လါမးရှး(၂၁)သီ,၂၀၂၅နံၣ်
အ့ၣ်ယၣ်၀တံၣ်ကီၢ်ခီ,လ့မၠဲးနၣ်ကီၢ်ဆၣ်ပှၤလီၢ်အိၣ်ကမှံဖိအဂၤ(၁,၆၀၀)ဘျဲၣ်ဂ့ၢ်ဂီၤအူလိၣ်ဘၣ်တၢ်အီၣ်တၢ်အီဒီးကသံၣ်ကသီတၢ်မၤစၢၤတဖၣ်အဂ့ၢ်တၢ်သ့ၣ်ညါဘၣ်လၢပှၤလၢအိၣ်ဘူးဒီးပှၤလီၢ်အိၣ်ကမှံဖိတဖၣ်အအိၣ်န့ၣ်လီၤ.
ပှၤလီၢ်အိၣ်ကမှံ(၁,၆၀၀)ဘျဲၣ်အံၤလ့မၠဲးနၣ်ကီၢ်ဆၣ်အပူၤခီဖျိတၢ်ဒုးကဲထီၣ်လၢသုးကီၣ်ကးဒီးတၢ်ပၢၢ်ဆၢသုးတဖၣ်အဘၢၣ်စၢၤ ဖဲလါမးရှး(၁၆)သီအနံၤအဃိ လီၢ်က၀ီၤကမျၢၢ်တဖၣ်လၢဃ့ၢ်ပူၤဖျဲးထီၣ်သးတဖၣ်အဂ့ၢ် စံး၀ဲန့ၣ်လီၤ.
“အခဲအံၤန့ၣ် ပှၤလီၢ်အိၣ်ကမှံတဖၣ် ဘၣ်လဲၤဃ့ၢ်အိၣ်ကဒုဆူ ပှၢ်ပူၤန့ၣ်လီၤ. ကတီၢ်ခဲအံၤန့ၣ် ပှၤလၢဆိးက့တဖၣ်စ့ၢ်ကီဒီးပၣ်လီၤ. ဒီးပှၤလၢကဘၣ်အီကသံၣ် ကိးမုၢ်နံၤတဖၣ်စ့ၢ်ကီးပၣ်အဃိ လိၣ်ဘၣ်၀ဲကသံၣ်ကသီတဖၣ်လီၤ. မ့ၢ်ယံၤထီၣ်န့ၣ် ပှၤဆါထီရိၤတဖၣ်အဂီၢ် တညီဘၣ်အဂ့ၢ်” ပှၤလၢအိၣ်ဘူးဒီးပှၤလီၢ်အိၣ်ကမှံဖိတဂၤ စံး၀ဲန့ၣ်လီၤ.
ပှၤလီၢ်အိၣ်ကမှံဖိတဖၣ်အံၤ အိၣ်၀ဲဒၣ်ဖဲ ၀ဲးကိ,လဲခိၣ်လ့, လဲခိၣ်ကၠံ, ခၠ့လဲၣ်ဒီးစါကိသ၀ီတဖၣ်အပူၤ လီၢ်က၀ီၤဖိတဖၣ်၀ံၤ တၢ်ဒုးတဖၣ်အိၣ်ထီၣ်၀ဲအဖၢမုၢ်လီၤအဃိ ပှၤလီၢ်အိၣ်ကမှံဖိတဖၣ် အိၣ်အါထီၣ်သ့အဂ့ၢ် စံး၀ဲန့ၣ်လီၤ.
“လၢအံၤတပၤန့ၣ် တၢ်ကိၢ်ဆူၣ်အဃိ ပှၤလီၢ်အိၣ်ကမှံဖိတဖၣ် တၢ်ကီတၢ်ခဲဘၣ်အီၤဒိၣ်မးလီၤ. ပှၤလီၢ်အိၣ်ကမှံဖိ(၁,၆၀၀)န့ၣ် မ့ၢ်ဒၣ်တၢ်တယၥ်အီၤလီၤ. အါသ့န့ၢ်ဒံးအလီၢ်န့ၣ်လီၤ. တၢ်ဒုးစ့ၢ်ကီးအိၣ်၀ဲ”အဂ့ၢ် ပှၤလၢအိၣ်ဘူးဒီးပှၤလီၢ်အိၣ်ကမှံဖိအဂၤတဂၤ စံး၀ဲန့ၣ်လီၤ.
ပှၤလီၢ်အိၣ်ကမှံဖိတဖၣ်အကျါ အါတက့ၢ်ပၣ်ဃုၥ်၀ဲ ပိၥ်မုၣ်ဒီးဖိသၣ်တဖၣ်၀ံၤ ပိၥ်ခွါတနီၤတခီအိၣ်တ့ၢ်လၢဟံၣ်ဒီးကွၢ်တၢ်အိၣ်သးအိၣ်တ့ၢ်ဟံၣ်အိၣ်အသိး သုးကီၣ်ကးမ့ၢ်ထံၣ်န့ၢ်အီၤန့ၣ် ဖီၣ်န့ၢ်အီၤအိၣ်အဃိ ပှၤဟးအိၣ်ခူသူၣ်အဂ့ၢ် စံး၀ဲန့ၣ်လီၤ.
ကတီၢ်ခဲအံၤ တၢ်ဒုးလၢအကဲထီၣ်သးတဖၣ်အပူၤ သုးကီၣ်ကးအသုး ဟဲတ့ၢ်လီၤမ့ၣ်ပိၢ်လၢ လီၢ်က၀ီၤကမျၢၢ်အိၣ်ဒူသ၀ီတဖၣ်အပူၤအိၣ်အသိး ကၠိၣ်ပၠီၣ်အိၣ်သူၣ်လီၤ ခလရ၆၃သုးစ့ၢ်ကီး ဟဲခးစၢၤတၢ်လၢ ကလံၤသဒၢမုၢ်တဖၣ်အိၣ်အဂ့ၢ် စံ၀ဲန့ၣ်လီၤ.
Ref:DVB
