လါယူၤလံ(၁၄)သီ,၂၀၂၅နံၣ် ပကိကီၫ်ခီ,ယ့ၣ်တၣ်ရှ့ၣ်ကီၫ်ဆၣ်အပူၤ မူခိၣ်စူၤဖးဒိၣ်၀ံၤ သဲခၠီကစၢၫ်ထံအဃိ ပှၤအိၣ်ဟံၣ်(၃၀)ဖျၢၣ်ဘျဲၣ် ဘၣ်လီၤထွံလၢထံကျါ၀ံၤပှၤ(၁၂၅)ဂၤဘၣ်ကဲထီၣ်ပှၤလီၫ်အိၣ်ကမှံဖိတဖၣ်အဂ့ၫ် တၫ်သ့ၣ်ညါဘၣ်လၢ လီၫ်က၀ီၤပှၤမၤပူၤဖျဲးထီၣ်တၫ်တဖၣ်အအိၣ်န့ၣ်လီၤ. ပှၤမၤ၀ဲတၫ်မၤပူၤဖျဲးထီၣ်တၫ်ဖံးတၫ်မၤတဂၤတဲ၀ဲလၢ”ဟံၣ်လီၤထွံအိၣ်၀ဲ(၃၂)ဖျၢၣ်.တၫ်သုးန့ၫ်ဃာ်အလီၫ်အကျဲန့ၣ် အိၣ်၀ဲဟံၣ်ဒူၣ်(၃၄)ဒူၣ်,ပှၤကဲထီၣ်ပှၤလီၫ်အိၣ်ကမှံအနီၫ်ဂံၫ်အိၣ်၀ဲ(၁၂၅)ဂၤ,ထံဟဲအါထီၣ်လီၤ.လၢအဖီခိၣ်တခီ ငးလဲးတမၢၣ်,ဆ့ၣ်သ့ၣ်တမၢၣ်,အခဲအံၤထံအါထီၣ်ဒီးကလဲးတမၢၣ်စ့ၫ်ကီးဟူးဂဲၤထီၣ်ကယီကယီလီၤ.ဟဲထီၣ်တလၢကၢၫ်ပၤနံၤလီၤ.မူခိၣ်မ့ၫ်စူၤအါထီၣ်န့ၣ် တၫ်အိၣ်သးအိၣ်လၢတၫ်ဘၣ်ယိၣ်ဘၣ်ဘှီအပူၤလီၤ. မါတလ့ကီၫ်ခီ,မကွ့ကီၫ်ခီ,စကဲကီၫ်ခီအဆၢလာ်ဒီးကရ့ၣ်နံၣ်ကီၫ်စဲၣ်တဖၣ်အပူၤ မူခိၣ်ကစူၤလၢတၫ်လီၫ်သကုၤအပူၤဒီးကီၫ်ခီဒီးကီၫ်စဲၣ်လၢအိၣ်တ့ၫ်တဖၣ်အပူၤ မူခိၣ်စူၤပူၤတီၤပူၤတီၤသ့၀ံၤ န့ၣ်ပၠံၣ်တီၣ်,စကဲကီၫ်ခီအဆၢခိၣ်,အ့ၣ်ယၣ်၀တံၣ်ကီၫ်ခီ,တနီသရံၣ်ကီၫ်ခီ,ကညီကီၫ်စဲၣ်,တလၢၤကီၫ်စဲၣ်ဒီးရၢၫ်ခၢၣ်ကီၫ်စဲၣ်တဖၣ်အပူၤ တၫ်လီၫ်တနီၤမူခိၣ်စူၤဒိၣ်သ့၀ဲအဂ့ၫ် ပယီၤမူခိၣ်ကလံၤသီၣ်ဂီၤ၀ဲၤကျိၤ ထုးထီၣ်ဘိးဘၣ်ရၤလီၤဃာ်၀ဲလီၤ. လၢကဟဲ(၂)သီအတီၫ်ပူၤ ပျ့ၣ်လိာ်ထံကျိထံန့ၣ် မ့ၫ်၀့ၫ်ညီၣ်အူအထံတၫ်လီၤဘၣ်ယိၣ်တၫ်ပာ်ပနီၣ်,ပရဲလိာ်ကျိန့ၣ် ၀့ၫ်မ့က့အထံတၫ်လီၤဘၣ်ယိၣ်တၫ်ပာ်ပနီၣ်ဒီး

