လါမ့ၤ(၁၃)သီ,၂၀၂၅နံၣ်
ကီၫ်ကၠီၣ်တဲၣ် အဆၢခိၣ်တကပၤ လၢကတီၫ်အံၤ ကလံၤကအူတၫ်အဂ့ၫ် ကၠီၣ်တဲၣ်မူခိၣ်ကလံၤသီၣ်ဂီၤ၀ဲၤကျိၤ ထုးထီၣ်ဘိးဘၣ်ရၤလီၤ၀ဲ ဖဲလါမ့ၤ(၁၂)သီအနံၤန့ၣ်လီၤ.
အပူၤကွံာ်စှၤသီန့ၣ် ၀့ၫ်ဘီကီာ်ဒီးကၠီၣ်တဲၣ်ကလံၤစိးတၫ်လီၫ်တနီၤအပူၤ မူခိၣ်စူၤထံဒိၣ်ထီၣ်၀ံၤ ကလံၤအူအဃိ သ့ၣ်ထူၣ်ဖးဒိၣ်ဒီးလီမ့ၣ်အူတၢၣ်တဖၣ် လီၤဃံၤ၀ံၤအလီၫ်ခံ ဟ့ၣ်ပလီၫ်ကဒီး၀ဲဒ်သိးအံၤန့ၣ်လီၤ.
ကလံၤထံးတရူးပီၣ်လဲၣ်ပူၤဒီးဘံၣ်ယဲးနၣ်တကပၤ ကလံၤတၫ်ဆီၣ်သနံးတဖၣ်န့ၣ် သုးအသးဒီးအူ၀ဲဆူကၠီၣ်တဲၣ် တကပၤ၀ံၤ ဘၣ်သဂၢၫ်လိာ်သးဒီးကၠီၣ်တဲၣ်ကလံၤကိၫ်အဆၢကတီၫ် ကဲထီၣ်၀ဲလၢတၫ်ကိၫ်တကပၤကလံၤမုၫ်သ့အဃိ မူခိၣ်စူၤဒိၣ်,ကလံၤဟဲ,တၫ်စူၤပူၤတီၤပူၤတီၤ,လီဖျးတၫ်တဖၣ် ကဲထီၣ်သ့အဂ့ၫ် ဟ့ၣ်ပလီၫ်ဃာ်၀ဲလီၤ.
လါမ့ၤ(၁၂)သီအနံၤ,ဂီၤ(၆)နၣ်ရံၣ်,လၢ(၂၄)နၣ်ရံၣ်အတီၫ်ပူၤ ကီၫ်ရ့ၣ်လၢကဘၣ်ပလီၫ်အသးတဖၣ်န့ၣ် ကလံၤစိးတက ပၤ,မဲၫ်ဟီၣ်ဆီၣ်,ကံၫ်မဲ,ခၠံရဲ,လါဖိ,လါပါ,ဖရဲ့,နး,တးခ်,ဆူးခိၣ်ထဲ,ဖိကၠံး,ဖံးခၠးဘိ,ဘံးစနူးလိး,အူးတရၣ်ဒံးတဖၣ်ပာ်ဃုာ်၀ဲလီၤ.
တကးဘၣ် ကၠီၣ်တဲၣ်မုၫ်ထီၣ်ကလံၤစိးတကပၤ,လွ့,နီၣ်ခဲၣ်,ဘ့ၣ်ကၣ်, နီၣ်ဘိၣ်လါဖူ,အူးဒိထၣ်နံၣ်,စကိနခိ ,နခိဖနိၣ်, ကၣ်လၣ်ဆ့ၣ်,ခိၣ်ကဲ,လွဲးအံး,အၣ်နၣ်ကၠးရိ,ဘူၣ်ရံၣ်ရၣ်,မူးတၣ်ဟၣ်,မဟၣ်ဆၣ်ရခါ,နခိရးဆံၣ်မါကီၫ်ရ့ၣ်တဖၣ် ပာ်ဃုာ်၀ဲလီၤ.
လါမ့ၤ(၁၃)သီဒီး(၁၇)သီအတီၫ်ပူၤ မ့ၫ်တၫ်စူၤလီၤသီ၀ံၤ ကီၫ်ကၠီၣ်တဲၣ်ဒီတဘ့ၣ်အပူၤ တၫ်ကစးထီၣ်စူၤဒီးကနုာ်လီၤဆူ တၫ်စူၤခါအကတီၫ်လီၤအဂ့ၫ် ထုးထီၣ်ဘိးဘၣ်ရၤလီၤ၀ဲလီၤ.
Ref: DVB
