လါယူၤလံ(၉)သီ, ၂၀၂၅နံၣ်
AAPPအလါယူၤလံ(၇)သီအတၢ်ထုးထီၣ်ပၥ်ဖျါအဖီခိၣ် ကီၢ်ပယီၤဒီတဘ့ၣ်အပူၤသုးဟံးန့ၢ်ဆူၣ်ထံကီၢ်တၢ်စိတၢ်ကမီၤ(၁၆၁၈)သီအတီၢ်ပူၤ ခီဖျိသုးကီၣ်ကးအသုးမၤသံမၤ၀ီတၢ်တဖၣ်အဃိ ထံဖိကီၢ်ဖိကမျၢၢ်ဘၣ်သံ၀ဲအိၣ်ထီၣ်တုၤ(၆၈၇၁)ဂၤအဂ့ၢ် တၢ်သ့ၣ်ညါဘၣ်န့ၣ်လီၤ.
ပှၤလၢဘၣ်တၢ်ဖီၣ်န့ၢ်ဆူၣ်အီၤတဖၣ်တခီ အိၣ်ထီၣ်တုၤ(၂၉၃၇၀)ဂၤလံဒီး ဖဲန့ၣ်အကျါ ပှၤ(၇၁၇၇)ဂၤတခီ ဘၣ်တၢ်ပျၢ်ကဒါက့ၤအီၤလံန့ၣ်လီၤ.
ခီဖျိသုးကီၣ်ကးအသုး အတၢ်မၤသံမၤ၀ီတဖၣ်အဃိ တၢ်သံတၢ်ပှၢ်အအါကတၢၢ်န့ၣ် အိၣ်ထီၣ်၀ဲဒၣ်ဖဲ၀့ၢ်တကူၣ်န့ၣ်လီၤ. မ့မ့ၢ်လၢ တလၢၤကီၢ်စဲၣ်ပူၤတခီ ပှၤဘၣ်သံ(၇၂)ဂၤဒီး ပှၤလၢဘၣ်တၢ်ဖီၣ်အီၤတခီအိၣ်ထီၣ်တုၤ (၈၀၀)ဘျဲၣ်လံန့ၣ်ဒီး ဖဲအပူၤကွံၥ်စှၤသီအတီၢ်ပူၤန့ၣ် ပှၤ(၂၀၀)ဘျဲၣ် ဘၣ်တၢ်ပျၢ်ကဒါက့ၤအီၤလံအဂ့ၢ် တၢ်သ့ၣ်ညါဘၣ်လၢ AAPPအလံၥ်ပၥ်ဖျါအဖီခိၣ်န့ၣ်လီၤ.
ဒ်န့ၣ်အသိး ဖဲအပူၤကွံၥ် ၂၀၂၅နံၣ်, လါယူၤ(၁)လါအတီၢ်ပူၤစ့ၢ်ကီး ခီဖျိသုးကီၣ်ကးအတၢ်မၤသံမၤ၀ီတဖၣ်အဃိ ပှၤဟူးဂဲၤလၢဒံၣ်မိၣ်ကရ့ၣ်စံၣ်ဂ့ၢ်၀ီဒီးထံဖိကီၢ်ဖိကမျၢၢ် ခဲလၢၥ်ပၥ်ဖှိၣ်(၆၈)ဂၤဘၣ်သံ၀ဲဒၣ်န့ၣ်လီၤ.
လၢန့ၣ်အမဲၥ်ညါ ဖဲလါယူၤ(၁)လါအတီၢ်ပူၤန့ၣ် ခီဖျိထံရူၢ်ကီၢ်သဲးတၢ်ဂ့ၢ်အဃိ ဘၣ်တၢ်ဖီၣ်အီၤအိၣ်ထီၣ်၀ဲ(၁၀)ဂၤန့ၣ်လီၤ.
