၇.၅.၂၀၂၄
ကခၠ့ၣ်ကီၫ်စဲၣ်ဒီးစကဲကီၫ်ခီအဆၢခိၣ် တုၤလၢလါယူၤ(၆)သီနံၤ မူခိၣ်စူၤအါသ့အဃိ ခၠ့တွ့ဒီးအ့ၣ်ယၣ်၀တံၣ်ထံကျိထံတဖၣ်အါထီၣ်သ့၀ဲအဂ့ၫ် ကမျၢၫ်ပှၤဃုသ့ၣ်ညါမူခိၣ်ကလံၤသီၣ်ဂီၤအူ၀့နဲၣ်တဲ၀ဲလီၤ.
“မူခိၣ်ကစူၤအိၣ်၀ဲဒီးတုၤလၢလါယူၤ(၆)သီနံၤ လၢ(၃)သီအတီၫ်ပူၤ တၫ်ကစူၤ၀ဲမံၣ်လံၣ်မံၣ်ထၢၣ်(၁၀၀)ဘျဲၣ်ဒီးတသီစုာ်စုာ်န့ၣ် တၫ်ကစူၤ၀ဲမံၣ်လံၣ်မံၣ်ထၢၣ်(၃၀)ဘျဲၣ်ဒီး ကခၠ့ၣ်ကီၫ်စဲၣ်ဒီးစကဲကီၣ်ခီအဆၢခိၣ်တၫ်လီၫ်တဖၣ် မူခိၣ်ကစူၤကဒီးအိၣ်၀ဲလီၤ.တၫ်န့ၣ်အဃိ ခၠ့တွ့ထံကျိမ့ၫ်ဂ့ၤ,အ့ၣ်ယၣ်၀တံၣ်ထံကျိမ့ၫ်ဂ့ၤ ထံကျိထံကအါထီၣ်၀ဲသ့န့ၣ်လီၤ.”
၂၄နၣ်ရံၣ်အတီၫ်ပူၤ မ့ၫ်အိၣ်လၢမံၣ်လံၣ်မံၣ်ထၢၣ်(၃၀)ဆူအဖီခိၣ်န့ၣ် တၫ်ပာ်ပနီၣ်သ့လၢတၫ်စူၤအါ၀ံၤ ကခၠ့ၣ်ကီၫ်စဲၣ်အပူၤ အပူၤကွံာ်စှၤသီ, တသီန့ၣ် တၫ်စူၤ၀ဲမံၣ်လံၣ်မံၣ်ထၢၣ် (၃၀၀)တုၤ(၄၀၀)အဘၢၣ်စၢၤ, အါန့ၫ်ဒံးတၫ်စူၤညီနုၫ်အဃိ မ့ၣ်ခးဒီးမလံးခးထံကျိထံဘၣ်ဒိၣ်ထီၣ်၀ဲအဂ့ၫ်အူ၀့နဲၣ်တဲ၀ဲလီၤ.
တကးဘၣ် တၫ်ဖဲးခုးဖဲးသံၣ်အပူၤ သ့ၣ်ကူာ်သ့ကျီတဖၣ် ဟဲလီၤဃုာ်ဒီးကစၢၫ်ထံလၢအဆူၣ်တဖၣ်အဃိ ကခၠ့ၣ်ကီၫ်စဲၣ် ပူၤ ဟံၣ်ဃီတဖၣ် ဘၣ်ဟးဂီၤ၀ဲလၢအကယၤအဂ့ၫ် တဲ၀ဲလီၤ.
သုးကီၣ်ကးမူခိၣ်ကလံၤသီၣ်ဂီၤတၫ်နဲၣ်လီၤ၀ဲၤကျိၤအလါယူၤလံ(၄)သီနံၤ တၫ်ဘိးဘၣ်ရၤလီၤအဖီခိၣ် အ့ၣ်ယၣ်၀တံၣ် ထံကျိထံန့ၣ် လၢ ဘါမီၤ,ရွ့ၣ်ကူၤ,ကသၣ်ဒီးခၠ့တွ့ထံကျိထံန့ၣ် လၢခါတံ,ဟိမလ့,ဖီပၠ့ၣ်တၫ်လီၫ်တဖၣ်အပူၤ အိၣ်၀ဲဒၣ်လၢထံတၫ်လီၤဘၣ်ယိၣ်တၫ်ပနီၣ်အဖီခိၣ်ဒံးန့ၣ်လီၤ.
Ref: RFA
