လါအ့ဖြ့ၣ်(၁၈)သီ,၂၀၂၅နံၣ် အမဲရကၤကီၢ်ကီၢ်စၢဖှိၣ်, တကဆဲးကီၢ်စဲၣ်အပူၤ တုၤလါအ့ဖြ့ၣ်(၁၅)သီအနံၤ ပှၤဘၣ်၀ဲးသဲးတၢ်ဆါ(၅၆၁)ဂၤ၀ံၤ တၢ်မ့ၢ်စးထီၣ်ဂံၢ်ဒွးအီၤလၢ လါအ့ဖြ့ၣ်(၁၁)သီအနံၤန့ၣ် ဟဲအါထီၣ်၀ဲပှၤ(၂၀)ဂၤအဂ့ၢ် ဆူၣ်ချ့၀ဲၤကျိၤစံး၀ဲန့ၣ်လီၤ. တၢ်ကဒုးလီၤပှီၢ် ၀ဲးသဲးတၢ်ဆါလၢအဘၣ်ကူဘၣ်ဂၢ် ဖိသၣ်တဖၣ်အဂီၢ် တၢ်ပျဲလီၤပှၤ(၇)ဂၤဆူ တကဆဲးကီၢ်စဲၣ်အပူၤအဂ့ၢ် အမဲရကၤပဒိၣ်စံး၀ဲန့ၣ်လီၤ. တၢ်ဆါအိၣ်ကဲထီၣ်သး တၢ်လီၢ်ခၢၣ်သးလၢအမ့ၢ် က့ကီၢ်ဆၣ်အပူၤ တုၤလၢမုၢ်ဖီဖးအနံၤ ပှၤဘၣ်ကူဘၣ်ဂၢ်အိၣ်(၃၅၅)ဂၤဒီးဟဲအါထီၣ်တုၤ(၃၆၄)ဂၤအဂ့ၢ် တကဆဲးကီၢ်စဲၣ် ဆူၣ်ချ့၀ဲၤကျိၤ စံး၀ဲန့ၣ်လီၤ.

လါအ့ဖြ့ၣ်(၁၁)သီနံၤ,၂၀၂၅နံၣ် ဖဲလါအ့ဖြ့ၣ်(၉)သီအနံၤန့ၣ် ဒီကလုာ်ဃူဖိးပဒိၣ်(NUG) ဘိးဘၣ်ရၤလီၤ၀ဲလၢ ကီၫ်ပယီၤပူၤ ဖဲလါမးရှး(၂၈)သီအနံၤန့ၣ် ကွၫ်ဆၢၣ်မဲာ်ဘၣ် ဟီၣ်ခိၣ်ဟူးတၫ်ဘၣ်ဒိဘၣ်ထံးဒိၣ်ဒိၣ်မုာ်မုာ်၀ံၤ လၢတနွံအအကတီၫ်ပူၤ သုးကီၣ်ကးအသုးဒုးခးလီၤ တၫ်လၢကဘီယူၤဒီးကျိဖးဒိၣ်တဖၣ် အိၣ်၀ဲခဲလၢာ်ပာ်ဖှိၣ်(၉၂)ဘျီန့ၣ်လီၤ. တၫ်ဒုးဃီၤတဘျီအံၤအပူၤ သးနံၣ်(၁၈)နံၣ်အဖီလာ် ဖိသၣ်(၆)ဂၤဒီးပိာ်မုၣ်အဂၤ(၃၀)ပာ်ဃုာ် ကမျၢၫ် (၇၂)ဂၤ ဘၣ်သံ၀ဲအဂ့ၫ်တဲ၀ဲလီၤ. စကဲကီၫ်ခီလၢတူၫ်ဘၣ်ဟီၣ်ခိၣ်ဟူးအနးကတၢၫ်အံၤအပူၤ ဘၣ်တၫ်ဒုးအီၤ(၁၈)ဘျီ၀ံၤ လၢမါတလ့ကီၫ်ခီအပူၤစ့ၫ်ကီး ဘၣ်တၫ်ဒုး၀ဲ(၁၈)ဘျီအဂ့ၫ် ပာ်ဖျါ၀ဲလီၤ.

