လါအီးကထိဘၢၣ်(၄)သီ,၂၀၂၄နံၣ် လါအီးကထိဘၢၣ်(၃)သီအနံၤ, ခ့ၣ်အဲၣ်ယူၣ်-လီၢ်ခၢၣ်သး၀ဲၤလီၢ်ခိၣ်သ့ၣ် တၢ်ကစီၣ်ဘိးဘၣ်ရၤလီၤလၢ ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ, သုးက့နီၣ်ဂံၢ်(၃), ကီၢ်ရ့ၣ်ချၢၣ်လွံၢ်ထူၣ်, ကီၢ်ဆၣ်မူဒီးကီၢ်ဆၣ်ဆီထံးဟီၣ်က၀ီၤအပူၤ ခီဖျိလၢသုးကီၣ်ကးအသုးပညိၣ်ခးလီၤကျိဖးဒိၣ်ဒီးဒြိတဖၣ် ဆူကမျၢၢ်အိၣ်ဆိးလီၢ်ကျဲဖံးအီၣ်မၤအီၣ်လီၢ်ကျဲတဖၣ်အပူၤအဃိ ဘၣ်ဒိ၀ဲ ဖိသၣ်(၃)ဂၤပၥ်ဃုၥ် ကမျၢၢ်(၆)ဂၤ ဒီး ဘၣ်ဟးဂီၤကွံၥ်၀ဲ ဃိၣ်(၁)ဖျၢၣ်အဂ့ၢ်န့ၣ်လီၤ. လါစဲးပထ့ဘၢၣ်(၂၉)သီအနံၤ, ဂီၤ(၉)နၣ်ရံၣ်ဘျဲၣ်အဆၢကတီၢ် သုးကီၣ်ကးအသုး(ခမရ-၅၉၈)သုးရ့ၣ်ခးလီၤကျိဖးဒိၣ်(၁၀)ဖျၢၣ်ဆူ ဆီထံးကီၢ်ဆၣ်ပူၤအဃိ လဲၤလီၤတဲၥ်ပိၥ်ဖးထီၣ်၀ဲဒၣ်ဖဲ ညီၣ်ခၠ့ၣ်ထီးသ၀ီကပၤ(၃)ဖျၢၣ် ဒီး

လါအီးကထိဘၢၣ်(၄)သီ,၂၀၂၄နံၣ် ခ့ၣ်အဲၣ်ယူၣ်-မုၢ်တြီၢ်တၢ်ကစီၣ် ဘိးဘၣ်ရၤလီၤဃၣ်၀ဲလၢ ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ,သုးက့နီၣ်ဂံၢ်(၅), ကီၢ်ရ့ၣ်မုၢ်တြီၢ်ဟီၣ်က၀ီၤပူၤ, စးထီၣ်လၢလါစဲးပထ့ဘၢၣ်(၁)သီတုၤ(၃၀)သီအနံၤ, (၁)လါအတီၢ်ပူၤ တၢ်ဒုးကဲထီၣ်သးလၢ ကညီဒီကလုၥ်တၢ်ထူၣ်ဖျဲးသုးမုၢ်ဒိၣ်(KNLA), သုးပၥ်ဖှိၣ်ဒီး သုးကီၣ်ကးအသုးအဘၢၣ်စၢၤ ခဲလၢၥ်အိၣ်၀ဲ(၁၄၄)ဘျီ၀ံၤ သုးကီၣ်ကးအသုးတပၤ သံ၀ဲ(၇၄)ဂၤ ဒီးဘၣ်ဒိ၀ဲ(၄)ဂၤအဂ့ၢ်န့ၣ်လီၤ. သုးကီၣ်ကးအသုးသံ(၇၄)ဂၤအကျါ ပၥ်ဃုၥ်၀ဲ သုးရ့ၣ်ခိၣ်(၁)ဂၤ, သုးဒ့ခိၣ်(၂)ဂၤ, သုးဒ့ခိၣ်(ခံ) (၁)ဂၤ ဒီး ဘၣ်ဒိ၀ဲအကျါ

လါအီးကထိဘၢၣ်(၃)သီ,၂၀၂၄နံၣ် ဖဲလါအီးကထိဘၢၣ်(၁)သီနံၤ တၫ်ထၢဖးဖီမုၫ်စရီလၢထံကီၫ်ဒီတဘ့ၣ်အပူၤ၀ံၤ ပှၤသုးလီၫ်သုးကျဲပာ်ဃုာ် ဟိၣ်ထဲဒီးတၫ်အိၣ်ကသုၣ်ဒၢးအပူၤဒၣ်လဲၣ် တၫ်ကထၢဖးဖီမုၫ်စရီအဂ့ၫ် တၫ်သ့ၣ်ညါဘၣ်လၢ ပှၤလၢအိၣ်ဘူးဒီးပှၤလူၤထၢဖးဖီမုၫ်စရီဒီးပၢပြးတဖၣ်အိၣ်န့ၣ်လီၤ. “နဲၣ်လီၤပှၤလၢပကဘၣ်လူၤထၢ ဖးဖီမုၫ်စရီ လၢတၫ်လီၫ်ကိးတီၤဒဲးလီၤ.လီၤဆီဒၣ်တၫ်ပှၤလၢသုးလီၫ်သုးကျဲတဖၣ် တၫ်ထၢဆိအ၀ဲသ့ၣ်န့ၣ်လီၤ.ပှၤအိၣ်အါအလီၫ်ဒ်သိးဒီးသိလ့ၣ်ဒီးလ့ၣ်မ့ၣ်အူသန့တၫ်လီၫ်တဖၣ် လူၤထၢ၀ဲလီၤ.ထီၣ်တ ဟံၣ်လီၤတဟံၣ် ကလူၤထၢ၀ဲအိၣ်အဂ့ၫ်”သ၀ီသးပှၫ်တဂၤတဲ၀ဲလီၤ. ထံကီၫ်ဒီတဘ့ၣ် တၫ်ထၢဖးဖီမုၫ်စရီန့ၣ် တၫ်စးထီၣ်ထၢ၀ဲ ဖဲလါအီးကထိဘၢၣ်(၁)နံၤတုၤ(၁၅)သီနံၤ၀ံၤ ထံကီၫ်ဒီတဘ့ၣ် ပှၤနီၫ်ဂံၫ်ဒီးဟံၣ်ဃီနီၫ်ဂံၫ်နီၫ်ဒွးတၫ်ဂ့ၫ်တၫ်ကျိၤတဖၣ် တၫ်ကလူၤထၢ၀ဲအဂ့ၫ် သုးကီၣ်ကးတကပၤဘိးဘၣ်ရၤလီၤ၀ဲလီၤ.

