လါအီးကထိဘၢၣ်(၂၄)သီ,၂၀၂၄နံၣ်
တၢ်မၤန့ၢ်ဃၥ် တၢ်မၤနီၣ်မၤဃါတဖၣ်လၢ ကလံၤစိးကီၢ်ခိရံယါသုးတဖၣ် လဲၤတုၤဆူကီၢ်ရှၢးရှါဒီးကမၤ၀ဲမနုလဲၣ်န့ၣ် တၢ်ကဘၣ်အိၣ်ခိးကွၢ်၀ဲအဂ့ၣ် အမဲရကၤတၢ်ဒီသဒၢကိတိၥ် Lloyd Austin တဲ၀ဲဆူ ပှၤဟံးတၢ်ကစီၣ်ဖိတဖၣ် ဖဲမဟါအနံၤန့ၣ်လီၤ.
ကလံၤစိးကီၢ်ခိရံယါသုး(၂)ဖုလၢ ကနုၥ်လီၤဒုးစၢၤကီၢ်ရှၢးရှါတပၤ လဲၤတုၤ၀ဲဆူ ကီၢ်ရှၢးရှါလံအဂ့ၢ် တၢ်မၤန့ၢ်ဃၣ် တၢ်မၤနီၣ်မၤဃါတဖၣ်အဂ့ၢ် ယူၣ်ကရ့ကီၢ်ခိၣ် Volodymyr Zelenskyy တဲလီၤ၀ဲ၀ံၤ လီၢ်ခံတနံၤန့ၣ် အမဲရကၤတၢ်ဒီသဒၢကိတိၥ် တဲလီၤ၀ဲန့ၣ်လီၤ.
ကလံၤစိးကီၢ်ခိရံယါ ဆီၣ်ထွဲမၤစၢၤ ကီၢ်ရှၢးရှါလၢစုက၀ဲၤတဖၣ်၀ံၤ ရှၢးရှါ-ကလံၤစိးကီၢ်ခိရံယါထံကီၢ်(၂)ဘ့ၣ် တၢ်ရ့ၥ်လိၥ်ဘၣ်ထွဲတဖၣ် ဂ့ၤထီၣ်ဒိၣ်၀ဲအဂ့ၢ် ကိတိၥ် Austin စံး၀ဲန့ၣ်လီၤ. ကလံၤစိးကီၢ်ခိရံယါ မ့ၢ်နုၥ်လီၤဒုးစၢၤလၢ ယူၣ်ကရ့တၢ်ဒုးအပူၤန့ၣ် တၢ်ဂ့ၢ်ကီကဲထီၣ်သ့ဖးဒိၣ်၀ံၤ ယူရပၤတကးဘၣ် အ့ၣ်ဒိၣ်ပစံးဖ့းလီၢ်က၀ီၤပူၤစ့ၢ်ကီး ပိၥ်ထွဲထီၣ်အခံသ့အဂ့ၢ် ဟ့ၣ်ပလီၢ်၀ဲန့ၣ်လီၤ.
၂၀၂၂နံၣ်စးထီၣ်သီန့ၣ် ရှၢးရှါစးထီၣ်နုၥ်လီၤဂုၢ်ဆူၣ်ဒုး ယူၣ်ကရ့၀ံၤအလီၢ်ခံ ရှၢးရှါတပၤ တၢ်ဘၣ်ဒိဘၣ်ထံးတၢ်သံတၢ်ပှၢ်တဖၣ် အိၣ်ထီၣ်၀ဲအါအါဂီၢ်ဂီၢ်လီၤအဂ့ၢ် စံး၀ဲန့ၣ်လီၤ.
ကလံၤစိးကီၢ်ခိရံယါသုးတဖၣ် ဟဲတုၤဆူ ကီၢ်ရှၢးရှါန့ၣ် ပှၤအါဂၤသ့ၣ်ညါဃၣ်လၢ ရှၢရှါကီၢ်ခိၣ် Vladimir Putin သဂၢၢ်ဘၣ် တၢ်ဃံးတၢ်စ့ၢ်ဒိၣ်ဒိၣ်မုၢ်မုၢ်အဂ့ၢ် ကိတိၥ် Austinတဲလီၤ၀ဲန့ၣ်လီၤ.
ယူရပၤတၢ်ဒုးအပူၤ ကလံၤစိးကီၢ်ခိရံယါမ့ၢ်ပၥ်ဃုၥ်နုၥ်လီၤန့ၣ် ထံဂုၤကီၢ်ဂၤအတၢ်ဆီၣ်သနံး တတုၤလီၤတီၤလီၤဘၣ်အဃိလီၤအဂ့ၢ် ယူၣ်ကရ့ၣ်ကီၢ်ခိၣ် Zelenskyy စံး၀ဲန့ၣ်လီၤ.
Ref: VOA