လါအ့ဖြ့ၣ်(၁၁)သီ,၂၀၂၅နံၣ် KNUလီၫ်ခၢၣ်သးထုးထီၣ်ဘိးဘၣ်ရၤလီၤ၀ဲလၢ ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ,မုၫ်တြီၤကီၫ်ရ့ၣ်,လူၤသီကီၫ်ဆၣ်န့ၣ် သုးကီၣ်ကးအသုး တ့ၫ်လီၤမ့ၣ်ပိၫ်လၢကဘီယူၤအဃိ ကမျၢၫ်(၂)ဂၤဘၣ်ဒိဘၣ်ထံး၀ံၤ ဟံၣ်ဃီဘၣ်ဟးဂၤကွံာ်၀ဲ(၄)ဖျၢၣ်န့ၣ်လီၤ. လါအ့ဖြ့ၣ်(၈)သီနံၤ ဟါ(၅း၂၄)နၣ်ရံၣ်ဃၣ်ဃၣ်အကတီၫ် လူၤသီကီၫ်ဆၣ်,လၢၫ်မုၫ်သီသ၀ီကရူၫ်,ဘျၢၣ်ဂီၤသ၀ီ ဒီး ထံသဲကြူၫ်သ၀ီတဖၣ်အပူၤ သုးကီၣ်ကးအသုး ဒုးတ့ၫ်လီၤမ့ၣ်ပိၫ်(၂)ဖျၢၣ်လၢကဘီယူၤအဂ့ၫ် တၫ်သ့ၣ်ညါဘၣ်လီၤ. သုးကီၣ်ကးသုး အကလံၤကျါတၫ်ဒုးခးလီၤတၫ်အပူၤ ဘျၢၣ်၀ါသ၀ီဖိ စီၤပနၫ်မူ,သးနံၣ်(၃၉)နံၣ်ဒီးစီၤဒ့ဆံး(၂)ဂၤ ဘၣ်ဒိဘၣ်ထံး၀ံၤ ဟံၣ်ဃီ(၃)ဖျၢၣ်ဘၣ်ဟးဂီၤကွံာ်၀ံၤ ထံသဲကြူၫ်သ၀ီပူၤ ဟံၣ်ဘၣ်ဟးဂီၤကွံာ်၀ဲ(၁)ဖျၢၣ်န့ၣ်လီၤ.

လါအ့ဖြ့ၣ်(၁၁)သီ,၂၀၂၅နံၣ် ကီၢ်ခၣ်ဘီဒံယါမုၢ်နုၥ်ကလံၤထံး, ကရိၣ်ဖရးစံၣ်ဟၣ်နူးကီၢ်စဲၣ်, ရ့ၤကဘီသန့ၤတၢ်လီၢ်အပူၤ တရူး-ခၣ်ဘီဒံယါ ပၥ်ဖှိၣ်အိးထီၣ်ဃၥ်၀ဲ သုးဂ့ၢ်၀ီတၢ်ဆီၣ်ထွဲဒီးသုးတၢ်ဂဲၤလိစ့ၣ်တၣ်တခါန့ၣ်လီၤ. တၢ်မၤဂ့ၤထီၣ် ထံကီၢ်ခံဘ့ၣ်အဘၢၣ်စၢၤ သုးဂ့ၢ်၀ီတၢ်ရ့လိၥ်ဘၣ်ထွဲတၢ်ဂုၤထီၣ်ပသီထီၣ်အဂ့ၢ်န့ၣ်  တရူးတၢ်ဒီသဒၢကိတိၥ်၀ဲၤကျိၤ ပှၤကတိၤတၢ်ပၢ တဲလီၤ၀ဲဖဲ လါအ့ဖြ့ၣ်(၉)သီအနံၤန့ၣ်လီၤ. စ့ၣ်တၣ်အံၤန့ၣ် တၢ်အိးထီၣ်အီၤဖဲအပူၤကွံၥ် မုၢ်ဘူၣ်အနံၤဒီး ခၣ်ဘီဒံယါကိတိၥ်ခိၣ်ကျၢၢ် ဟိၣ်မၣ်နဲးဒီးတရူးကမျၢၢ်တၢ်ထူၣ်ဖျဲးသုးမုၢ်ဒိၣ်ခၢၣ်စးတဖၣ် လဲၤထီၣ်၀ဲတၢ်အိးထီၣ်မူးတၢ်ရဲၣ်တၢ်ကျဲၤအံၤန့ၣ်လီၤ. တၢ်အိးထီၣ်မူးတၢ်ရဲၣ်တၢ်ကျဲၤဃုၣ်ဒီး တရူးဒီးခၣ်ဘီဒံယါ သုးမုၢ်ဒိၣ်တဖၣ်အံၤ