လါယူၤလံ(၁၄)သီ, ၂၀၂၅နံၣ် တၢ်ပညိၣ်၀ဲ ကလံၤစိးကီၢ်ခိရံယါဒီးတၢ်သုတဒုးအိၣ်ထီၣ် တၢ်ဘံၣ်တၢ်ဘၢသိၣ်မှံကရၢအဂီၢ် ကီၢ်ရှၢးရှါထံဂုၤကီၢ်ရၤကိတိၥ် ဆၣ်ကၠံၣ်လၣ်ရီး ဟ့ၣ်ပလီၢ်၀ဲအမဲရကၤ, ကလံၤထံးကီၢ်ခိရံယါဒီး ကီၢ်ယပၣ်တဖၣ် ဖဲလါယူၤလံ(၁၂)သီအနံၤန့ၣ်လီၤ. ကီၢ်ရှၢးရှါထံဂုၤကီၢ်ရၤကိတိၥ် ဆၣ်ကၠံၣ်လၣ်ရီးန့ၣ် ဒ်သိးကထံၣ်လိၥ်တဲသကိးတၢ်ဒီးကလံၤစိးကီၢ်ခိရံယါထံဂုၤကီၢ်ဂၤ ကိတိၥ် ခၠိၣ်ဆိၣ်ဟွံၣ်အဂီၢ် လဲၤ၀ဲဆူ ကလံၤစိးကီၢ်ခိရံယါမုၢ်ထီၣ် ၀့ၢ်၀ၣ်ဆၣ် ဖဲလါယူၤလံ(၁၁)သီအနံၤန့ၣ်လီၤ. အမဲရကၤ,ကလံၤထံးကီၢ်ခိရံယါဒီးကီၢ်ယပၣ်တဖၣ်န့ၣ်ဒုးအိၣ်ထီၣ်၀ဲသုးဂ့ၢ်၀ီဂံၢ်ဘါတဖၣ်ဖဲကလံၤစိးခိရံယါထံကီၢ်တၢ်ပၢအခိၣ်အဃၢၤအဂ့ၢ် ဖဲတၢ်ထံၣ်လိၥ်တဲသကိးတၢ်၀ံၤအလီၢ်ခံန့ၣ် ပဲၥ်အၢပဲၥ်သီလီၤ၀ဲန့ၣ်လီၤ.

လါယူၤလံ(၁၁)သီ,၂၀၂၅နံၣ် ပညိၣ်၀ဲလၢကဒီသဒၢ တရူးအတၫ်နုာ်လီၤဒုးန့ၫ်ဆူၣ်အဂီၫ် ကိးမုၫ်နံၣ်ဒဲး တၫ်ဂဲၤလိသုးတဖၣ် ထဲၣ်၀ၣ်စးထီၣ်ဂဲၤလိ၀ဲ၀ံၤ လၢတနံၣ်အံၤ သုးတၫ်ဂဲၤလိန့ၣ် မ့ၫ်သုးတၫ်ဂဲၤလိလၢအယံာ်ကတၢၫ်အဂ့ၫ် တၫ်ဒီသဒၢကိတိာ်၀ဲၤကျိၤ တဲ၀ဲလီၤ. သုးတၫ်ဂဲၤလိန့ၣ် တၫ်စးထီၣ်မၤ၀ဲ ဖဲလါယူၤလံ(၉)သီနံၤ၀ံၤ ကယံာ်(၁၀)သီဒီ အါန့ၫ်ဒံးအပူၤကွံာ်နံၣ်(၅)သီညါန့ၣ်လီၤ. သုးတၫ်ဂဲၤလိအပူၤ ပတြီာ်သုးဖိ ပာ်ဃုာ် ၂၀၀၀၀ဂၤဘျဲၣ်ဒီးအဆိကတၢၫ်တသီန့ၣ် ပတြီာ်သုးဖိတဖၣ် တၫ်ဂဲၤလိအ၀ဲသ့ၣ် ဒုးယၤတၫ်မၤလိတဖၣ်လီၤ.

