၇.၄.၂၀၂၄
ဖဲလါယူၤလံ(၃)သီ,လၢ၀့ၫ်လါရှိ, က၀ီၤဒ့နီၫ်ဂံၫ်(၁),ပၠူၣ်ဟၣ်ကျဲအဆၢလာ်,ဖဲသၣ်ယၣ်ကျဲ လၢဟံၣ်တဖျၢၣ်အဖီခိၣ် ဖဲဂီၤ(၈)နၣ်ရံၣ်ဃၣ်ဃၣ် ကျိဖးဒိၣ်အချံလီၤတဲာ်ပိၫ်ဖးထီၣ်၀ဲအဃိ ဟံၣ်ပူၤဟံၣ်ဖိဃီဖိ(၆)ဘၣ်သံ၀ဲအသိး, ဖဲနးပီၣ်သ၀ီ(နမ့်ပေါင်ရွာ) ပိာ်မုၣ်တဂၤဘၣ်သံစ့ၫ်ကီး၀ဲအဂ့ၫ် လီၫ်က၀ီၤဖိတဖၣ်တဲ၀ဲလီၤ.
ပှၤလၢဘၣ်သံတဖၣ်မ့ၫ်၀ဲ ပှၤကခၠ့ၣ်ဖိတဖၣ်၀ံၤ အ၀ဲသ့ၣ်အစိၣ်န့ၣ် ကခၠ့ၣ်တၫ်အိၣ်ဖှိၣ်တဖၣ် ကဟဲဟံးန့ၫ်၀ဲအဂ့ၫ် တၫ်သ့ၣ်ညါဘၣ်လၢ တၫ်မၤစၢၤပှၤတ၀ၢကရၢတဖၣ်အိၣ်န့ၣ်လီၤ.
မုၫ်ထီၣ်ကလံၤစိးကီၫ်ခီသုး၀ဲၤလီၫ်ခိၣ်သ့ၣ် အိၣ်တၫ်လီၫ်, ၀့ၫ်လါရှိအကပၤ ဖဲဆ့ၣ်တီၣ်(ဆင်တောင်)န့ၣ် သုးကီၣ်ကး အကျိဖးဒိၣ်သုးအိၣ်၀ံၤ ခးလီၤကျိဖးဒိၣ်ဒီးလီၤတဲာ်ဘၣ်၀ဲဖဲဟံၣ်၀ဲန့ၣ်အဂ့ၫ် ပှၤ၀့ၫ်ဖိဖဲန့ၣ်တဖၣ်တဲ၀ဲလီၤ.
ဒ်န့ၣ်အသိး ကီၫ်ဆၣ်လါရှိ,နးပီၣ်သ၀ီအပူၤစ့ၫ်ကီး ကျိဖးဒိၣ်အချံလီၤတဲာ်ပိၫ်ဖး၀ဲဖဲဟံၣ်အဖီခိၣ်အဃိ ပိာ်မုၣ်တဂၤ ဘၣ်သံ၀ဲ၀ံၤ ပိာ်ခွါခံဂၤ ဘၣ်ဒိဘၣ်ထံးအဂ့ၫ် တအါဒီကလုာ်တၫ်ထူၣ်ဖျဲးသုးမုၫ်ဒိၣ်(TNLA)ဘိးဘၣ်ပာ်ဖျါ၀ဲလီၤ.
၀့ၫ်လါရှိအကပၤ နးဟူၣ်သ၀ီ(နမ့်ဟူးကျေးရွာ)ဒီး နးပီၣ်သ၀ီ(နမ့်ပေါင်ကျေးရွာ)တဖၣ်အပူၤ ဖဲအပူၤကွံာ်လါယူၤ (၂၉)သီနံၤ တၫ်ဒုးကဲထီၣ်ဒီး သုးကီၣ်ကးတကပၤခးလီၤကျိဖးဒိၣ်လၢ ၀့ၫ်လါရှိအပူၤ တပယူာ်ဃီအဂ့ၫ် တၫ်သ့ၣ်ညါ ဘၣ်လီၤ.
Ref: The Irrawaddy
