လါယူၤလံ(၁၄)သီ, ၂၀၂၅နံၣ်
တၢ်ပညိၣ်၀ဲ ကလံၤစိးကီၢ်ခိရံယါဒီးတၢ်သုတဒုးအိၣ်ထီၣ် တၢ်ဘံၣ်တၢ်ဘၢသိၣ်မှံကရၢအဂီၢ် ကီၢ်ရှၢးရှါထံဂုၤကီၢ်ရၤကိတိၥ် ဆၣ်ကၠံၣ်လၣ်ရီး ဟ့ၣ်ပလီၢ်၀ဲအမဲရကၤ, ကလံၤထံးကီၢ်ခိရံယါဒီး ကီၢ်ယပၣ်တဖၣ် ဖဲလါယူၤလံ(၁၂)သီအနံၤန့ၣ်လီၤ.
ကီၢ်ရှၢးရှါထံဂုၤကီၢ်ရၤကိတိၥ် ဆၣ်ကၠံၣ်လၣ်ရီးန့ၣ် ဒ်သိးကထံၣ်လိၥ်တဲသကိးတၢ်ဒီးကလံၤစိးကီၢ်ခိရံယါထံဂုၤကီၢ်ဂၤ ကိတိၥ် ခၠိၣ်ဆိၣ်ဟွံၣ်အဂီၢ် လဲၤ၀ဲဆူ ကလံၤစိးကီၢ်ခိရံယါမုၢ်ထီၣ် ၀့ၢ်၀ၣ်ဆၣ် ဖဲလါယူၤလံ(၁၁)သီအနံၤန့ၣ်လီၤ.
အမဲရကၤ,ကလံၤထံးကီၢ်ခိရံယါဒီးကီၢ်ယပၣ်တဖၣ်န့ၣ်ဒုးအိၣ်ထီၣ်၀ဲသုးဂ့ၢ်၀ီဂံၢ်ဘါတဖၣ်ဖဲကလံၤစိးခိရံယါထံကီၢ်တၢ်ပၢအခိၣ်အဃၢၤအဂ့ၢ် ဖဲတၢ်ထံၣ်လိၥ်တဲသကိးတၢ်၀ံၤအလီၢ်ခံန့ၣ် ပဲၥ်အၢပဲၥ်သီလီၤ၀ဲန့ၣ်လီၤ.
“တၢ်ပညိၣ်၀ဲ ကလံၤစိးခိရံယါဒီးရှၢးရှါ၀ံၤ တၢ်ကဒုးအိၣ်ထီၣ်သိၣ်မှံကရၢအဂီၢ် တကြၢးသူအီၣ်၀ဲ တၢ်ရ့လိၥ်မုၥ်လိၥ်ဘၣ်အဂ့ၢ်ပ၀ဲသ့ၣ်တဖၣ်ပဟ့ၣ်ပလီၢ်သု”အဂ့ၢ်တဲလီၤ၀ဲဆူပှၤဟံးန့ၢ်တၢ်ကစီၣ်ဖိတဖၣ်အအိၣ်န့ၣ်လီၤ.
ကလံၤစိးကီၢ်ခိရံယါ အတၢ်ဆၢတဲၥ်လၢ ဒ်သိးကဒိးန့ၢ် နူကလံယၢၤစုက၀ဲၤတဖၣ်န့ၣ် ကီၢ်ရှၢးရှါတပၤ နၢ်ပၢၢ်၀ဲဂ့ၤဂ့ၤလီၤအဂ့ၢ် ဆၣ်ကၠံၣ်လၣ်ရီး စံးအါထီၣ်၀ဲန့ၣ်လီၤ.
“စဲအ့ၣ်ပီညါလၢ ကလံၤစိးကီၢ်ခိရံယါသူ၀ဲတဖၣ်န့ၣ် မ့ၢ်ဒၣ်အ၀ဲသ့ၣ် ပှၤစဲအ့ၣ်ဖိတဖၣ် အတၢ်ဂုၥ်ကျဲးစၢးအဆၢတဖၣ်လီၤ. ပပၥ်ဒိၣ်ပၥ်ကဲ၀ဲအ၀ဲသ့ၣ် အတၢ်တိၥ်မုၢ်လၢ်ကွၢ်စိတဖၣ်၀ံၤ ဂုၤကျဲးစၢး ၀ဲ နူကလံယါတၢ်ဂုၤထီၣ်ပသီထီၣ်တၢ်ရဲၣ်တၢ်ကျဲၤ အတၢ်ဂ့ၢ်ခိၣ်သ့ၣ်တဖၣ်စ့ၢ်ကီးန့ၣ် နၢ်ပၢၢ်၀ဲအဂ့ၢ်” အ၀ဲစံး၀ဲန့ၣ်လီၤ.
ကလံၤစိးကီၢ်ခိရံယါန့ၣ် ဘၣ်ထွဲဒီးရှၢးရှၣ်နုၥ်လီၤဂုၢ်န့ၢ်ဒုးဆူၣ် ယူၣ်ကရ့ၣ်တၢ်ဒုးအဖီခိၣ် ဆီၣ်ထွဲ၀ဲအဂ့ၢ်, ကလံၤစိးကီၢ်ခိရံယါဒီးရှၢးရှါအဘၢၣ်စၢၤ တၢ်ရ့လိၥ်မုၥ်လိၥ်န့ၣ် မ့ၢ်တၢ်ထဲသိးတုၤသိးသိၣ်မှံအသိးအဂ့ၢ် ခၠိၣ်ဆိၣ်ဟွံး စံး၀ဲန့ၣ်လီၤ.
ရှၢးရှါမုၢ်နုၥ်တပၤ ကးလီၢ်က၀ီၤအပူၤ တၢ်ခီၣ်ဆၢဒုးယူၣ်ကရ့အတၢ်နုၥ်လီၤဒုးဆူၣ်အပူၤ ခီဖျိကလံၤစိးသုးဖိတဖၣ် နုၥ်လီၤဒုးစၢၤ၀ဲရှၢးရှါအဃိ စံးဘျူးဘၣ်၀ဲဒိၣ်မးအဂ့ၢ် ဆၣ်ကၠံၣ်လၣ်ရီး စံး၀ဲန့ၣ်လီၤ.
ref: AT
