လါမ့ၤ(၁၅)သီ,၂၀၂၅နံၣ် သုးကီၣ်ကးအတၫ်ဒုးခးလီၤကမျၢၫ်,တၫ်မၤကမၣ်သုးကွီၫ်မ့ၣ်တဖၣ်အဂီၫ် ကဘၣ်တူၫ်မူတူၫ်ဒါအဂ့ၫ် ယၣ်မညးဖဲၣ်ဒရၢၣ်ဂံၫ်ဘါသီ(NRFF) ထုးထီၣ်ဘိးဘၣ်ရၤလီၤ၀ဲလီၤ. ဖဲလါမ့ၤ(၁၂)သီအနံၤ,ဂီၤခီ သုးကီၣ်ကးအတၫ်မၤ၀ဲကလံၤကျါတၫ်ဒုးခးလီၤတၫ်အဃိ ဒံၣ်ပဲယ့ကီၫ်ဆၣ် ,အိထ့သ၀ီ, တၫ်သိၣ်လိကၠိအပူၤ သရၣ်မုၣ်(၂)ဂၤဒီးကၠိဖိ(၂၀)ဂၤဘျဲၣ် ဘၣ်သံ၀ဲန့ၣ်လီၤ. ဒ်န့ၣ်အသိး အပူၤကွံာ်လါအ့ဖြ့ၣ်အပူၤစ့ၫ်ကီး သုးကီၣ်ကးန့ၣ် တၫ်ဒုးတအိၣ်ဘၣ်အမဲာ်ညါ ဒုးခးလီၤတၫ် ဖဲတလၢၤကီၫ် စဲၣ်လၢကလံကျါ(၁)ဘျီ,ခးလီၤကျိဖးဒိၣ်တစှၤန့ၣ်(၆)ဘျီအဃိ အစှၤကတၢၫ်ကမျၢၫ်ဘၣ်သံ(၃)ဂၤ၀ံၤ ဘၣ်ဒိဘၣ်ထံး (၁၃)ဂၤအဂ့ၫ် NRFFတၫ်မၤနီၣ်ထၢဖှိၣ်စရီအဖီခိၣ်

လါမ့ၤ(၁၅)သီ,၂၀၂၅နံၣ် ကီၢ်ပယီၤဒီတဘ့ၣ်အပူၤ သုးမီၤစိရိၤအသုး စးထီၣ်ဟံးန့ၢ်ဆူၣ်ထံကီၢ်တၢ်စိတၢ်ကမီၤလၢ လါဖ့ၤဘြူၤအါရံၤ(၁)သီတုၤ(၂၀၂၅)နံၣ်လါမ့ၤ(၁၄)သီအနံၤ (၄)နံၣ်ဘျဲၣ်အတီၢ်ပူၤ အတၢ်မၤသံမၤ၀ီတၢ်တဖၣ်အဃိ ပှၤဟူးဂဲၤဒံၣ်မိၣ်ကရ့ၣ်စံၣ်ဂ့ၢ်၀ီဒီးထံဖိကီၢ်ဖိကမျၢၢ်နီၣ်ဂံၢ် ဘူးထီၣ်(၇)ကထိဃၣ်ဃၣ်(၆၆၇၄)ဂၤ ဘၣ်သံ၀ဲအဂ့ၢ် တၢ်မၤစၢၤထံရူၢ်ကီၢ်သဲးပှၤလီၤဃိၣ်ဖိကရၢAAPP ထုးထီၣ်ပၥ်ဖျါဃၥ်၀ဲဖဲ လါမ့ၤ(၁၄)သီအနံၤန့ၣ်လီၤ. တလါအံၤ စးထီၣ်လၢလါမ့ၤ(၁)သီတုၤ(၁၄)သီအနံၤအတီၢ်ပူၤဒၣ်လဲၣ် ထံကီၢ်ဒီတဘ့ၣ်အပူၤ ပိၥ်ခွါ(၂၉)ဂၤ,ပိၥ်မုၣ်(၃၈)ဂၤခဲလၢၥ်ပၥ်ဖှိၣ်(၆၇)ဂၤဘၣ်သံအဂ့ၢ်,ဖဲန့ၣ်အကျါဖိသၣ်လၢသးနံၣ်အိၣ်(၁၈)ဆူအဖီလၥ်ပၣ်ဃုၥ်၀ဲ(၂၉)ဂၤန့ၣ်လီၤ. ပှၤသံတဖၣ်အကျါ ပှၤ(၄၅)ဂၤန့ၣ် ခီဖျိလၢသုးမီၤစိရိၤသုးကီၣ်ကးအသုး မၤကလံၤကျါတၢ်ဒုးအဃိ ဘၣ်သံ၀ဲအဂ့ၢ် ဒီး