လါယူၤလံ(၁၁)သီ,၂၀၂၅နံၣ် ကၠီၣ်တဲၣ်-ပယီၤကီၫ်ဆၢ တၫ်ထီၣ်ဒုးသုးကီၣ်ကးအသုးကလၢၤတဖၣ်အဃိ ကမျၢၫ်၃၀၀၀ဂၤလၢ ဟဲဃ့ၫ်အိၣ်ကဒုတဖၣ် လိၣ်ဘၣ်ပှၤတ၀ၢတၫ်မၤစၢၤတဖၣ်အဂ့ၫ် ကညီကမျၢၫ်တၫ်ကရၢကကရိတဖၣ် တဲ၀ဲလီၤ. ကညီကီၫ်စဲၣ်,၀့ၫ်ရၤမတံကလံၤထံး သုးကီၣ်ကးအအူကရ့ၣ်ထၣ်သုးကလၢၤဒီး၀ီၫ်လ့ၤတၫ်တိာ်ကူၣ်ကျဲၤသုးကလၢၤတဖၣ် တၫ်က၀ီၤတံာ်ဃာ်၀ဲ၀ံၤ ဖဲလါယူၤလံ(၃)နံၤန့ၣ် တၫ်စးထီၣ်ဒုး၀ဲလၢဒြိအဃိ သုးကီၣ်ကးခးစၢၤ၀ဲလၢကဘီယူၤလီၤ. လၢကတီၫ်အံၤတၫ်ဒုးတဖၣ်ဆူၣ်ထီၣ်အဃိ အူကရ့ၣ်ထၣ်,၀ီၫ်လ့ၤမၠဲၣ်ဒူသ၀ီ ကမျၢၫ်၃၀၀၀ဂၤဘျဲၣ် ဘၣ်လဲၤဃ့ၫ်အိၣ်ကဒုလၢ သူမွဲကျိ၀ၫ်လၢဘူးဒီးကၠီၣ်တဲၣ်န့ၣ်လီၤ.တၫ်န့ၣ်အဃိ ပှၤလီၫ်အိၣ်ကမှံဖိတဖၣ် ကွၫ်ဆၢၣ်မဲာ်ဘၣ်တၫ်အိၣ်ဆိးအီၣ်အီအဂီၫ် တၫ်ဂ့ၫ်ကီတဖၣ်န့ၣ်လီၤ. ကညီပိာ်မုၣ်ကရၢ(KWO)နဲၣ်ရွဲၣ်ခိၣ်ကျၢၫ်(၂)နီၫ်အဲၣ်တဖှံဖီ

လါယူၤလံ(၁၁)သီ,၂၀၂၅နံၣ် သုးဟံးန့ၢ်ဆူၣ်ထံကီၢ်တၢ်စိတၢ်ကမီၤ သုးကီၣ်ကးအသုး လဲၤတ့ၢ်လီၤမ့ၣ်ပိၢ် ဖဲကီၢ်ကရ့ၣ်နံၣ်, ဖၣ်ဆီကီၢ်ဆၣ်, မိၤခံလီၢ်က၀ီၤ,လီၢ်လိၣ်ထံသ၀ီပူၤအဃိဟံၣ်ဖိဃီဖိ(၅)ဂၤဘၣ်သံ၀ဲအဂ့ၢ်ကီၢ်ကရ့ၣ်နံၣ်တၢ်ဘၢၣ်စၢၤပၢပြးကီၣ်ကး(IEC)နဲၣ်ရွဲၣ်သဃဲၤ(၂) သရၣ်ဘညါ စံး၀ဲန့ၣ်လီၤ. မဟါအနံၤလါယူၤလံ(၉)သီအနံၤန့ၣ် သုးကီၣ်ကးအသုး သူ၀ဲပီၣ်(၅၀၀)မ့ၣ်ပိၢ်ဒီးဟဲတ့ၢ်လီၤ၀ဲန့ၣ်လီၤ. ပှၤလၢသံ(၅)ဂၤန့ၣ် မ့ၢ်ဒၣ်ဟံၣ်ဖိဃီဖိတဒူၣ်ဃီအဂ့ၢ် စံး၀ဲန့ၣ်လီၤ. “တၢ်သ့ၣ်ညါဘၣ်အသိးန့ၣ် တဲ၀ဲလၢဟံၣ်ဖိဃီဖိတဒူၣ်ဧိၤလီၤ. တၢ်သ့ၣ်ညါဘၣ်၀ဲဒ်သိးအံၤ”အဂ့ၢ် သရၣ်ဘညါစံး၀ဲန့ၣ်လီၤ. ပှၤလၢသံဟံၣ်ဖိဃီဖိ(၅)ဂၤန့ၣ် မ့ၢ်ကွၢ်လၢသးနံၣ်တခီ သးနံၣ်(၃)နံၣ်အိၣ်ပိၥ်မုၣ်တဂၤ, သးနံၣ်(၈)နံၣ်အိၣ်ပိၥ်မုၣ်တဂၤ,

