လါမ့ၤ(၁၄)သီ,၂၀၂၅နံၣ်
ကီၢ်ကၠီၣ်တဲၣ်အပူၤခိ၀ံၤတၢ်ဆါဟဲက့ၤကဲထီၣ်ဒီးတၢ်ဘၣ်ကူဘၣ်ဂၢ်ဟဲဒိၣ်ထီၣ်အဃိတနွံအတီၢ်ပူၤပှၤဘၣ်သံ၀ဲ(၆)ဂၤအဂ့ၢ် ကၠီၣ်တဲၣ်တၢ်ပၢဆှၢရဲၣ်ကျဲၤတၢ်ဆါ၀ဲၤကျိၤ(DDC) ထုးထီၣ်ပၥ်ဖျါဃၥ်၀ဲန့ၣ်လီၤ.
စးထီၣ်လၢလါမ့ၤ(၄)သီတုၤ(၁၀)သီအတီၢ်ပူၤ ခိ၀ံၤတၢ်ဆါတၢ်ဘၣ်ကူဘၣ်ဂၢ်အိၣ်ထီၣ်တုၤ(၁၆,၆၀၇)ဂၤ၀ံၤ အပူၤကွံၥ်တနွံန့ၣ်ပှၤလၢတၢ်ဘၣ်ကူဘၣ်ဂၢ်အိၣ်ထီၣ်(၁၄,၆၈၀)ဂၤအဃိခိ၀ံၤတၢ်ဆါတၢ်ဘၣ်ကူဘၣ်ဂၢ်တဖၣ်ဟဲဒိၣ်ထီၣ်အသိး တၢ်သံတၢ်ပှၢ်တဖၣ်စ့ၢ်ကီး ဟဲဒိၣ်ထီၣ်(၂ဆး)အဂ့ၢ် ပၥ်ဖျါဃၥ်၀ဲန့ၣ်လီၤ.
တၢ်ဆၢကတီၢ်ဘူးတုၤဃီၤဆူ ကၠိအိးထီၣ်အဆၢကတီၢ်ဒီးတၢ်စူၤခါအဆၢကတီၢ်အဃိ တၢ်ဆါတၢ်ဘၣ်ကူဘၣ်ဂၢ်ရၤလီၤအသးညီအဃိ တၢ်ဒီသဒၢခိ၀ံၤဒီးတၢ်လိၣ်ကိၥ်သွံၣ်ယွၤတၢ်ဆါတၢ်နဲၣ်လီၤတဖၣ် တၢ်ကလူၤပိၥ်မၤထွဲဘၣ်အီၤအဂ့ၢ်န့ၣ် ကၠီၣ်တဲၣ်တၢ်ပၢဆှၢရဲၣ်ကျဲၤတၢ်ဆါ၀ဲၤကျိၤ ဟ့ၣ်ကူၣ်ဃၥ်၀ဲအသိး ကသံၣ်သရၣ်တဖၣ်စ့ၢ်ကီး ဟ့ၣ်ခီဟ့ၣ်နီၤဟ့ၣ်ပလီၢ်ဃၥ်၀ဲ ဘၣ်ထွဲဒီးခိ၀ံၤတၢ်ဆါဂ့ၢ်၀ီတဖၣ်န့ၣ်လီၤ.
Ref: The Irrawaddy
