လါယူၤလံ(၈)သီ,၂၀၂၅နံၣ်
အမဲရကၤကီၫ်ခိၣ်ဒီနၢၣ်ထရၢးန့ၣ် ဘံၣ်လံၣ်ယၣ်နၣ်ပှၤကဲဒိၣ် အံၣ်လိၣ်မးအတၫ်ဒုးအိၣ်ထီၣ်ထံရူၫ်ကီၫ်သဲးပၣ်တံၣ်သီအဖီခိၣ် ပာ်ဒ့ၣ်ပာ်ကမၣ်၀ဲဆူၣ်ဆူၣ်ကလဲာ်န့ၣ်လီၤ.
“တၫ်ဒုးအိၣ်ထီၣ်ပၣ်တံၣ်သၢခါတခါန့ၣ် အခီပညီတအိၣ်ဘၣ်”အဂ့ၫ် ဒီနၢၣ်ထရၢးန့ၣ် ဖဲမုၫ်အိၣ်ဘှံးနံၤအနံၤန့ၣ် တဲဘၣ် ပှၤဟံးန့ၫ်တၫ်ကစီၣ်ဖိတဖၣ်လီၤ.”အမဲရကၤပူၤန့ၣ် ရံၣ်ပၣ်ပလံၣ်ကၣ်ဒီးဒံၣ်မိၣ်ကရဲးတံးပၣ်တံၣ် အိၣ်ပာ်စၢၤခံခါလံ. တၫ်ဆိမိၣ်ဒုးအိၣ်ထီၣ် ပၣ်တံၣ်သၢခါတခါန့ၣ် မ့ၫ်တၫ်လၢမၤဘံဘူဒိၣ်ထီၣ်တၫ်ဆခါလီၤအဂ့ၫ်”တဲ၀ဲလီၤ.
ပၣ်တံၣ်သီတခါလၢဟ့ၣ်ဃာ်၀ဲအမံၤဒ်(America Party)န့ၣ် ဒုးအိၣ်ထီၣ်၀ဲဒီးပၣ်တံၣ်၀ဲန့ၣ် ကပြၢတၫ်ဒီးရံၣ်ပၣ်ပလံၣ် ကၣ်ဒီးဒံၣ်မိၣ်ကရဲးတံးပၣ်တံၣ်ခံခါအဂ့ၫ် အံၣ်လိၣ်မးန့ၣ် တီၣ်ထီၣ်၀ဲဆူ Xဆိၣ်ရှၢၣ်မံၣ်ဒံၣ်ယၣ်အပူၤ၀ံၤအလီၫ်ခံ မ့ၫ်ကီၫ်ခိၣ်ထရၢးအတၫ်ခီၣ်ဆၢက့ၤ၀ဲဒ်န့ၣ်လီၤ.
ကီၫ်ခိၣ်ဒီၣ်နၢၣ်ထရၢးန့ၣ် ဖဲလါယူၤ(၄)သီအနံၤ ဆဲးလီၤစုမုၫ်ကျၢၫ်လၢတၫ်ဒီၣ်တဲာ်တၫ်ခိတၫ်သွဲဒီးတၫ်သူကျိာ်စ့တၫ်ဘျၢ ၀ံၤအလီၫ်ခံ အံၣ်လိၣ်မးထုးထီၣ်ပာ်ဖျါ၀ဲ ဒုးအိၣ်ထီၣ်ထံရူၫ်ကီၫ်သဲးပၣ်တံၣ်သီလံန့ၣ်လီၤ.
ထရၢးဒီးအံၣ်လိၣ်မးန့ၣ် တဘျီခါ မ့ၫ်တံၤသကိးလၢအရ့လိာ်သးဘူးဘူးတံၫ်တံၫ်၀ံၤ ဖဲထရၢးတၫ်လူၤကရၢကရိမၤန့ၫ် တၫ်ဖးအပူၤ အံၣ်လိၣ်မးန့ၣ်သူတ့ၫ်၀ဲဒီၣ်လၣ်လၢအကကွဲၫ်တဖၣ်အသိးပဒိၣ်အတၫ်သူတၫ်စွဲ၀ဲၤကျိၤ(Doge)စ့ၫ်ကီး တီခိၣ်ရိၣ်မဲတ့ၫ်၀ဲလီၤ.
ဘၣ်ဆၣ်သနာ်က့ အ၀ဲသ့ၣ်ခံဂၤန့ၣ် ဘၣ်ထွဲဒီးခိသွဲတၫ်ဘျၢန့ၣ် အတၫ်ထံၣ်တလီၤပလိာ်သးအလီၫ်ခံ အတၫ်ရ့လိာ်ဘၣ်ထွဲအၢထီၣ်ကယီကယီန့ၣ်လီၤ.
ref: bbc