လါယူၤလံ(၁၁)သီ,၂၀၂၅ နံၣ် ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ, ကီၢ်သူလ့ၤတၢ်ပၢဟီၣ်ကဝီၤ, ဒူသထူၣ်ကီၢ်ရ့ၣ်အပူၤ သုးမီၤစိရိၤ ကဘီယူၤဒုးသုး ဟဲခးတ့ၢ်လီၤ ပီၢ်(၅၀၀) မ့ၢ်ပိၢ်(၂)ဖျၢၣ်အဃိ လီၤတဲၥ်ပိၢ်ဖးဘၣ်ဝဲ ဃီဖိပျဲၢ်သဝီတၢ်သိၣ်လိကၠိအဂ့ၢ် ခ့ၣ်အဲၣ်ယူၣ်-လီၢ်ခၢၣ်သးပၥ်ဖျါဃၥ်၀ဲတၢ်ကစီၣ်န့ၣ်လီၤ. ခီဖျိမ့ၢ်ပိၢ်လီၤတဲၥ်ပိၢ်ဖးအဃိ ဃီဖိပျဲၢ်သဝီ တၢ်သူၣ်ထီၣ်အသီ(၂)ဖျၢၣ်ဒီးကမျၢၢ်ဖိအဟံၣ်(၂)ဖျၢၣ် လီၤပှီၢ်ဟးဂီၤကွံၥ် လၢအပၥ်ဃုၥ်ဒီး ဆီ(၃)ဘ့ၣ်အဂ့ၢ် တၢ်သ့ၣ်ညါဘၣ်န့ၣ်လီၤ. သုးမီၤစိရိၤအံၤ ဖဲ ၂၀၂၄

လါယူၤ(၁၀)သီ,၂၀၂၅နံၣ် အမဲရကၤအတၫ်ထၢအါထီၣ်ခိသွဲန့ၣ် မလ့ရှါကိတိာ်ခိၣ်ကျၢၫ် အၣ်၀ၣ်အံၣ်ဘရၣ်ဟ့ၣ် ပာ်ဒ့ၣ်ပာ်ကမၣ်၀ဲလီၤ.အၣ်စံၣ်ယၣ်ဟီၣ်က၀ီၤပူၤ ထံကီၫ်တဖၣ်အထံဂုၤကီၫ်ဂၤကိတိာ်တဖၣ် လၢယံာ်(၃)သီ ဖဲမၤတၫ်အိၣ်ဖှိၣ်ဖဲကီၫ်မလ့ရှါ,ကွၣ်လၣ်လၣ်ပူၣ်အကတီၫ် အၣ်၀ၣ်အ့ၣ်ဘရၣ်ဟ့ၣ် ပာ်ဒ့ၣ်ပာ်ကမၣ်၀ဲလီၤ. ၅၈ ၀ီတ၀ီ အၣ်စံၣ်ယၣ်ထံဂုၤကီၫ်ဂၤကိတိာ်တဖၣ် တၫ်အိၣ်ဖှိၣ်န့ၣ် ဘၣ်တၫ်မၤ၀ဲ ဖဲလါယူၤလံ(၉)သီနံၤ တုၤလါယူၤလံ (၁၁)သီနံၤန့ၣ်လီၤ. တၫ်အိၣ်ဖှိၣ်အံၤအပူၤ အမဲရကၤအတၫ်မၤအါထီၣ်ခိသွဲတၫ်ဂ့ၫ်,ကၣ်စၣ်တၫ်အိၣ်သး,ဟီၣ်က၀ီၤပူၤထံကီၫ်လၢအမ့ၫ် ကီၫ်ပယီၤတၫ်ဃံးတၫ်စ့ၤတၫ်ဂ့ၫ်တဖၣ် ဖဲလါယူၤလံ(၉)သီနံၤန့ၣ် တၫ်ကစးထီၣ်တၢၣ်ပီၣ်တဲသကိး၀ဲလီၤ.