လါယူၤလံ(၂၃)သီ,၂၀၂၄နံၣ်
အမဲရကၤကီၫ်ခိၣ်ကၠိဘဲၣ်တဲၣ်န့ၣ် လၢကဟဲလါနိၣ်၀့ဘၢၣ်ကီၫ်ခိၣ်တၫ်ဃုထၢ တၫ်နုာ်လီၤဒိးဃုထၢသးအပူၤ ဟးထီၣ်ကွံာ်လံအဂ့ၫ် ဘိးဘၣ်ရၤလီၤ၀ဲလီၤ.
ဆၢတဲာ်လီၤ၀ဲဒ်သိးအံၤန့ၣ် မ့ၫ်လၢထံကီၫ်ဒီးပၣ်တံၣ် တၫ်ဘၣ်ဘျူးအဂီၫ်လီၤအဂ့ၫ် ကီၫ်ခိၣ်ကၠိဘဲၣ်တၣ်တဲဃး၀ဲ၀ံၤ ပှၤလၢကဒိးဃုထၢအသးဒ်အကီၫ်ခိၣ်ခံ တၫ်ဃုထၢသိၣ်မှံၤ ကမလၣ်ဟဲရံးန့ၣ် ကတီၣ်ထီၣ်ဘၣ်ကီၫ်ခိၣ်အမံၤစရီအဂီၫ် အ၀ဲတဲဆီၣ်တခူထီၣ်ဃာ်၀ဲလီၤ.
ကမလၣ်ဟါရံး(ကမလာဟားရစ်)တခီ အ၀ဲန့ၣ် ပၣ်တံၣ်အကီၫ်ခိၣ်တၫ်ဃုထၢကမၤနၢၤတၫ်အဂီၫ်ဒီး ထံကီၫ်တၫ်စၢဖှိၣ် က့ၤသးအဂီၫ် ကမၤနၢၤပှၤလၢနုာ်လီၤသတြီၤတၫ်လၢအီၤ ဒီနၢၣ်ထရၢးအဂ့ၫ် ဟ့ၣ်လီၤတၫ်အၢၣ်လီၤတဲဃာ်၀ဲလီၤ.
သးနံၣ်(၈၁)နံၣ်အိၣ် ကီၫ်ခိၣ်ကၠိဘဲၣ်တၣ်န့ၣ် ဖဲတယံာ်ဒံးဘၣ် တၫ်မၤ၀ဲတၫ်ကတိၤဂ့ၫ်လိာ်ဒီးဒီနၢၣ်ထရၢး အကတီၫ် ပာ်ဖျါထီၣ်အကံၫ်အစီတန့ၫ်ဂ့ၤဂ့ၤဘၣ်အမဲာ်ညါ အသးနံၣ်ဒီးတၫ်အိၣ်ဆူၣ်အိၣ်ချ့အဖီခိၣ် တၫ်ဘၣ်ယိၣ်ဘၣ်ဘှီတဖၣ် အိၣ်အါထီၣ်၀ဲလီၤ.
ကီၫ်ခိၣ်ကၠိဘဲၣ်တၣ်လၢ ကဟးထီၣ်လၢကီၫ်ခိၣ်တၫ်ဃုထၢအံၤ အမူအဒါအိၣ်တ့ၫ်(၆)လါဒံးန့ၣ်လီၤ. တၫ်ဆၢကတီၫ် လၢအိၣ်တ့ၫ်ဒံးတဖၣ်အဂီၫ် ကီၫ်ခိၣ်မူဒါန့ၣ် ကမၤ၀ဲအဂ့ၤကတၢၫ်အဂ့ၫ် တဲဃာ်၀ဲ၀ံၤနွံလၢကဟဲစ့ၫ်ကီး ကဘၣ်တဲလီၤထံကီၫ်တၫ်ကတိၤလီၤအိၣ်၀ဲန့ၣ်လီၤ.
အ၀ဲထုးကွံာ်အသး၀ံၤအလီၫ်ခံ ဒံၣ်မိၣ်ကရ့ၣ်စံၣ် တၫ်အိၣ်ဖှိၣ်တတီၤ တၫ်ကမၤ၀ဲဖဲလါအီကူး(၁၉)သီ တုၤ(၂၂)သီအနံၤ၀ံၤ လၢတၫ်အိၣ်ဖှိၣ်အံၤအပူၤ တၫ်ကဃုထၢထီၣ်ပၣ်တံၣ်ခၢၣ်စးကီၫ်ခိၣ်တဂၤန့ၣ်လီၤ.
Ref: BBC
