လါယူၤလံ(၂၄)သီ,၂၀၂၄နံၣ် လၢတၫ်ဒုးလီၤအီၤဃိၣ်(၆)နံၣ်အပူၤ ခီဖျိလၢတၫ်ပျဲပူၤသးသမူခွဲးယာ်အဖီခိၣ် ဖဲလါအ့ဖြ့ၣ်(၁၇)သီနံၤ ဟဲက့ၤပူၤဖျဲးထီၣ် ဘၣ်ဆၣ်ပှၤလၢသုးကီၣ်ကးက့ၤဖီၣ်ကဒါက့ၤအီၤ ကခၠ့ၣ်ဘျၢထံခရံာ်ဖိကရၢခိၣ်ကျၢၫ်(KBC)ပှၤဟ့ၣ်ကူၣ်တၫ်သရၣ်ဒိၣ် ဒီးကထၢၣ်ခလၣ်ဆၣ်ဆိၣ်န့ၣ် တၫ်ပျၫ်ကွံာ်အီၤလံန့ၣ်လီၤ. ယံာ်(၃)လါဘျဲၣ်ဒီးဖဲတနံၤအံၤမုၫ်ဆါခီအကတီၫ် ဘၣ်တၫ်ပျၫ်ကွံာ်၀ဲအဂ့ၫ် ကခၠ့ၣ်တၫ်ဆီၣ်ထွဲတၫ်မုာ်တၫ်ခုၣ်ကရၢ PCG လမဲၣ်ကိၣ်ကၠၣ်(လမိုင်ဂွန်ဂျာ)တဲ၀ဲလီၤ.”တၫ်ပျၫ်ကွံာ်အီၤန့ၣ်သ့ၣ်ညါဘၣ်လီၤ.လၢဂီၤ(၁၁)နၣ်ရံၣ်တခီန့ၣ်တၫ်ပျၫ်ကွံာ်၀ဲလီၤ.ဂ့ၤလီၤ,တၫ်အိၣ်ဆူၣ်အိၣ်ချ့စ့ၫ်ကီးဂ့ၤ၀ဲလီၤ.အခဲအံၤဒုဟံးန့ၫ်တၫ်အိၣ်ဘှံးလၢဟံၣ်န့ၣ်လီၤ.” တၫ်ဘျၢ(၃)ခါအဖီခိၣ် KBC ပှၤပၢၤလီၫ်ဆ့ၣ်နီၤလီၫ်လံၤ ဒီးကထၢၣ်ခလၣ်ဆၣ်ဆိၣ်(ဒေါက်တာ ခလမ်ဆမ်ဆွမ်) လၢတၫ်ဒုးလီၤအီၤဃိၣ်(၆)နံၣ်အံၤ ဖဲပယီၤနံၣ်ထီၣ်သီ(၁)သီနံၤန့ၣ် ဘၣ်တၫ်ပျၫ်ကွံာ်အီၤ၀ံၤ စှၤနၣ်ရံၣ်အတီၫ်ပူၤ

လါယူၤလံ(၂၃)သီ, ၂၀၂၄နံၣ် သုးကီၣ်ကးအကီၢ်ခိၣ်ပတြီၤအူမၠ့းဆွ့ၣ်အံၤ အလီၢ်လၤမူဒါကီၢ်ခိၣ်ပတြီၤအလီၢ်န့ၣ် ဆီတလဲဟ့ၣ်လီၤမူဒါဆူ သုးမီၤစိရိၤအခိၣ်မ့အီၣ်လဲၣ်အအိၣ် ဖဲလါယူၤလံ(၂၂)သီအနံၤအဂ့ၢ်န့ၣ် သုးကီၣ်ကးတၢ်ကစီၣ်သန့တဖၣ် ထုးထီၣ်ပၥ်ဖျါဃၣ်၀ဲန့ၣ်လီၤ. အူမၠ့းဆွ့ၣ်အံၤတအိၣ်ဆူၣ်အိၣ်ချ့ဘၣ်ဒီး တၢ်ဘၣ်ကူစါယါဘျါသးအဃိ ဒ်သိးတၢ်ကမၤ၀ဲ ဒီကလုာ်တၫ်ဒီသဒၢဒီးတၫ်ဘံၣ်တၫ်ဘၢကီၣ်ကးတၢ်ဖံးတၢ်မၤတဖၣ်အဂီၢ် ဆီတလဲဟ့ၣ်၀ဲလီၤမူဒါအဂ့ၢ် ထုးထီၣ်ပၥ်ဖျါဃၣ်၀ဲန့ၣ်လီၤ. သုးဟံးန့ၢ်ဆူၣ်ထံကီၢ်တၢ်စိတၢ်ကမီၤသုးကီၣ်ကးအံၤ အလီၢ်လၤမူဒါလၢမၤထီထီၣ်ဃၣ်၀ဲန့ၣ် ဘူးကလၢၥ်ထီၣ်အဆၢကတီၢ် ဆီတလဲဟံးန့ၢ်မူဒါဒ်အံၤန့ၣ်လီၤ. သုးဟံးန့ၢ်ဆူၣ်ထံကီၢ်တၢ်စိတၢ်ကမီၤ၀ံၤအလီၢ်ခံ သုးကီၣ်ကးအံၤ ဟ့ၣ်လီၤဃၣ်မူဒါဒံး NLDပဒိၣ်အစိၤကီၢ်ခိၣ်(ခံ)(၂)ဂၤလၢအမ့ၢ်

လါယူၤလံ(၂၃)သီ,၂၀၂၄နံၣ် အမဲရကၤကီၫ်ခိၣ်ကၠိဘဲၣ်တဲၣ်န့ၣ် လၢကဟဲလါနိၣ်၀့ဘၢၣ်ကီၫ်ခိၣ်တၫ်ဃုထၢ တၫ်နုာ်လီၤဒိးဃုထၢသးအပူၤ ဟးထီၣ်ကွံာ်လံအဂ့ၫ် ဘိးဘၣ်ရၤလီၤ၀ဲလီၤ. ဆၢတဲာ်လီၤ၀ဲဒ်သိးအံၤန့ၣ် မ့ၫ်လၢထံကီၫ်ဒီးပၣ်တံၣ် တၫ်ဘၣ်ဘျူးအဂီၫ်လီၤအဂ့ၫ် ကီၫ်ခိၣ်ကၠိဘဲၣ်တၣ်တဲဃး၀ဲ၀ံၤ ပှၤလၢကဒိးဃုထၢအသးဒ်အကီၫ်ခိၣ်ခံ တၫ်ဃုထၢသိၣ်မှံၤ ကမလၣ်ဟဲရံးန့ၣ် ကတီၣ်ထီၣ်ဘၣ်ကီၫ်ခိၣ်အမံၤစရီအဂီၫ် အ၀ဲတဲဆီၣ်တခူထီၣ်ဃာ်၀ဲလီၤ. ကမလၣ်ဟါရံး(ကမလာဟားရစ်)တခီ အ၀ဲန့ၣ် ပၣ်တံၣ်အကီၫ်ခိၣ်တၫ်ဃုထၢကမၤနၢၤတၫ်အဂီၫ်ဒီး ထံကီၫ်တၫ်စၢဖှိၣ် က့ၤသးအဂီၫ် ကမၤနၢၤပှၤလၢနုာ်လီၤသတြီၤတၫ်လၢအီၤ ဒီနၢၣ်ထရၢးအဂ့ၫ် ဟ့ၣ်လီၤတၫ်အၢၣ်လီၤတဲဃာ်၀ဲလီၤ.