လါအီးကထိဘၢၣ်(၂၈)သီ,၂၀၂၄နံၣ်
ကညီကီၫ်စဲၣ်,ကီးတရံး-ရၤမတံ အ့ရှၢကျဲသီဒီးဖဲ၀့ၫ်ကီးတရံးအကပၤန့ၣ် ကညီဒီကလုာ်တၫ်ထူၣ်ဖျဲးသုးမုၣ်ဒိၣ်ဒီးPDFသုးပာ်ဖှိၣ်တဖၣ် ဒုး၀ဲလၢတၫ်ဘၢၣ်စၢၤအဃိ အီၣ်စ့ၣ်ယးသုးကျိၤဂုၤက့ၤအခံအဂ့ၫ် သုးဂ့ၫ်၀ီဂ့ၫ်ခီၣ်ထံးတၫ်ကစီၣ် တဲ၀ဲဖဲလါအီးကထိဘၢၣ်(၂၇)သီအနံၤန့ၣ်လီၤ.
ဖဲလါအီးကထိဘၢၣ်(၂၅)သီတုၤ(၂၇)သီအနံၤ ခး၀ဲလၢတၫ်ဘၢၣ်စၢၤ(၃)တီၤ ဖဲအ့ရှၣ်ကျဲသီ,တတါကူသ၀ီ, မံးခၠီအ့ဒီး ယၣ်ကိးသ၀ီတဖၣ်အဂ့ၫ် KNLAသုးကျိၤပာ်ဖှိၣ် ဂ့ၫ်ခီၣ်ထံးတၫ်ကစီၣ်တဲ၀ဲလီၤ.
“စးထီၣ်ကဲထီၣ်လၢဂီၤ(၄)နၣ်ရံၣ်ဃၣ်ဃၣ်လီၤ.လၢမံးခၠီအ့ဒီးယၣ်ကိးသ၀ီ(ရန်ကုတ်ရွာ)တကပၤ,တတါကူ ယွၣ်သံးကိး(တတန်ကူး ရွာသစ်ကုန်း),လၢအ့ရှၢကျဲတခီလီၤ.လဲၣ်၀း ကျိဖးဒိၣ်သုးခးလီၤကျိဖးဒိၣ်လီၤ. အ့ရှၢၣ်ကစၢၫ်ခိၣ်ကျဲစ့ၫ်ကီး သုးကီၣ်ကးအသုးတၫ်ဒုးအီၤလၢတၫ်ဘၢၣ်စၢၤအဃိ ဘၣ်ဂုၤက့ၤအခံလီၤ.”
လၢအ့ရှၢၣ်ကျဲသီတၫ်ဒုးအပူၤ သုးကီၣ်ကးအသုးဖိလၢဘၣ်ဒိအဂၤ(၄၀)ဃၣ်ဃၣ် ဘၣ်တၫ်ဆှၢအီၤဆူ ဖၣ်အၣ်-တီၣ်ကလ့သုးတၫ်ဆါဟံၣ်အဂ့ၫ်တဲ၀ဲလီၤ.
တၫ်အဃိ သုးကီၣ်ကးအသုးဒီးသုးခိးကီၫ်ဆၢBGFလၢအိၣ်ဖဲ၀့ၫ်ကြုၫ်တုတဖၣ် တၫ်ဆှၢအီၤလၢသုးဂံၫ်ဘါတၫ်မၤစၢၤ ကန့ၫ်အဂီၫ် လၢကျဲဒ့စၢၤသ၀ီတဖၣ် ဆီလီၤဃာ်တၫ်ဘံၣ်တၫ်ဘၢအဂ့ၫ် ကြုၫ်တု လီၫ်က၀ီၤပိာ်မုၣ်တဂၤတဲ၀ဲလီၤ.
“အခဲအံၤ သုးကီၣ်ကးန့ၣ် လၢကြုၫ်တုတကပၤ ပာ်ဖှိၣ်လိာ်သးဒီးBGF၀့အီၣ်အသုးတဖၣ်၀ံၤ ရဲၣ်ကျဲၤ၀ဲလၢကကးတံာ် ကါနံၣ်,သယဲးတီ ချံသန့တဖၣ်န့ၣ်လီၤ.တၫ်ပၢၫ်ဆၢသုးတဖၣ် ဟဲလၢကြုၫ်တုသုတန့ၫ်အဂီၫ် ဆီလီၤဃာ်တၫ်ဘံၣ်တၫ်ဘၢဃံးဃံးအဂ့ၫ်”တဲ၀ဲလီၤ.
လၢတၫ်ဒုးယံာ်(၃)သီအတီၫ်ပူၤ KNLAသုးပာ်ဖှိၣ်တဖၣ် မၤန့ၫ်သုးကီၣ်ကးအကျိချံပှာ်သၣ်တဖၣ်၀ံၤ ခးဟးဂီၤ သုးကီၣ်ကး အသုးသိလ့ၣ်န့ၫ်၀ဲအခိၣ်(၁၀)ဃၣ်ဃၣ်အဂ့ၫ် ထုးထီၣ်ဘိးဘၣ်ရၤလီၤဃာ်၀ဲလီၤ.
Ref: RFA
