လါယူၤလံ(၁၀)သီ, ၂၀၂၅နံၣ် ကီၢ်ကရ့ၣ်တၢ်ပၢဆှၢဟီၣ်က၀ီၤအပူၤ စးထီၣ်လၢ၂၀၂၅နံၣ်စးထီၣ်သီဒီးတုၤခဲအံၤ(၇)လါအတီၢ်ပူၤ ခီဖျိသုးကီၣ်ကးအသုး မၤကလံၤကျါတၢ်ဒုးပၣ်ဃုၥ် ဒိးမ့ၢ်ပိၣ်, ခးကျိဖးဒိၣ်တဖၣ်အဃိ လီၢ်က၀ီၤကမျၢၢ်ခဲလၢၥ်ပၥ်ဖှိၣ် (၆၂)ဂၤသံ၀ဲဒီး (၂၀၈)ဂၤဘၣ်ဒိ၀ဲအဂ့ၢ် IECအလါယူလံၤ(၉)သီအနံၤ အလံၥ်ဘိးဘၣ်ရၤလီၤအပူၤ ပၥ်ဖျါဃၥ်၀ဲန့ၣ်လီၤ. ခီဖျိလၢ သုးကီၣ်ကးအသုး မၤကလံၤကျါတၢ်ဒုးအဃိ ကမျၢၢ်ဘၣ်သံ၀ဲ(၃၃)ဂၤဒီးဘၣ်ဒိ၀ဲ(၉၄)ဂၤ, ယီၢ်ဘၣ်မ့ၣ်ပိၢ်, ခးကျိဖးဒိၣ်, တ့ၢ်လီၤမ့ၣ်ပိၢ်လၢဒြိတဖၣ်ပၣ်ဃုၥ် သုးကီၣ်ကးအပှၤသုးဖိခးသံတၢ်အဃိ ဘၣ်သံ၀ဲ(၂၉)ဂၤဒီး

လါယူၤလံ(၉)သီ,၂၀၂၅နံၣ် အမဲရကၤကီၫ်ခိၣ်ဒီၣ်နၢၣ်ထရၢန့ၣ် တၫ်ကူၣ်လဲၫ်မၤကၤသကိးဃုာ်တၫ်ဒီးထံကီၫ်တဖၣ်အဖီခိၣ် တၫ်ကထၢအါထီၣ်ခိသွဲ တၫ်ရဲၣ်တၫ်ကျဲၤအသီပူၤ ကီၫ်ပယီၤဒီးကီၫ်ကၠီၣ်တဲၣ်စ့ၫ်ကီး ပာ်ဃုာ်၀ဲန့ၣ်လီၤ. အမဲရကၤပဒိၣ်အတၫ်ထုးထီၣ်ဘိးဘၣ်ရၤလီၤအဖီခိၣ် ပနံာ်လၢကီၫ်ပယီၤတီၣ်သွီနုာ်တဖၣ် ကထၢ၀ဲအခိ ၄၀ မျးကယၤ၀ံၤ ကီၫ်ကၠီၣ်တဲၣ်ပနံာ်တခီ ကထၢ၀ဲ ၃၆ မျးကယၤအဂ့ၫ် တၫ်သ့ၣ်ညါဘၣ်လီၤ. ကီၫ်ခိၣ်ထရၢးန့ၣ် ထံကီၫ်တဖၣ်အံၤမ့ၫ်ခီၣ်ဆၢထၢအါထီၣ်ကဒါက့ၤတၫ်ခိတၫ်သွဲန့ၣ် တၫ်မၤအါထီၣ်အပှ့ၤကလံၤ၀ဲန့ၣ် တၫ်ကက့ၤပာ်ဖှိၣ်ထၢဃုာ်အီၤလၢ ခိသွဲလၢအမဲရကၤကထၢ၀ဲအဖီခိၣ်အဂ့ၫ်စ့ၫ်ကီး တဲဟ့ၣ်ပလီၫ်၀ဲလီၤ.