လါအ့ဖြ့ၣ် (၁၁)သီ၊ ၂၀၂၅ နံၣ် ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ,ကီၢ်သူလ့ၤတၢ်ပၢဟီၣ်က၀ီၤ,ချၢၣ်လွံၢ်ထူကီၢ်ရ့ၣ်,လၢၢ်ဒိၣ်ကီၢ်ဆၣ်အပူၤ ၂၀၂၅ န့ၣ်,လါအ့ဖြ့ၣ်(၇)သီဆၢကတီၢ် တၢ်စူၤဒီးကလံၤသီၣ်ဂီၤဆူၣ်အဃိ ထဲထူသဝီတၢ်သိၣ်လိကၠိအခိၣ်ဒုး ဟးဂီၤကွံၥ်ဝဲ ဒီး သ၀ီဖိဟံၣ်ဟးဂီၤ၀ဲ(၄)ဖျၢၣ်လၢအမ့ၢ် (၁) စီၤမီၣ်ဟဲ (၂) စီၤဘျ့ၣ်ဘျီၣ် (၃) နီၢ်ဝ့ကၠံၣ် ဒီး (၄) စီၤလါရဲၣ် အဟံၣ် ဒီး

လါအ့ဖြ့ၣ်(၁၀)သီ,၂၀၂၅နံၣ် အမဲရကၤပတုာ်ကွံာ် တၫ်မၤစၢၤတဖၣ်၀ံၤအလီၫ်ခံ ဟီၣ်ခိၣ်ဒီဖျၢၣ်ဆူၣ်ချ့ကရၢအနံၣ်လၢကဟဲစ့ပာ်ကီၤတဖၣ်န့ၣ် လီၤစှၤ၀ဲ(၄၀)မျးကယၤအဂ့ၫ် ဖဲပှၤဘၣ်မူဘၣ်ဒါတဂၤ ထံၣ်လိာ်သးဒီး NHKတၫ်ကစီၣ် တၫ်သံကွၫ်စံးဆၢအကတီၫ် ထုးထီၣ်တဲဖျါ၀ဲလီၤ. အမဲရကၤလၢဆီၣ်ထွဲမၤစၢၤ ဟီၣ်ခိၣ်ဒီဖျၢၣ်ဆူၣ်ချ့မၤကရၢ အအါကတၢၫ်အံၤ အတၫ်ပတုာ်ကွံာ် တၫ်ဆီၣ်ထွဲမၤစၢၤ စ့ပာ်ကီၤ တဖၣ်၀ံၤအလီၫ်ခံ လၢဟီၣ်ခိၣ်ဒီတဖျၢၣ် ပှၤမၤတၫ်ဖိ (၉၀၀၀၀)အကျါ (၈၀၀)ဂၤဃၣ်ဃၣ်န့ၣ် ဟ့ၣ်၀ဲလါလဲ တန့ၫ်လၢၤဘၣ်အဂ့ၫ်

လါအ့ဖြ့ၣ်(၁၀)သီ,၂၀၂၅နံၣ် စကဲကီၫ်ခီ,၀ိသိၣ်ကီၫ်ဆၣ်,နါခါသ၀ီ သုးကီၣ်ကးအသုးတ့ၫ်လီၤမ့ၣ်ပိၫ်လၢကဘီယူၤ(၂)ဘျီအဃိ ဖိသၣ်ပာ်ဃုာ် ကမျၢၫ်ဘၣ်သံ(၂၀)ဂၤအဂ့ၫ် Kawlin info ပှၤဘၣ်မူဘၣ်ဒါတဂၤတဲ၀ဲလီၤ. ဖဲလါအ့ဖြ့ၣ်(၉)သီနံၤ မုၫ်ဃ့ၫ်လီၤ(၃)နၣ်ရံၣ်အကတီၫ်ဃၣ်ဃၣ်န့ၣ် သုးကီၣ်ကးအသုးကဘီယူၤဒုးသုး တ့ၫ်လီၤမ့ၣ်ပိၫ် ဖဲ၀ိသိၣ်ကီၫ်ဆၣ်,နါခါသ၀ီအဂ့ၫ်,ဒီးဖဲဟါ(၆)နၣ်ရံၣ်ဃၣ်ဃၣ်အဆၢကတီၫ်စ့ၫ်ကီး သုးကီၣ်ကးအသုးတ့ၫ်လီၤကဒီး မ့ၣ် ပိၫ်လၢနါခါသ၀ီ လၢကဘီဒုးသုးတဖၣ်အဂ့ၫ် တၫ်သ့ၣ်ညါဘၣ်လီၤ. “ကမျၢၫ်တၫ်ဘၣ်ဒိဘၣ်ထံးအိၣ်၀ဲလီၤ.လၢအခဲအံၤန့ၣ် တၫ်သ့ၣ်ညါဘၣ်လၢ ပှၤဘၣ်သံ(၂၀)ဂၤဘျဲၣ်န့ၣ်လီၤ. ကသ့ၣ်ညါဘၣ်တၫ်သံတၫ်ပှၫ်အနီၫ်ဂံၫ်လီၤတံၫ်လီၤဆဲးအဂီၫ် တၫ်လူၤမၤလီၤတံၫ်ကဒီး၀ဲအဂ့ၫ်”