်လီၤတၢ်လၢပဒိၣ်ကျဲသနူတဖၣ်အဂ့ၢ် ထီဒါကမျၢၢ်ပၣ်တံၣ်စံး၀ဲန့ၣ်လီၤ. ကီၢ်ကၠီၣ်တဲၣ်ဘၣ်ဒိ၀ဲခံဘျီခီဖျိလၢ တဂၤတခီတၢ်တူၢ်မူတူၢ်ဒါတအိၣ်အပူၤ မၤ၀ဲဒီး အဂၤတဂၤတခီကဂုၥ်ဟံးန့ၢ်ထံကီၢ်တၢ်စိတၢ်ကမီၤအဂီၢ် ဂုၥ်ကျဲးစၢး၀ဲအဂ့ၢ် ကၠီၣ်တဲၣ်ထီဒါပၣ်တံၣ်တဖၣ် တဲလီၤ၀ဲလၢ ဘျီၣ်ဒိၣ်အပူၤန့ၣ်လီၤ.
ဘၣ်ဆၣ်ဒီးလၢ အန့ၢ်စိနၢ်ကမီၤကရၢပၥ်ဖှိၣ်လၢ အပၢၤဃၥ်ပၣ်လံၣ်မၣ်အလီၢ်အါတက့ၢ်တခီ တၢ်ထံၣ်တလီၤပလိၥ်သးတအိၣ်ဘၣ်အဃိ တၢ်နၥ်န့လီၤသးတအိၣ်လၢကိတိၥ်ခိၣ်ကျၢၢ်အဖီခိၣ်တၢ်ဆှၢထီၣ် တၢ်တဲသကိးအပူၤ တၢ်ဆၢတဲၥ်တၢ်ဖးအဆၢကတီၢ် ကမၤနၢၤတၢ်အဂီၢ် အမျးကယၤစှၤန့ၣ်လီၤ.
မ့မ့ၢ်လၢ သးနံၣ်(၃၈)နံၣ်အိၣ် ကိတိၥ်ခိၣ်ကျၢၢ်ပ့ၣ်တိၣ်တၣ်တခီ ဘၣ်ထွဲဒီးတၢ်ပဲၥ်အၢပဲၥ်သီတဖၣ်အဖီခိၣ် ခီၣ်ဆၢက့ၤ၀ဲတအိၣ်ဘၣ်. ဘၣ်ဆၣ်ဒီး လၢအ၀ဲပဒိၣ်တၢ်ပၢတၢ်ပြးအပူၤန့ၣ် မတၤတဂၤမး တဒိၣ်စိဃၥ်၀ဲဘၣ်အဂ့ၢ် စံးတ့ၢ်ဃၥ်၀ဲလၢအပူၤကွံၥ်လံၤလံၤန့ၣ်လီၤ.
သၣ်ဘံၣ်ဆ့ၣ် တၢ်ထုးကွံၥ်အီၤမူဒါလီၢ်လၤလၢ တၢ်မၤကမၣ်တၢ်သကဲးပသးတၢ်မူၤတၢ်ရၤ၀ံၤအလီၢ်ခံ ပ့ၣ်တိၣ်တၣ်ရှ့ၣ်နၣ်၀းဟဲကဲထီၣ်ကိတိၥ်ခိၣ်ကျၢၢ်လၢလါအီကူၥ်၀ံၤမ့ၢ်စ့ၢ်ကီးအသးစၢ်ကတၢၢ်ကိတိၥ်ခိၣ်ကျၢၢ်တဂၤန့ၣ်လီၤ.
Ref:Reuters