လါယူၤလံ(၉)သီ, ၂၀၂၅နံၣ် ကၠီၣ်တဲၣ်-ကီၢ်သူလ့ၤကီၢ်ဆၢ KNUပၢဆှၢဃၥ် ထံခံကီၢ်ဆၢတၢ်ကူလဲၢ်မၤကၤတၢ်သမံသမိးတြဲၤအံၤ တၢ်ကစီၣ်တဖၣ်ဟးထီၣ်လၢ ကၠီၣ်တဲၣ်တပၤကက့ၤအိးထီၣ်၀ဲ၀ံၤဒီး ကတီၢ်ခဲအံၤန့ၣ် လီၢ်က၀ီၤအပူၤ တၢ်ဟ့ၣ်ဃၥ် တၢ်ပျဲလၢတၢ်ကူလဲၢ်မၤကၤပနံၥ်တၢ်ဖိတၢ်လံၤအဂီၢ်အဂ့ၢ် တၢ်သ့ၣ်ညါဘၣ်န့ၣ်လီၤ. ထံခံတၢ်ကူလဲၢ်မၤကၤသုးကလၢၤန့ၣ် အိၣ်စဲဘူးလိၥ်သးဒီး ကၠီၣ်တဲၣ်တပၤ ဖူနၣ်ပရွၣ်သ၀ီ၀ံၤ သုးကီၣ်ကးအသုးကလၢၤလၢအိၣ်ဖဲလၢထံခံဟီၣ်က၀ီၤအပူၤတဖၣ် (KNU/KNLA)ဒီးကမျၢၢ်တၢ်ဒီသဒၢသုး(PDF) တဖၣ် ထီၣ်ဒုးမၤန့ၢ်ဃၥ်၀ဲဖဲ လါမ့ၤ(၉)သီအနံၤန့ၣ်လီၤ. ဟီၣ်က၀ီၤဟဲအိၣ်ဂၢၤကျၢၤထီၣ်လံအဃိကအိးထီၣ်က့ၤကီၢ်ဆၢတၢ်ကူလဲၢ်မၤတြဲၤအဂီၢ်ဖဲအပူၤကွံၥ်လါယူၤ(၂၅)သီအနံၤန့ၣ်ကၠီၣ်တဲၣ်ပှၤဘၣ်မူဘၣ်ဒါတဖၣ်တၢၣ်ပီၣ်တဲသကိးတၢ်၀ံၤအလီၢ်ခံစးထီၣ်လၢတလါအံၤလါယူၤလံ(၅)သီအနံၤန့ၣ် တၢ်ကစးထီၣ်ပျဲ

လါယူၤလံ(၉)သီ, ၂၀၂၅နံၣ် AAPPအလါယူၤလံ(၇)သီအတၢ်ထုးထီၣ်ပၥ်ဖျါအဖီခိၣ် ကီၢ်ပယီၤဒီတဘ့ၣ်အပူၤသုးဟံးန့ၢ်ဆူၣ်ထံကီၢ်တၢ်စိတၢ်ကမီၤ(၁၆၁၈)သီအတီၢ်ပူၤ ခီဖျိသုးကီၣ်ကးအသုးမၤသံမၤ၀ီတၢ်တဖၣ်အဃိ ထံဖိကီၢ်ဖိကမျၢၢ်ဘၣ်သံ၀ဲအိၣ်ထီၣ်တုၤ(၆၈၇၁)ဂၤအဂ့ၢ် တၢ်သ့ၣ်ညါဘၣ်န့ၣ်လီၤ. ပှၤလၢဘၣ်တၢ်ဖီၣ်န့ၢ်ဆူၣ်အီၤတဖၣ်တခီ အိၣ်ထီၣ်တုၤ(၂၉၃၇၀)ဂၤလံဒီး ဖဲန့ၣ်အကျါ ပှၤ(၇၁၇၇)ဂၤတခီ ဘၣ်တၢ်ပျၢ်ကဒါက့ၤအီၤလံန့ၣ်လီၤ. ခီဖျိသုးကီၣ်ကးအသုး အတၢ်မၤသံမၤ၀ီတဖၣ်အဃိ တၢ်သံတၢ်ပှၢ်အအါကတၢၢ်န့ၣ် အိၣ်ထီၣ်၀ဲဒၣ်ဖဲ၀့ၢ်တကူၣ်န့ၣ်လီၤ. မ့မ့ၢ်လၢ တလၢၤကီၢ်စဲၣ်ပူၤတခီ ပှၤဘၣ်သံ(၇၂)ဂၤဒီး ပှၤလၢဘၣ်တၢ်ဖီၣ်အီၤတခီအိၣ်ထီၣ်တုၤ (၈၀၀)ဘျဲၣ်လံန့ၣ်ဒီး ဖဲအပူၤကွံၥ်စှၤသီအတီၢ်ပူၤန့ၣ် ပှၤ(၂၀၀)ဘျဲၣ်

လါယူၤလံ(၈)သီ,၂၀၂၅နံၣ် ဘ့ကလါပီၣ်လဲၣ်ပူၤ ကလံၤတၫ်ဆီၣ်သနံးလၢအဂံၫ်စၫ်ဒီးမိးသိၣ်ကလံၤအဂံၫ်ဆူၣ်ဒိၣ်မးအဃိ ကီၫ်ပယီၤပူၤ တၫ်စူၤကဒိၣ်ကဒီးတၫ်ဟ့ၣ်ပလီၫ်န့ၣ် ဒီကလုာ်ဃူဖိးပဒိၣ်,ပှၤတ၀ၢတၫ်ဆီၣ်ထွဲမၤစၢၤဒီး တၫ်ပၢဆှၢရဲၣ်ကျဲၤန့ဆၢၣ်တၫ်လီၤဘၣ်ယိၣ်ကိတိာ်၀ဲၤကျိၤ MOHADM ထုးထီၣ်ဟ့ၣ်ပလီၫ်ကဒီး၀ဲလီၤ. ကီၫ်ပယီၤတၫ်လီၫ်သကုၤအပူၤ မူခိၣ်စူၤသ့ဒီးစကဲကီၫ်ခီအဆၢခိၣ်,၀့ၫ်တကူၣ်ကီၫ်ခီ,ပကိကီၫ်ခီ,အ့ၣ်ယၣ်၀တံၣ်ကီၫ်ခီ ,ကခၠ့ၣ်ကီၫ်စဲၣ်,ယိၤဒိၣ်ကီၫ်စဲၣ်,ရၢၫ်ခၢၣ်ကီၫ်စဲၣ်,ကညီကီၫ်စဲၣ်,တလၢၤကီၫ်စဲၣ်တဖၣ်အပူၤ တၫ်စူၤပူၤတီၤပူၤတီၤသ့အဂ့ၫ် ထုးထီၣ်ဟ့ၣ်ပလီၫ်၀ဲလီၤ. ကတီၫ်အံၤ ဟီၣ်က၀ီၤလၢထးတဖၣ်အပူၤ မူခိၣ်စူၤဒိၣ်၀ံၤလါယူၤလံအဆိကတၢၫ်နွံအပူၤစ့ၫ်ကီးမူခိၣ်စူၤဒိၣ်အဃိ လီၫ်က၀ီၤတနီၤ တူၫ်ဘၣ်ထံအတၫ်မၤဘၣ်ဒိန့ၣ်လီၤ.ပကိကီၫ်ခီဒီးရၢၫ်ခၢၫ်ကီၫ်စဲၣ် ကီၫ်ဆၣ်တနီၤအပူၤ  ထံလုၫ်ဘၢတၫ်ကဲ ထီၣ်၀ံၤ အ့ၣ်ယၣ်၀တံၣ်ကီၫ်ခီပူၤ