လါယူၤလံ(၉)သီ,၂၀၂၅နံၣ်
အမဲရကၤကီၫ်ခိၣ်ဒီၣ်နၢၣ်ထရၢန့ၣ် တၫ်ကူၣ်လဲၫ်မၤကၤသကိးဃုာ်တၫ်ဒီးထံကီၫ်တဖၣ်အဖီခိၣ် တၫ်ကထၢအါထီၣ်ခိသွဲ တၫ်ရဲၣ်တၫ်ကျဲၤအသီပူၤ ကီၫ်ပယီၤဒီးကီၫ်ကၠီၣ်တဲၣ်စ့ၫ်ကီး ပာ်ဃုာ်၀ဲန့ၣ်လီၤ.
အမဲရကၤပဒိၣ်အတၫ်ထုးထီၣ်ဘိးဘၣ်ရၤလီၤအဖီခိၣ် ပနံာ်လၢကီၫ်ပယီၤတီၣ်သွီနုာ်တဖၣ် ကထၢ၀ဲအခိ ၄၀ မျးကယၤ၀ံၤ ကီၫ်ကၠီၣ်တဲၣ်ပနံာ်တခီ ကထၢ၀ဲ ၃၆ မျးကယၤအဂ့ၫ် တၫ်သ့ၣ်ညါဘၣ်လီၤ.
ကီၫ်ခိၣ်ထရၢးန့ၣ် ထံကီၫ်တဖၣ်အံၤမ့ၫ်ခီၣ်ဆၢထၢအါထီၣ်ကဒါက့ၤတၫ်ခိတၫ်သွဲန့ၣ် တၫ်မၤအါထီၣ်အပှ့ၤကလံၤ၀ဲန့ၣ် တၫ်ကက့ၤပာ်ဖှိၣ်ထၢဃုာ်အီၤလၢ ခိသွဲလၢအမဲရကၤကထၢ၀ဲအဖီခိၣ်အဂ့ၫ်စ့ၫ်ကီး တဲဟ့ၣ်ပလီၫ်၀ဲလီၤ.
အမဲရကၤဒီးကီၫ်ပယီၤတၫ်ရ့လိာ်ဘၣ်ထွဲန့ၣ် ဖဲ၂၀၂၁နံၣ် သုးကီၣ်ကးဟံးန့ၫ်ထံကီၫ်တၫ်စိတၫ်ကမီၤ၀ံၤအလီၫ်ခံဖ့ၣ်ဆၢထီၣ်၀ဲလီၤ.ထံကီၫ်ခံဘ့ၣ်အံၤ တမ့ၫ်ထံကီၫ်လၢကူၣ်လဲၫ်မၤကၤသကိးဃုာ်တၫ်ဘၣ်.၂၀၂၄နံၣ်အပူၤ အမဲရကၤ အတၫ်တီၣ်သွီနုာ်ပနံာ်ဆူကီၫ်ပယီၤပူၤအိၣ်ဒၣ်ထဲ အမဲရကၤဒီၣ်လၣ် ၆၅၆ ကကွဲၫ်လီၤအဂ့ၫ် တၫ်သ့ၣ်ညါဘၣ်လီၤ.
အနဲရကၤကီၫ်စၢဖှိၣ်န့ၣ် ပနံာ်လၢကၠီၣ်တဲၣ်တီၣ်သွီနုာ်၀ဲခဲလၢာ်အဖီခိၣ် ကထၢ၀ဲ ၃၆မျးကယၤအဃိ တၫ်ဘၣ်ယိၣ်အိၣ် ထီၣ်၀ဲလၢ ကီၫ်ကၠီၣ်တဲၣ် စဲးဖီကဟၣ်တၫ်ဖံးတၫ်မၤဒီးတၫ်တီၣ်သွီနုာ်ပနံာ်အဖီခိၣ်န့ၣ်လီၤ.တၫ်အိၣ်သးအံၤ မၤအၢထီၣ် လၢကတီၫ်အံၤ ကီၫ်ကၠီၣ်တဲၣ် အတၫ်ကွၫ်ဆၢၣ်မဲာ်ဘၣ် ထံရူၫ်ကီၫ်သဲးတၫ်တဂၢၫ်တကျၢၤဒီး မုာ်ကျိၤ၀ဲၤကွာ်တၫ်လီၤဆံး လီၤစှၤတဖၣ်လီၤ.
Ref : Bangkokpost , Nation Thailand
