လါမးရှး(၂၅)သီ,၂၀၂၅နံၣ်
ခ့ၣ်အဲၣ်ယူၣ်-ကညီဒီကလုာ်စၢဖှိၣ်ကရၢ ကီၢ်သူလ့ၤတၫ်ပၢဟီၣ်က၀ီၤအပူၤ သုးကီၣ်ကးအသုးအဘီယူၤဒုးခးလီၤတၫ် အိၣ်၀ဲလၢတၫ်လီၫ်သကုၤဆးဒးအပူၤအသိး,ဒူပျာ်ယာ်ကီၫ်ရ့ၣ်,ကီးတရံးကီၫ်ဆၣ်ပူၤစ့ၫ်ကီး အ့ရှၢၣ်ကျဲမုၫ်ဖးဒိၣ်လၢတၫ်ပၢၫ်ဆၢသုးပာ်ဖှိၣ်တဖၣ် ပၢဆှၢဃာ်၀ဲအံၤ တၫ်ကထီၣ်ဒုးမၤန့ၫ်ကဒါက့ၤ၀ဲအဂီၫ် သုးကီၣ်ကးတကပၤ မၤပှဲၤသုးဂံၫ်ဘါ,တၫ်စုက၀ဲၤ ဂံၢ်ဘါတဖၣ်အါအါဂီၫ်ဂီၫ်ဒီး ခးလီၤတၫ်လၢကျိဖးဒိၣ်မ့ၫ်ဂ့ၤ, သူပတီၫ်ထီဒြိသ့ၣ်တဖၣ်ဒီးကဘီယူၤတဖၣ်၀ံၤ ဒုးခးလီၤတၫ်အိၣ်၀ဲကိးမုၫ်နံၤဒဲးန့ၣ်လီၤ.
သုးကီၣ်ကးအသုးအတၫ်ခးလီၤတၫ်တဖၣ်အဃိ ထံဖိကီၫ်ဖိကမျၢၫ်လၢတၫ်ကမၣ်တအိၣ်ဘၣ်တဖၣ် ဘၣ်ဃ့ၫ်ပူၤဖျဲးသးအသိး,ကီးတရံးကီၫ်ဆၣ်,ကညီကူၣ်သ့ဆဲးလၤ၀ဲၤကျိၤ,ကီၫ်သူလ့ၤပဒိၣ်တၫ်ဒိးစဲးစ့ၫ်ကီး ဖိသၣ်ခါဆူညါတၫ်အိၣ်မူ ဒီးတၫ်ကူၣ်ဘၣ်ကူၣ်သ့အဂီၫ် ဘၣ်မၤလိတၫ်လၢ တၫ်ဒုးတၫ်ယၤတၫ်ကီတၫ်ခဲအကျါ၀ံၤ ကီၫ်သူလ့ၤပဒိၣ်တၫ်ဒိးစဲးစ့ၫ်ကီး ခိၣ်နၫ်ဘၣ်မူဘၣ်ဒါဒီးကၠိသရၣ်,သရၣ်မုၣ်တဖၣ် အတၫ်ပာ်ဖှိၣ်မၤသကိးအဖီခိၣ် ဖဲလါမးရှး(၁၄)သီအနံၤန့ၣ် လၢပှၫ်လၫ်ကျါ ဒိးစဲး၀ဲ၀ံၤဂ့ၤဂ့ၤဘၣ်ဘၣ်အဂ့ၢ် တၢ်သ့ၣ်ညါဘၣ်န့ၣ်လီၤ.
ကီၢ်သူလ့ၤတၢ်ပၢဟီၣ်က၀ီၤတဖၣ်အပူၤ သုးကီၣ်ကးအသုး ပညိၣ်ဒုးလီၢ်က၀ီၤကမျၢၢ်တဖၣ်လၢ ကလံၤကျါတၢ်ဒုးမ့ၢ်ဂ့ၤ, ခးကျိဖးဒိၣ်မ့ၢ်ဂ့ၤဒီးဒြိတၢ်ဒုးတဖၣ်လၢ ကိးမုၢ်နံၤအဃိ လီၢ်က၀ီၤကမျၢၢ်တဖၣ် ဘၣ်ပျံၤဘၣ်ဖူးအသိး တၢ်ဘၣ်ဒိဘၣ်ထံး, တၢ်သံတၢ်ပှၢ်ဒီး တၢ်ဟးဂုၤဟးဂီၤတဖၣ်အိၣ်ထီၣ်၀ဲအါမးန့ၣ်လီၤ.
