လါယူၤလံ(၁၀)သီ, ၂၀၂၅နံၣ်
ကီၢ်ကရ့ၣ်တၢ်ပၢဆှၢဟီၣ်က၀ီၤအပူၤ စးထီၣ်လၢ၂၀၂၅နံၣ်စးထီၣ်သီဒီးတုၤခဲအံၤ(၇)လါအတီၢ်ပူၤ ခီဖျိသုးကီၣ်ကးအသုး မၤကလံၤကျါတၢ်ဒုးပၣ်ဃုၥ် ဒိးမ့ၢ်ပိၣ်, ခးကျိဖးဒိၣ်တဖၣ်အဃိ လီၢ်က၀ီၤကမျၢၢ်ခဲလၢၥ်ပၥ်ဖှိၣ် (၆၂)ဂၤသံ၀ဲဒီး (၂၀၈)ဂၤဘၣ်ဒိ၀ဲအဂ့ၢ် IECအလါယူလံၤ(၉)သီအနံၤ အလံၥ်ဘိးဘၣ်ရၤလီၤအပူၤ ပၥ်ဖျါဃၥ်၀ဲန့ၣ်လီၤ.
ခီဖျိလၢ သုးကီၣ်ကးအသုး မၤကလံၤကျါတၢ်ဒုးအဃိ ကမျၢၢ်ဘၣ်သံ၀ဲ(၃၃)ဂၤဒီးဘၣ်ဒိ၀ဲ(၉၄)ဂၤ, ယီၢ်ဘၣ်မ့ၣ်ပိၢ်, ခးကျိဖးဒိၣ်, တ့ၢ်လီၤမ့ၣ်ပိၢ်လၢဒြိတဖၣ်ပၣ်ဃုၥ် သုးကီၣ်ကးအပှၤသုးဖိခးသံတၢ်အဃိ ဘၣ်သံ၀ဲ(၂၉)ဂၤဒီး ဘၣ်ဒိ၀ဲ(၁၁၄)ဂၤအဂ့ၢ် တၢ်သ့ၣ်ညါဘၣ်လၢ IECအလံၥ်ပၥ်ဖျါအဖီခိၣ်န့ၣ်လီၤ.
ပှၤသံတဖၣ်အကျါ ပိၥ်ခွါ(၄၉)ဂၤ, ပိၥ်မုၣ်(၂၂)ဂၤ, ဖိသၣ်ဒီးပှၤ(၇)ဂၤလၢ တၢ်တသ့ၣ်ညါအဂ့ၢ်အကျိၤပၣ်ဃုၥ်၀ံၤ မ့မ့ၢ်လၢပှၤဘၣ်ဒိတဖၣ်တခီပိၥ်ခွါ(၁၆)ဂၤ,ပိၥ်မုၣ်(၁၀)ဂၤ,ဖိသၣ်(၁၃)ဂၤဒီးပှၤ(၅၅)ဂၤလၢတၢ်တသ့ၣ်ညါတၢ်ဂ့ၢ်တၢ်ကျိၤတဖၣ် ပၣ်ဃုၥ်၀ဲစ့ၢ်ကီးန့ၣ်လီၤ.
ယီၢ်ဘၣ်မ့ၣ်ပိၢ်, ခးကျိဖးဒိၣ်, တ့ၢ်လီၤမ့ၣ်ပိၢ်လၢဒြိတဖၣ်ပၣ်ဃုၥ် ခီဖျိသုးကီၣ်ကးအသုး ခးသံတၢ်တဖၣ်အဃိ ပှၤဘၣ်သံ၀ဲ(၂၉)ဂၤဒီးဘၣ်ဒိ၀ဲ(၁၁၄)ဂၤန့ၣ်လီၤ. ပှၤသံတဖၣ်
ကီၢ်ကရ့ၣ်နံၣ်အပူၤ သုးကီၣ်ကးအသုးတဖၣ် ပညိၣ်ဒုးကမျၢၢ်ဒ်တၢ်ခးပနီၣ်အသိး၀ံၤမၤကမၣ်သုးကွီၢ်မ့ၣ်တဖၣ် တကးဘၣ် ဒွဲၣ်အူမၤဟးဂီၤကွံၥ်ကမျၢၢ်ဟံၣ်ဃီတဖၣ်, ဒီၣ်တဲၥ်ကွံၥ်တၢ်အီၣ်တၢ်အီ, ကမျၢၢ်အိၣ်တၢ်လီၢ်တဖၣ်အပူၤ မၤ၀ဲဒုးယၤရဲၣ်ကျဲၤတဖၣ်အဂ့ၢ် ကီၢ်ကရ့ၣ်နံၣ်တၢ်ဘၢၣ်စၢၤပၢပြးကီၣ်ကး(IEC)အလံၥ်ဘိးဘၣ်ရၤလီၤအပူၤ ပၥ်ဖျါဃၥ်၀ဲန့ၣ်လီၤ.
ဒ်သိးသုးကီၣ်ကးအသုးလၢမၤကမၣ်သုးကွီၢ်မ့ၣ်တဖၣ်အဖီခိၣ်ဟီၣ်ခီၣ်ထံကီၢ်တဖၣ်တခီဒ်သိးတၢ်ကဟံးန့ၢ်အရ့တုၤလီၤတီၤလီၤအဂီၢ်ဒီးလီၢ်က၀ီၤကမျၢၢ်တဖၣ်အဂီၢ်တၢ်ကပၥ်ပနီၣ်န့ၢ်ဒုးယၤကဲထီၣ်တသ့တၢ်လီၢ်တဖၣ်အဂီၢ် ဃ့ထီၣ်ဃၥ်၀ဲလၢ အလံၥ်ပၥ်ဖျါအပူၤန့ၣ်လီၤ.
လၢန့ၣ်အမဲၥ်ညါ တၢ်ကဒီသဒၢန့ၢ်တၢ်ဟဲပညိၣ်ဒုးပှၤလီၢ်အိၣ်ကမှံဖိဒဲက၀ီၤတဖၣ်,တၢ်ဘူၣ်တၢ်ဘါတၢ်သူၣ်ထီၣ်တဖၣ်ဒီး တၢ်သိၣ်လိကၠိတဖၣ်လၢကလံၤကျါအဂီၢ်တၢ်ကဒီၣ်တဲၥ်ကွံၥ်သုးကီၣ်ကးကဘီယူၤသိအကျိၤတဖၣ်အဂီၢ်ကီၢ်ကရ့ၣ်နံၣ်တၢ်ဘၢၣ်စၢၤပၢပြးကီၣ်ကး(IEC) ဃ့ထီၣ်ဃၥ်၀ဲန့ၣ်လီၤ.