လါမ့ၤ(၁၄)သီ,၂၀၂၅နံၣ် လၢစှၤသီအတီၫ်ပူၤ ရၢရှၢၣ်-ယူၣ်ကရ့တၫ်ထံၣ်လိာ်တၢၣ်ပီၣ်တဲသကိး လၢတၫ်ကမၤ၀ဲဖဲကီၫ်တူၣ်ရကံၣ်အပူၤန့ၣ် သးအိၣ်ပာ်ဃုာ်၀ဲအဂ့ၫ် အမဲရကၤကီၫ်ခိၣ် ဒီနၢၣ်ထရၢးတဲ၀ဲလီၤ. ယူၣ်ကရ့တၫ်ဒုး တၫ်ကပတုာ်ကွံာ်လၢယံာ်(၃၀)သီအဂီၫ် ဖဲယူၤရပၤထံကီၫ်တဖၣ် ဟ့ၣ်တၫ်ဆီၣ်သနံးရၢရှၢၣ်အကတီၫ် လၢတၫ်တၢၣ်ပီၣ်တဲသကိးဒီးရၢရှၢၣ်အပူၤ ကထံၣ်လိာ်သးဒီးပူၣ်တ့ၣ်အဂီၫ် ကလဲၤအိၣ်ခိး၀ဲလၢတူၣ်ရကံၣ်အဂ့ၫ် ယူၣ် ကရ့ကီၫ်ခိၣ်စံၣ်လၣ်စကံတဲ၀ဲ၀ံၤ ယံာ်(၁)သီအလီၫ်ခံ ထရၢးတဲဖျါထီၣ်၀ဲဒ်သိးအံၤန့ၣ်လီၤ. အဲၣ်စထၢၣ်တၫ်ထံၣ်လိာ်တၢၣ်ပီၣ်တဲသကိးန့ၣ် ကဲထီၣ်တၫ်မၤစၢၤသ့လၢ တၫ်ပတုာ်ကွံာ်တၫ်ဒုး၀ံၤ ဖဲအိၣ်လၢလီၫ်က၀ီၤ ပူၤအဆၢကတီၫ်

လါမ့ၤ(၁၃)သီ,၂၀၂၅နံၣ် ကီၫ်ကၠီၣ်တဲၣ် အဆၢခိၣ်တကပၤ လၢကတီၫ်အံၤ ကလံၤကအူတၫ်အဂ့ၫ် ကၠီၣ်တဲၣ်မူခိၣ်ကလံၤသီၣ်ဂီၤ၀ဲၤကျိၤ ထုးထီၣ်ဘိးဘၣ်ရၤလီၤ၀ဲ ဖဲလါမ့ၤ(၁၂)သီအနံၤန့ၣ်လီၤ. အပူၤကွံာ်စှၤသီန့ၣ် ၀့ၫ်ဘီကီာ်ဒီးကၠီၣ်တဲၣ်ကလံၤစိးတၫ်လီၫ်တနီၤအပူၤ မူခိၣ်စူၤထံဒိၣ်ထီၣ်၀ံၤ ကလံၤအူအဃိ သ့ၣ်ထူၣ်ဖးဒိၣ်ဒီးလီမ့ၣ်အူတၢၣ်တဖၣ် လီၤဃံၤ၀ံၤအလီၫ်ခံ ဟ့ၣ်ပလီၫ်ကဒီး၀ဲဒ်သိးအံၤန့ၣ်လီၤ. ကလံၤထံးတရူးပီၣ်လဲၣ်ပူၤဒီးဘံၣ်ယဲးနၣ်တကပၤ ကလံၤတၫ်ဆီၣ်သနံးတဖၣ်န့ၣ် သုးအသးဒီးအူ၀ဲဆူကၠီၣ်တဲၣ် တကပၤ၀ံၤ ဘၣ်သဂၢၫ်လိာ်သးဒီးကၠီၣ်တဲၣ်ကလံၤကိၫ်အဆၢကတီၫ် ကဲထီၣ်၀ဲလၢတၫ်ကိၫ်တကပၤကလံၤမုၫ်သ့အဃိ မူခိၣ်စူၤဒိၣ်,ကလံၤဟဲ,တၫ်စူၤပူၤတီၤပူၤတီၤ,လီဖျးတၫ်တဖၣ် ကဲထီၣ်သ့အဂ့ၫ်

