၇.၅.၂၀၂၄
(၅)သီအတီၫ်ပူၤ လၢအ့ၣ်ယၣ်၀တံၣ်ကီၫ်ခီ, ကၠဲးလဲကီၫ်ဆၣ်ပူၤ သုးကီၣ်ကးပဲာ်အၢပဲာ်သီ၀ဲလီၫ်က၀ီၤဖိ(၅)ဂၤလၢ အဆီၣ်ထွဲမၤစၢၤPDFတဖၣ်၀ံၤ ဖီၣ်န့ၫ်ဆူၣ်ဃၣ်၀ဲအဂ့ၫ် လီၫ်က၀ီၤကမျၢၫ်တဖၣ်တဲ၀ဲန့ၣ်လီၤ.
လၢကၠဲးလဲးကီၫ်ဆၣ် စထီၣ်းလၢလါယူၤ(၂၉)သီအနံၤဒီးတုၤလါယူၤလံ(၃)သီ, (၅)သီအတီၫ်ပူၤ သုးကီၣ်ကးပဲာ်အၢပဲာ်သီ၀ဲလၢ တၫ်ဆဲးကျိးဆီၣ်ထွဲPDFတဖၣ်၀ံၤ ပိာ်မုၣ်(၁)ဂၤပာ်ဃုာ် လီၫ်က၀ီၤကမျၢၫ်(၅)ဂၤတၫ်ဖီၣ်န့ၫ်ဆူၣ်အီၤအဂ့ၫ်စံး၀ဲန့ၣ်လီၤ.
လီၫ်က၀ီၤဖိတဂၤတဲ၀ဲလၢ“ သုးကီၣ်ကးဟဲဖီၣ်၀ဲလီၤ. ပှၤလၢတၫ်ဖီၣ်အီၤခဲလၢာ်န့ၣ် မ့ၫ်ဒၣ်ကမျၢၫ်လီၤ. စံး၀ဲလၢမၤစၢၤ PDFတဖၣ်အဃိလီၤ. ဖဲလၢဟဲဖီၣ်၀ဲပိာ်မုၣ်ဖိတဂၤအခါန့ၣ် ထဲသုးဖိလၢလၢလီၤ. တမ့ၫ်ဒ်သိးလၢအပူၤကွံာ် ပိာ်မုၣ်သုး, ပၢၤကီၫ်ပိာ်မုၣ်တပာ်ဘၣ်. ဟဲက၀ီၤတံာ်၀ဲပိာ်မုၣ်ဖိအံၤအဟံၣ်၀ံၤ တၫ်ဖီၣ်အီၤလီၤ. ပိာ်မုၣ်တဂၤဒီးပိာ်ခွါတဂၤန့ၣ် တၫ်ဟဲဖီၣ်အီၤ ဖဲလါယူၤ(၂၉)သီအနံၤ, လီၫ်ခံပိာ်ခွါ(၃)ဂၤန့ၣ်တၫ်ဟဲဖီၣ်အီၤ ဖဲလါယူၤလံ(၁)သီဒီး(၂)သီအနံၤတဖၣ်အဂ့ၫ်“ တဲ၀ဲလီၤ.
လီၫ်က၀ီၤဖိလၢတၫ်ဖီၣ်န့ၫ်ဆူၣ်အီၤတဖၣ်န့ၣ် မ့ၫ်၀ဲတါပၠးသ၀ီ ပှၤသးစၫ်ပိာ်မုၣ်ဒီးပိာ်ခွါတဂၤ ဒီး မ့မ့ၫ်အဂၤ(၃)ဂၤန့ၣ် လၢ၀့ၫ်ပူၤ, က၀ီၤဒ့တဖၣ်အပူၤ၀ံၤ တၫ်က့ၤဖီၣ်အီၤဆူပၢၤကီၫ်သုးကလၢၤန့ၣ်လီၤ.
ပှၤလၢအဘူးဒီးသုးကီၣ်ကးတဂၤတဲ၀ဲလၢ“ပှၤလၢတၫ်ဖီၣ်အီၤခဲလၢာ်န့ၣ် တၫ်ပာ်အီၤလၢပၢၤကီၫ်သုးကလၢၤလီၤ. ခဲလၢာ် (၅)ဂၤလီၤ. ပိာ်မုၣ်(၁)ဂၤစ့ၫ်ကီးပာ်ဃုာ်၀ဲလီၤ. ဘၣ်တၫ်ဖီၣ်အီၤတၫ်ဂ့ၫ်န့ၣ် ဆဲကျိး၀ဲဒီး PDFအဃိလီၤ“အဂ့ၫ်တဲ၀ဲန့ၣ်လီၤ.
တုၤလၢလါယူၤလံ(၄)သီအနံၤန့ၣ် တၫ်ဆဲးကျိးဆဲကျဲအီၤ ပှၤလၢတၫ်ဖီၣ်အီၤတဖၣ်တန့ၫ်ဘၣ်အဃိ အဟံၣ်ဖိဃီဖိတဖၣ်ဘၣ်ယိၣ်၀ဲအဂ့ၫ် လီၫ်က၀ီၤကမျၢၫ်တဖၣ် စံး၀ဲန့ၣ်လီၤ.
ကၠဲးလဲး၀့ၫ်ပူၤ ပၢၤကီၫ်ဒီးသုးဖိတဖၣ် မၤ၀ဲတၫ်သမံသမိးတဖၣ်၀ံၤ တၫ်မ့ၫ်ထံၣ်န့ၫ်၀ဲပှၤလီၤဆီတဖၣ်န့ၣ် တၫ်ကလဲၤဒုးသ့ၣ်ညါအီၤတဘျီဃီ ဒီးတၫ်သူတတူၫ်လိာ်ပာ်ဃၣ်အီၤအဂ့ၫ် ဟ့ၣ်ပလီၫ်ဃၣ်၀ဲအဂ့ၫ် စံး၀ဲန့ၣ်လီၤ.
ကၠဲးလဲးကီၫ်ဆၣ်ပူၤ သုးဟံးန့ၫ်ဆူၣ်ထံကီၫ်တၫ်စိတၫ်ကမီၤ၀ံၤအလီၫ်ခံ ပှၤလၢတၫ်ဖီၣ်န့ၫ်အီၤခဲလၢာ်အိၣ်၀ဲ(၄၀၀)ဘျဲၣ်၀ံၤ ပှၤလၢတၫ်ပျၫ်ကဒါက့ၤအီၤ(၁၀၀)ဘျဲၣ်ဒီး ပှၤလၢတၫ်ပာ်လီၤအီၤလၢဃိၣ်ပူၤတဖၣ်စ့ၫ်ကီးအိၣ်၀ဲအဂ့ၫ် တၫ်သ့ၣ်ညါဘၣ်န့ၣ်လီၤ.
Ref: DVB
