လါယူၤ(၃)သီ,၂၀၂၅နံၣ်
ကီၢ်သူလ့ၤတၢ်ပၢဟီၣ်က၀ီၤ, သုးက့(၆)ဟီၣ်က၀ီၤအပူၤအိၣ် သုးကီၣ်ကးသုးကလၢၤတဖၣ်အံၤ KNLAဒီးတၢ်ပၢၢ်ဆၢသုးပၥ်ဖှိၣ်တဖၣ် ထီၣ်ဒုး၀ဲတပယူၥ်ဃီအဃိ သုးကီၣ်ကးအသုးကလၢၤလၢအိၣ်တ့ၢ်တဖၣ်စ့ၢ်ကီး ဘၣ်ယိၣ်ဘၣ်ဘှီပျံၤတၢ်ဖူးတၢ်အဂ့ၢ် တၢ်သ့ၣ်ညါဘၣ်န့ၣ်လီၤ.
သုးကီၣ်ကးသုးကလၢၤတဖၣ်လၢ KNLAဒီးတၢ်ပၢၢ်ဆၢသုးပၥ်ဖှိၣ်တဖၣ် နုၥ်လီၤဒုး၀ဲကိးဆၢကတီၢ်ဒဲးသ့အကျါ ကြုၢ်တု၀့ၢ်(၅၄၅)သုးကလၢၤတဖျၢၣ်စ့ၢ်ကီးပၣ်ဃုၥ်၀ဲန့ၣ်လီၤ. လၢတၢ်န့ၣ်အဃိ ကြုၢ်တု၀့ၢ်အိၣ်သူၣ်လီၤ (၅၄၅)အသုးအံၤ ပျံၤတၢ်အဃိ ခးလီၤကျိဖးဒိၣ်တဖၣ်အိၣ်ထီၣ်၀ဲ မုၢ်နၤမုၢ်ဆါလီၤအဂ့ၢ် တၢ်သ့ၣ်ညါဘၣ်လၢ ပှၤလၢအိၣ်ဘူးဒီးတၢ်ပၢၢ်ဆၢသုးတဖၣ်အအိၣ်န့ၣ်လီၤ.
က၀ီၤဒ့(၁)အိၣ် ကိၣ်အီၣ်မၠိထွ့ပၣ်ဃုၥ်ပှၤ(၄)ဂၤလၢ အဟဲလၢ၀့ၢ်ကြုၢ်တုၤဒီးက့ၤလီၤဆူအဟံၣ်အဆၢကတီၢ်အံၤ သုးကီၣ်ကးအသုးဖီၣ်၀ံၤအလီၢ်ခံ က့ၤကိး၀ဲဆူ(၅၄၅)သုးအပူၤ၀ံၤ ဒီၣ်တဲၥ်ကွံၥ်အကိၥ်မၤသံကွံၥ်၀ဲအဂ့ၢ် ဂံၢ်ခီၣ်ထံးတၢ်ကစီၣ်စံး၀ဲန့ၣ်လီၤ.
သုးကီၣ်ကးအသုးလၢ အိၣ်ဆီလီၤဃၥ်သးဖဲ ၀့ၢ်ကြုၢ်တု, ဖူ၀ါကၠိအပူၤအံၤ ဘၣ်တၢ်ခးအီၤလၢစုဘျၢအဃိ သုးကီၣ်ကးအသုးလီၢ်လၤအိၣ်အပှၤတဂၤဒီးအပှၤသုးဖိတနီၤ တၢ်သံတၢ်ပှၢ်တဖၣ်စ့ၢ်ကီးအိၣ်ထီၣ်၀ဲန့ၣ်လီၤ. KNLAဒီးတၢ်ပၢၢ်ဆၢသုးပၥ်ဖှိၣ် လဲၤဒုး စရဖ၀ဲၤဒၢးအကပၤ ၀ဲတၢ်ပၥ်ကီၤအလီၢ်လၢဒြိအဃိ သုးကီၣ်ကးတပၤတၢ်ဘၣ်ဒိဘၣ်ထံးတဖၣ်အိၣ်ထီၣ်၀ဲအဂ့ၢ် တၢ်သ့ၣ်ညါဘၣ်န့ၣ်လီၤ.
KNLAဒီးတၢ်ပၢၢ်ဆၢသုးပၥ်ဖှိၣ်တဖၣ် ခးကျိဖးဒိၣ်, မၤဒြိတၢ်ဒုးဒီးလဲၤခးလၢစုဘျၢတဖၣ်အဃိ သုးကီၣ်ကးအပှၤသုးဖိလၢ ခးကျိဖးဒိၣ်(၂)ဂၤသံ၀ဲတကးဘၣ် သုးကီၣ်ကးအဒြိသုးဖိတဖၣ်စ့ၢ်ကီး တၢ်သံတၢ်ပှၢ်အိၣ်ထီၣ်၀ဲအါအါဂီၢ်ဂီၢ်အဂ့ၢ် စံး၀ဲန့ၣ်လီၤ.
ကြုၢ်တု၀့ၢ်အပူၤသုးကီၣ်ကးအပှၤသုးဖိတဖၣ်ဘၣ်တၢ်ဒုးအီၤအဃိတၢ်ဘၣ်ဒိဘၣ်ထံဒီးတၢ်သံတၢ်ပှၢ်အိၣ်ထီၣ်၀ဲအါအဃိ ကမျၢၢ်လၢလဲၤစံၣ်သုးဆူ၀့ၢ်ကြုၢ်တုဒီးက့ၤဆူ အလီၢ်အကျဲတဖၣ်အံၤ သုးကီၣ်ကးအသုးပညိၣ်၀ဲလၢကျိတဖၣ်၀ံၤ မၢယူၢ်ထီၣ်စုမၤ၀ဲတၢ်မၤပျီၢ်မၤဂီၤတၢ်တဖၣ်အသိးဖီၣ်န့ၢ်ဆူမၤသံ၀ဲတဖၣ်စ့ၢ်ကီးအိၣ်ထီၣ်၀ဲအဂ့ၢ်တၢ်သ့ၣ်ညါဘၣ်န့ၣ်လီၤ. ကီးတရံးကီၢ်ဆၣ် တတၣ်ကူတပၤစ့ၢ်ကီး သုးကီၣ်ကးအပှၤသုးဖိ(၂)ဂၤ ဟဲပၥ်လီၤစုက၀ဲၤအဂ့ၢ်စ့ၢ်ကီး စံး၀ဲန့ၣ်လီၤ.
Ref:salweenpress