လါမ့ၤ(၁၃)သီ,၂၀၂၅နံၣ် တလၢၤကီၫ်စဲၣ်,ကၠဲးထိၣ်ကီၫ်ဆၣ်ပူၤ ၀့ကၣ်သ၀ီဒီးကရ၀့ဆ့းသ၀ီတဖၣ် သုးကီၣ်ကးဒုးခးလီၤ၀ဲလၢကလံၤကျါဒီး ကျိဖးဒိၣ်တဖၣ်အဃိ ကမျၢၫ်ဘၣ်သံ(၁)ဂၤဒီးဘၣ်ဒိဘၣ်ထံး(၆)ဂၤ၀ံၤ ဟံၣ်ဃီဟးဂီၤ၀ဲ(၂၅)ဖျၢၣ်အဂ့ၫ် ကညီဒီကလုာ်စၢဖှိၣ်ကရၢ(KNU)လီၫ်ခၢၣ်သး ထုးထီၣ်ဘိးဘၣ်ရၤလီၤ၀ဲ ဖဲလါမ့ၤ(၁၂)သီအနံၤန့ၣ်လီၤ. ဖဲလါမ့ၤ(၁၀)သီနံၤ,ဟါ(၄)နၣ်ရံၣ်ဃၣ်ဃၣ်န့ၣ် ၀့ကၣ်သ၀ီန့ၣ် သုးကီၣ်ကးအသုးဟဲတ့ၫ်လီၤမ့ၣ်ပိၫ်(၅)ဖျၢၣ်ခီဖျိလၢ Y-12ကဘီယူၤဒီး ဟံၣ်(၄)ဖျၢၣ်မ့ၣ်အူအီၣ်ကွံာ်၀ံၤ သ၀ီဖိဘၣ်ဒိဘၣ်ထံး(၂)ဂၤအဂ့ၫ် ပာ်ဖျါ၀ဲလီၤ. ဖဲတနံၤဃီ၀ဲန့ၣ် ဟါ(၄)နၣ်ရံၣ်ဘျဲၣ်အကတီၫ် နီၫ်ဂံၫ်(၄၄) ခီၣ်ချ့သုးတြိၤ၀ဲၤလီၫ်ခိၣ်သ့ၣ် ခးလီၤ၀ဲ(၁၂၀)မမ (၂)ဖျၢၣ်

လါမ့ၤ(၁၃)သီ,၂၀၂၅နံၣ် ဖဲမဟါအနံၤ လါမ့ၤ(၁၂)သီအနံၤန့ၣ် သုးမီၤစိရိၤသုးကီၣ်ကးအသုး ကဘီယူၤလဲၤတ့ၢ်လီၤမ့ၣ်ပိၢ်ဆူ စကဲကီၢ်ခီ, ဒံၣ်ပဲယ့ကီၢ်ဆၣ်, အိထ့ၣ်ကွ့သ၀ီတၢ်သိၣ်လိကၠိအဃိ တၢ်သံတၢ်ပှၢ်အိၣ်ထီၣ်တုၤ(၂၂)ဂၤ၀ံၤ ကၠိဖိမုၣ်ခွါခဲလၢၥ်(၂၀)ဂၤဒီး ကၠိသရၣ်မုၣ်ပၣ်ဃုၥ်ခံဂၤအဂ့ၢ် တၢ်သ့ၣ်ညါဘၣ်န့ၣ်လီၤ. သုးကီၣ်ကးအသုး ပညိၣ်ဒုးတၢ်သိၣ်လိကၠိအံၤလၢကလံၤကျါတၢ်ဒုးအပူၤ ကၠိဖိလၢဘၣ်သံ၀ဲ(၂၀)ဂၤအကျါ Grade 2ကၠိဖိ(၆)ဂၤ, Grade 3ကၠိဖိ(၃)ဂၤ, Grade 4ကၠိဖိ(၄)ဂၤ, Grade 5ကၠိဖိ