လါအ့ဖြ့ၣ်(၂၁)သီ,၂၀၂၅နံၣ်
သုးကီၣ်ကးန့ၣ် အ့ၣ်ယၣ်၀တံၣ်ကီၫ်ခီ,ယ့ၣ်ကၠံၣ်ကီၫ်ဆၣ်,၀့ၫ်ငသဲခၠီ ယ့ၣ်နးသၣ်သုးတၫ်သမံသမိးတြဲၤ တၫ်ခီဂာ်၀ံၤ ရၢၫ်ခၢၣ်ကီၫ်စဲၣ်အဆၢ အ့ၣ်ယၣ်၀တံၣ်ကီၫ်ခီပူၤ ဒူသ၀ီတဖၣ်န့ၣ် ပာ်ပနီၣ်ဃာ်၀ဲတၫ်အဒူၣ်ဆၢလၢ တၫ်စိာ်ဆှၢဟုသးတဖၣ်န့ၣ်လီၤ.
ယ့ၣ်နးသၣ်သုးတၫ်သမံသမိးတြဲၤန့ၣ်,ပသံၣ်-မိၣ်ယွၣ်ကျဲအလီၫ်ခံတကပၤ ဒူသ၀ီတဖၣ် စးထီၣ်ဖဲလါအ့ဖြ့ၣ်(၂)နွံတနွံ အပူၤန့ၣ် မၤ၀ဲတၫ်အဒူၣ်အဆၢလၢတၫ်စိာ်ဆှၢဟုးသး၀ံၤသုးကီၣ်ကးသုးဒီးပၢၤကီၫ်တဖၣ်န့ၣ် လၢတၫ်သမံသမိးတြဲၤအပူၤ မၤတၫ်သမံသမိးဃံးဃံးအဂ့ၫ်န့ၣ်လီၤ.
ယ့ၣ်ကၠံၣ်ကီၫ်ဆၣ်,ကိပၠ့ၣ်သ၀ီဖိတဂၤတဲ၀ဲလၢ”ကိပၠ့ၣ်သ၀ီကရူၫ်လၢတၫ်ဘၣ်လဲၤခီဂာ် ယ့ၣ်နးသၣ်သုးတၫ်သမံသမိးတြဲၤပာ်ဃုာ် တၫ်စိာ်ဆှၢဟုသးတဖၣ် ပာ်ပနီၣ်၀ဲအဒူၣ်အဆၢန့ၣ်လီၤ. ဟံၣ်ဖိဃီဖိနီၫ်ဂံၫ်စှၤမ့ၫ်ဂ့ၤအါမ့ၫ်ဂ့ၤ ပှၤနီၫ်တဂၤန့ၣ်ဟ့ၣ်၀ဲအခွဲးထဲဒၣ် ကစိာ်၀ဲဟုသး(၂)သလီး”န့ၣ်လီၤ.
သုးကီၣ်ကးန့ၣ် လ့မၠဲးနၣ်ဒီးပသံၣ်-မိၣ်ယွၣ်ကျဲလၢအိၣ်ဘျးစဲဒီးရၢၫ်ခၢၫ် ပှၤလီၫ်က၀ီၤဖိတဖၣ်န့ၣ် ပှၤနီၫ်တဂၤ(၇)သီအဂီၫ် ဟ့ၣ်ခွဲးလၢကစိာ်ဟုသးထဲဒၣ်(၂)သလီး၀ံၤ စိာ်၀ဲမ့ၫ်အါန့ၣ် ဟံးန့ၫ်ကွံာ်၀ဲခဲလၢာ်န့ၣ်လီၤ.
ငသဲခၠီ၀့ၫ်ဖိတဂၤတဲ၀ဲလၢ”သုးကီၣ်ကးအတၫ်မၤတဖၣ်အဃိ ဘၣ်ဒိ၀ဲပှၤလၢမၤအီၣ်တနံၤအဂီၫ်တဖၣ်န့ၣ်လီၤ. ပှၤလၢဘုအိၣ်ဟုအိၣ်တဖၣ်ဒုတၫ်ဂ့ၫ်ကီတအိၣ်ထဲန့ၣ်ညါဘၣ်.မၤ၀ဲလၢမတနုၤအဃိလဲၣ်ဒုတသ့ၣ်ညါဘၣ်”.
သုးကီၣ်ကးပာ်ပနီၣ်ဃာ်တၫ်စိာ်ဆှၢဟုသးတဖၣ်အဃိ အပူၤကွံာ်တၫ်လီၫ်လၢဟုသးဃီၤဃၤတသလီး အပှ့ၤအိၣ် ၃,၅၀၀ကၠးတုၤ၄,၀၀၀ကၠးတဖၣ်န့ၣ် လၢကတီၫ်အံၤ အပှ့ၤထီၣ်တုၤလၢ ၅,၅၀၀ကၠးတုၤ ၆,၀၀၀ကၠးညါအဂ့ၫ် လီၫ်က၀ီၤဖိတဖၣ်တဲ၀ဲလီၤ.
ရၢၫ်ခၢၣ်သုးမုၫ်ဒိၣ်(AA)သုးပာ်ဖှိၣ်တဖၣ်ဒီးသုးကီၣ်ကးအသုးတဖၣ် တၫ်ဒုးကဲထီၣ်ဖဲယ့ၣ်ကၠံၣ်ကီၫ်ဆၣ်ဒီးလ့မၠဲးနၣ် ကီၫ်ဆၣ်အဘၢၣ်စၢၤ ပသံၣ်-မိၣ်ယွၣ်ကျဲအကပၤအဃိ သုးကီၣ်ကးန့ၣ် ဘၣ်ယိၣ်၀ဲလၢ ဟုသးတဖၣ်ကလဲၤတုၤလၢ တၫ်ပၢၫ်ဆၢသုးတဖၣ်အအိၣ်အဃိ မၤ၀ဲဒ်သိးအံၤအဂ့ၫ် ပှၤလၢအိၣ်ဘူးဒီးသုးကီၣ်ကးတဖၣ်တဲ၀ဲလီၤ.
Ref: DVB