လါအီးကထိဘၢၣ်(၃)သီ,၂၀၂၄နံၣ် ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ, ကီၢ်ရ့ၣ်ဒူသထူၣ်, ဖၣ်အၣ်ကီၢ်ဆၣ်အပူၤ သုးခိၣ်ဘိၤဘံၣ်တီခိၣ်ရိၣ်မဲ(DKBA)ထုးဖးကရၢအပှၤလၢလဲၤဘှီထီၣ်သုးကလၢၤသီ ဖဲနီဖးဒိၣ်ကရူၢ် ၀ၣ်တရဲၢ်သ၀ီပူၤ ကၠိမဲၥ်ညါတဖၣ် တၢ်ဟ့ၣ်ပလီၢ်လဲၤတ့ၢ်လီၤဒြိမ့ၣ်ပိၢ်အဂ့ၢ် လီၢ်က၀ီၤဖိတဖၣ် စံး၀ဲန့ၣ်လီၤ. သုးခိၣ်ဘိၤဘံၣ်တီခိၣ်ရိၣ်မဲ(DKBA)ထုးဖးကရၢ လၢဟဲဘှီထီၣ်သုးကလၢၤသီ ဖဲ၀ၣ်တရဲၢ်သ၀ီကၠိမဲၥ်ညါအံၤ လီၢ်က၀ီၤကမျၢၢ်တဖၣ် ဒီးKNUတပၤတတူၢ်လိၥ်၀ဲဘၣ်ဒီး ကဲထီၣ်တၢ်ဂ့ၤလိၥ်ခဲအံၤခဲအံၤလီၤအဂ့ၢ် တၢ်သ့ၣ်ညါဘၣ်န့ၣ်လီၤ. “KNU တပၤတတူၢ်လိၥ်၀ဲဘၣ်. လီၢ်က၀ီၤကမျၢၢ်တဖၣ်စ့ၢ်ကီး တတူၢ်လိၥ်၀ဲဘၣ်. ကဲထီၣ်တၢ်ဂ့ၢ်လိၥ်ဘှီလိၥ်ခဲအံၤခဲအံၤ

လါအီးကထိဘၢၣ်(၂)သီ,၂၀၂၄နံၣ် လါစဲးပထ့ဘၢၣ်(၃၀)သီအနံၤ, ကရ့ၣ်နံၣ်ကီၢ်တၢ်ဘၢၣ်စၢၤပၢပြးကီၣ်ကး(IEC) ဘိးဘၣ်ရၤလီၤလၢ သုးဟံးန့ၢ်ဆူၣ်ထံကီၢ်တၢ်စိတၢ်ကမီၤ၀ံၤအလီၢ်ခံ သုးကီၣ်ကးပညိၣ်ဒုး၀ဲ တၢ်သိၣ်လိကၠိတဖၣ်အဃိ ကရ့ၣ်နံၣ်ကီၢ်ပူၤ ဘၣ်ဒိဒီးသံ ကၠိဖိမုၣ်/ခွါ(၁၃)ဂၤ ဒီး တၢ်ကူၣ်ဘၣ်ကူၣ်သ့ပှၤမၤတၢ်ဖိ(၅)ဂၤန့ၣ်လီၤ. IEC အတၢ်ကူၣ်ဘၣ်ကူၣ်သ့၀ဲၤကျိၤ အလံၥ်ပၥ်ဖျါအပူၤ ပၥ်ဖျါဃၣ်၀ဲလၢ ခီဖျိသုးကီၣ်ကး ခးလီၤကျိဖးဒိၣ်ဒီးဟဲခးလီၤတၢ်လၢကလံၤကျါအဃိ ဘၣ်ဒိဒီးသံ၀ဲ ကၠိဖိမုၣ်/ခွါတဖၣ် ဒီးတၢ်ကူၣ်ဘၣ်ကူၣ်သ့ပှၤမၤတၢ်ဖိတဖၣ်န့ၣ်လီၤ. သုးကီၣ်ကးဖီၣ်ဆူၣ် တၢ်ကူၣ်ဘၣ်ကူၣ်သ့ပှၤမၤတၢ်ဖိ(၆)ဂၤလၢ