၇.၄.၂၀၂၄
အပူၤကွံာ်လါယူၤအတီၫ်ပူၤ သုးကီၣ်ကးဒုးယၤရဲၣ်ကျဲၤတဖၣ်အပူၤ တနီသရံးကီၫ်ဒိၣ်, ကီၫ်ဆၣ်(၂)ဘ့ၣ်အပူၤ ဟံၣ်အဖျၢၣ်(၄၀)ဘျဲၣ် သုးကီၣ်ကးဒွဲၣ်အူကွံာ်အီၤအဃိ ဟးဂီၤကွံာ်၀ဲန့ၣ်လီၤ.
သုးကီၣ်ကးအသုးတဖၣ် မၤတ့ၫ်ဒုးယၤရဲၣ်ကျဲၤတဘိယူၫ်ဃီ ဖဲယ့ၣ်ဖၠူၣ်ကီၫ်ဆၣ်အပူၤ ဟံၣ်(၃၀)ဖျၢၣ်တၫ်ဒွဲၣ်အူမၤဟးဂီၤကွံာ်အီၤန့ၣ်လီၤ.ယ့ၣ်ဖၠူၣ်ကီၫ်ဆၣ် မၠီးခၠီ,နကါအဲၣ်,မူဒူသ၀ီတဖၣ်အပူၤ ဟံၣ်(၃၄)ဖျၢၣ်, မီၣ်တီၣ်တုာ်(၉)ခိၣ်ဒီ သိလ့ၣ်(၆)ခိၣ်စ့ၫ်ကီး သုးကီၣ်ကးဒွဲၣ်အူမၤဟးဂီၤကွံာ်၀ဲန့ၣ်လီၤ.
“ယ၀ၤစ့ၫ်ကီးသံလံ, ယဟံၣ်လၢယဘှီတ့ၫ်ဒီးယ၀ၤစ့ၫ်ကီး တၫ်ဒွဲၣ်အူကွံာ်အီၤလံ, ဆၢကတီၫ်ဖဲလၣ်မး ကက့ၤအိၣ်ဘၣ်ဒီးဟံၣ်န့ၣ်တသ့ၣ်ညါဘၣ်. ခဲအံၤဒုတအိၣ်နီၤမံၤဘၣ်“ အဂ့ၫ် ဖဲအပူၤကွံာ်လါအပူၤ ဟံၣ်တဖၣ်လၢဘၣ်တၫ်ဒွဲၣ်အူကွံာ်အီၤ မူဒူသ၀ီဖိတဂၤတဲ၀ဲန့ၣ်လီၤ.
ဘၣ်တၫ်ဒွဲၣ်အူကွံာ်အီၤလၢမ့ၣ်အူ တကးဘၣ်ခီဖျိလၢသုးကီၣ်ကးခးလီၤကျိဖးဒိၣ်အဃိ မုၫ်နုာ်မီၣ်တိသ၀ီ ဒီးယ့ၣ်ဖၠူၣ်ကီၫ်ဆၣ် ရါဖူသ၀ီဟံၣ်တဖၣ်စ့ၫ်ကီး ကျိသၣ်ဘၣ်အီၤဒီးဟးဂီၤကွံာ်၀ဲန့ၣ်လီၤ.သုးကီၣ်ကးလဲၤခးလီၤတၫ်လၢကလံၤကျါအဃိ ဟံၣ်(၃)ဖျၢၣ်ဟးဂီၤကွံာ်၀ဲလီၤ. သနီသရံးကီၫ်ဆၣ်, အ့ၡ့ၣ်ကိ,ပၠံၣ်အ့,ကၠဲထ့ၣ်ကိသ၀ီပူၤ ဟံၣ်တဖၣ်စ့ၫ်ကီးဟးဂီၤကွံာ်၀ဲန့ၣ်လီၤ.
တၫ်ဟဲခးလီၤတၫ်လၢကလံၤကျါတဖၣ်အဃိ ဟံၣ်ဃီတဖၣ်ဟးဂီၤကွံာ်အိၣ်၀ဲ တကးဘၣ်သ၀ီဒီတဖျၢၣ်တၫ်ဂုၫ်ဆူၣ်ဖျိဆူၣ်၀ဲဒီးဟံးန့ၫ်ဆူၣ်၀ဲအဃိ ဟံၣ်သူတၫ်ပီးတၫ်လီတၫ်ဖိတၫ်လံၤဒီး တၫ်အီၣ်တၫ်အီတဖၣ်လီၤမၫ်ကွံာ်အဃိ ကီၫ်ဒိၣ်အပူၤကမျၢၫ်တဖၣ်ဘၣ်ကွၫ်ဆၢၣ်မဲာ်ဘၣ်ဒီးတၫ်ကီတၫ်ခဲန့ၣ်လီၤ.
ဖဲအပူၤကွံာ် လါယူၤအတီၫ်ပူၤ ယ့ၣ်ဖၠူၣ်ကီၫ်ဆၣ်, ဒ၀ဲၫ်မုာ်ကျိၤ၀ဲၤကွာ်လီၤဆီဟီၣ်က၀ီၤဒိၣ်အပူၤ ပူးကီစိ,ခမီခၠီ, ၀ဲးခၠီ,မူဒူ,အ့ၣ်ကနံး,လဲၡီၣ်သ၀ီအကပၤ သုးကီၣ်ကးတပၤမၤ၀ဲဒုးယၤရဲၣ်ကျဲၤဒီတလါန့ၣ်လီၤ.တကးဘၣ် ယ့ၣ်ဖၠူၣ်ကီၫ်ဆၣ်အပူၤ သုးကီၣ်ကးတပၤမၤ၀ဲဒုးယၤရဲၣ်ကျဲၤတဖၣ်အိၣ်၀ဲ၀ံၤ တၫ်ဒုးကဲထီၣ်သးဒီး တၫ်ပၢၫ်ဆၢသိၣ်မှံကရၢတဖၣ် အဘၢၣ်စၢၤန့ၣ်လီၤ.
ref: The Tanintharyi times
