လါယူၤလံ(၈)သီ,၂၀၂၅နံၣ်
ဘ့ကလါပီၣ်လဲၣ်ပူၤ ကလံၤတၫ်ဆီၣ်သနံးလၢအဂံၫ်စၫ်ဒီးမိးသိၣ်ကလံၤအဂံၫ်ဆူၣ်ဒိၣ်မးအဃိ ကီၫ်ပယီၤပူၤ တၫ်စူၤကဒိၣ်ကဒီးတၫ်ဟ့ၣ်ပလီၫ်န့ၣ် ဒီကလုာ်ဃူဖိးပဒိၣ်,ပှၤတ၀ၢတၫ်ဆီၣ်ထွဲမၤစၢၤဒီး တၫ်ပၢဆှၢရဲၣ်ကျဲၤန့ဆၢၣ်တၫ်လီၤဘၣ်ယိၣ်ကိတိာ်၀ဲၤကျိၤ MOHADM ထုးထီၣ်ဟ့ၣ်ပလီၫ်ကဒီး၀ဲလီၤ.
ကီၫ်ပယီၤတၫ်လီၫ်သကုၤအပူၤ မူခိၣ်စူၤသ့ဒီးစကဲကီၫ်ခီအဆၢခိၣ်,၀့ၫ်တကူၣ်ကီၫ်ခီ,ပကိကီၫ်ခီ,အ့ၣ်ယၣ်၀တံၣ်ကီၫ်ခီ ,ကခၠ့ၣ်ကီၫ်စဲၣ်,ယိၤဒိၣ်ကီၫ်စဲၣ်,ရၢၫ်ခၢၣ်ကီၫ်စဲၣ်,ကညီကီၫ်စဲၣ်,တလၢၤကီၫ်စဲၣ်တဖၣ်အပူၤ တၫ်စူၤပူၤတီၤပူၤတီၤသ့အဂ့ၫ် ထုးထီၣ်ဟ့ၣ်ပလီၫ်၀ဲလီၤ.
ကတီၫ်အံၤ ဟီၣ်က၀ီၤလၢထးတဖၣ်အပူၤ မူခိၣ်စူၤဒိၣ်၀ံၤလါယူၤလံအဆိကတၢၫ်နွံအပူၤစ့ၫ်ကီးမူခိၣ်စူၤဒိၣ်အဃိ လီၫ်က၀ီၤတနီၤ တူၫ်ဘၣ်ထံအတၫ်မၤဘၣ်ဒိန့ၣ်လီၤ.ပကိကီၫ်ခီဒီးရၢၫ်ခၢၫ်ကီၫ်စဲၣ် ကီၫ်ဆၣ်တနီၤအပူၤ ထံလုၫ်ဘၢတၫ်ကဲ ထီၣ်၀ံၤ အ့ၣ်ယၣ်၀တံၣ်ကီၫ်ခီပူၤ ကီၫ်ဆၣ်လၢအိၣ်ဖဲထံကျိကပၤတဖၣ်အပူၤ ထံကျိကၢၫ်လာ်ကဲထီၣ်၀ဲလီၤ.
ကတီၫ်အံၤ ပာ်ဃုာ်ဒီးမူခိၣ်စူၤထံဖးဒိၣ်တၫ်ကစူၤ၀ဲအသိး,ကလံၤအူ,တၫ်စူၤဒိၣ် လၢတၫ်လီၫ်ပူၤတီၤပူၤတီၤအပူၤ,လီ၀ၫ်ဒံးဟဲ,လီဖျး,မူခိၣ်စူၤထံဖျၢၣ်ဖိတဖၣ်လီၤတဲာ်,ထံဒိၣ်ထီၣ်သတူာ်ကလာ်,ကၢၫ်လာ်ဒီးဟီၣ်ခိၣ်လာ် တၫ်လီၤဘၣ်ယိၣ် တဖၣ်ကဲထီၣ်သ့အဂ့ၫ် ဟ့ၣ်ပလီၫ်ဃာ်၀ဲလီၤ.
ဖဲတၫ်စူၤဒိၣ်အကတီၫ်,အ့ၣ်ယၣ်၀တံၣ်ကီၫ်ခီ,ခၠ့တွ့,စံးတီ,ပကိထံကျိစ့ၫ်ကီး ထံကျိထံဒိၣ်ထီၣ်အဃိ တၫ်ဟ့ၣ်ပလီၫ်လၢ ထံကျိထံကဒိၣ်၀ဲန့ၣ်MOHADMထုးထီၣ်ဟ့ၣ်ပလီၫ်၀ဲလီၤ.
ဖဲလါယူၤလံၤအဆိကတၢၫ်တနွံ ထံတၫ်မၤဘၣ်ဒိဘၣ်ထံးတၫ်အပူၤ ကီၫ်ဆၢ၀့ၫ်လီးကဲၣ်လၢအိၣ်ဘူးဒီးတရူးကီၫ်ဆၢ ပှၤလီၫ်က၀ီၤဖိဘၣ်သံ(၄)ဂၤန့ၣ်လီၤ.
အပူၤကွံာ်လါယူၤလၢာ်န့ၣ်ကခၠ့ၣ်ကီၫ်စဲၣ်,စကဲကီၫ်ခီ,ရၢၫ်ခၢၫ်ကီၫ်စဲၣ်တဖၣ်အပူၤမူခိၣ်စူၤဒိၣ်၀ဲလီၤ.လါမ့ၤအလီၫ်ခံကတၢၫ်တနွံအပူၤစ့ၫ်ကီးကလံၤမုၫ်လၢနုာ်လီၤအူ၀ဲကီၫ်ဘ့ကလါဒ့းရှ်န့ၣ် ဖဲခီဂာ် ပယီၤ-အ့ဒံယါကီၫ်ဆၢအကတီၫ် ကခၠ့ၣ်ကီၫ်စဲၣ်ပူၤ မူခိၣ်စူၤဒိၣ်၀ံၤ ၀့ၫ်မၠံးကၠံနါ,၀့ၫ်၀ဲမီၣ်,၀့ၫ်ဆိၣ်ပရၣ်ဘိၣ်,၀့ၫ်ခၠံၣ်ဖွ့ၣ်,၀့ၫ်ပူၣ်တၣ်အိၣ်,စကဲကီၫ်ခီပူၤ တုၤ နၣ်ကးဟီၣ်က ၀ီၤတဖၣ်အပူၤ ကွၫ်ဆၢၣ်မဲာ်ဘၣ် ထံလုၫ်ဘၢတၫ်ဒီးဟီၣ်ခိၣ်လာ်တဖၣ်န့ၣ်လီၤ.ရၢၫ်ခၢၫ်ကီၫ်စဲၣ်ပူၤစ့ၫ်ကီး မူခိၣ်စူၤဖးဒိၣ်၀ံၤ ကၠီးတီၣ်,မၠီးအူ,သၣ်တွဲ,အါဒီး၀့ၫ်တီၣ်ကိးတဖၣ်အပူၤ ထံလုၫ်ဘၢတၫ်ကဲထီၣ်တ့ၫ်၀ဲလီၤ.တၫ်န့ၣ်အဃိ ကွၫ်ဆၢၣ်မဲာ်ဘၣ် ထံလုၫ်ဘၢတၫ် လၢမူခိၣ်စူၤကတီၫ် လါသၢလါတပယူာ်ဃီအပူၤန့ၣ်လီၤ.
ref: people spring
