၇.၅.၂၀၂၄ ခ့ၣ်အဲၣ်ယူၣ်-ကညီဒီကလုာ်စၢဖှိၣ်ကရၢ,သုးက့နီၣ်ဂံၫ်(၅),မုၫ်တြီၫ်ကီၫ်ရ့ၣ်ဟီၣ်က၀ီၤအပူၤ စးထီၣ်လၢလါယူၤ(၁)သီဒီးတုၤ(၃၀)သီအနံၤ, (၁)လါအတီၫ်ပူၤ ကညီဒီကလုာ်တၫ်ထူၣ်ဖျဲးသုးမုၫ်ဒိၣ်(KNLA),သုးပာ်ဖှိၣ် ဒီးသုးကီၣ်ကးအဘၢၣ်စၢၤ တၫ်ဒုးကဲထီၣ်တ့ၫ်၀ဲ(၁၂၂)ဘျီ၀ံၤ သုးကီၣ်ကးတပၤသံ၀ဲ(၆၀)ဂၤ ဒီးဘၣ်ဒိ(၁၉)ဂၤအဂ့ၫ် ခ့ၣ်အဲၣ်ယူၣ်-မုၫ်တြီၫ်ပာ်ဖျါဃၣ်၀ဲန့ၣ်လီၤ. မ့မ့ၫ်လၢ တၫ်ပၢၫ်ဆၢသုးပာ်ဖှိၣ်တကပၤစ့ၫ်ကီး သုးက့နီၣ်ဂံၫ်(၂)အပှၤသုးဖိ(၂)ဂၤသံ၀ဲ၀ံၤ (၃)ဂၤဘၣ်ဒိ၀ဲအဂ့ၫ်စံး၀ဲန့ၣ်လီၤ. ဖဲလၢခံခီခံကပၤတၫ်ဒုးကဲထီၣ်သးကတီၫ် သုးကီၣ်ကးအကဘီယူၤဒုးသုး ဟဲတ့ၫ်လီၤမ့ၣ်ပိၫ်ဆူ ကမျၢၫ်ဖံးအီၣ်မၤအီၣ်လီၫ်ကျဲအပူၤ ဘူးထီၣ်(၆၀၀)ဖျၢၣ်၀ံၤ တကးဘၣ်ဟဲတ့ၫ်လီၤမ့ၣ်ပိၫ်(၇၂)ဖျၢၣ်လၢဒြိအဃိ ကမျၢၫ်ဟံၣ်(၄)ဖျၢၣ်, သီခါဖၠၣ်(၁)ဖျၢၣ်ဒီး တၫ်သိၣ်ကၠိ(၁)ဖျၢၣ်စ့ၫ်ကီး

၇.၄.၂၀၂၄ ဖဲလါယူၤလံ(၃)သီ,လၢ၀့ၫ်လါရှိ, က၀ီၤဒ့နီၫ်ဂံၫ်(၁),ပၠူၣ်ဟၣ်ကျဲအဆၢလာ်,ဖဲသၣ်ယၣ်ကျဲ လၢဟံၣ်တဖျၢၣ်အဖီခိၣ် ဖဲဂီၤ(၈)နၣ်ရံၣ်ဃၣ်ဃၣ် ကျိဖးဒိၣ်အချံလီၤတဲာ်ပိၫ်ဖးထီၣ်၀ဲအဃိ ဟံၣ်ပူၤဟံၣ်ဖိဃီဖိ(၆)ဘၣ်သံ၀ဲအသိး, ဖဲနးပီၣ်သ၀ီ(နမ့်ပေါင်ရွာ) ပိာ်မုၣ်တဂၤဘၣ်သံစ့ၫ်ကီး၀ဲအဂ့ၫ် လီၫ်က၀ီၤဖိတဖၣ်တဲ၀ဲလီၤ. ပှၤလၢဘၣ်သံတဖၣ်မ့ၫ်၀ဲ ပှၤကခၠ့ၣ်ဖိတဖၣ်၀ံၤ အ၀ဲသ့ၣ်အစိၣ်န့ၣ် ကခၠ့ၣ်တၫ်အိၣ်ဖှိၣ်တဖၣ် ကဟဲဟံးန့ၫ်၀ဲအဂ့ၫ် တၫ်သ့ၣ်ညါဘၣ်လၢ တၫ်မၤစၢၤပှၤတ၀ၢကရၢတဖၣ်အိၣ်န့ၣ်လီၤ. မုၫ်ထီၣ်ကလံၤစိးကီၫ်ခီသုး၀ဲၤလီၫ်ခိၣ်သ့ၣ် အိၣ်တၫ်လီၫ်, ၀့ၫ်လါရှိအကပၤ ဖဲဆ့ၣ်တီၣ်(ဆင်တောင်)န့ၣ် သုးကီၣ်ကး အကျိဖးဒိၣ်သုးအိၣ်၀ံၤ

၇.၃.၂၀၂၄ ယိၤဒိၣ်ကီၫ်စဲၣ်ကလံၤစိးတကပၤ ကီၫ်ဆၣ်လၢတၫ်ဒုးကဲထီၣ်တဖၣ်အပူၤ တၫ်သိၣ်လိကၠိတဖၣ် ဘၣ်တၫ်ကးတံာ်ကွံာ်ခဲလၢာ်၀ံၤ တၫ်ဒုးကဲထီၣ်တအိၣ်ဘၣ်ဆၣ် တၫ်လီၫ်လၢသုးဂ့ၫ်၀ီတၫ်ဖ့ၣ်ဆၢအိၣ်ထီၣ်သ့တဖၣ်အပူၤစ့ၫ်ကီး ကၠိထီၣ်ဘၣ်ဆၣ် ဒုးထီၣ်ဖိသၣ်ကၠိတဘူၣ်ဘၣ်အဂ့ၫ် တၫ်သ့ၣ်ညါဘၣ်လၢ လီၫ်က၀ီၤဖိတဖၣ်အိၣ်လီၤ. “တၫ်လီၫ်လၢတၫ်ဒုးကဲထီၣ်တဖၣ် ကၠိခဲလၢာ် တၫ်တအိးထီၣ်အီၤဘၣ်.မ့ၫ်အိးထီၣ်နာ်က့ မိၫ်ပၫ်တဖၣ် ပျၢ်၀ဲတဘူၣ်ဘၣ်. နီၣ်ခၠိၣ်,ကၠီးမဲ,ကီၫ်ဆၣ်သံၣ်ပီအပူၤ ကၠိတဖၣ် တၫ်ကးတံာ်ကွံာ်ခဲလၢာ်အဂ့ၫ်”လီၫ်က၀ီၤပိာ်မုၣ်တဂၤတဲ၀ဲလီၤ. လၢကတီၫ်အံၤ နီၣ်ခၠိၣ်ဒီးကၠီးမဲအပူၤ တၫ်ဒုးဆူၣ်ထီၣ်၀ံၤ လၢသံၣ်ပီတခီ