တခီတၢၤတၫ်မၤအါထီၣ်တၫ်ပတုာ်တၫ်ခး တၫ်ဆၢကတီၫ်ဘၣ်ဆၣ်လၢလါရှိတၫ်ဒုးဆူၣ်ထီၣ်

လါယူၤလံ(၂၂)သီ,၂၀၂၄နံၣ်

MNDAAတကပၤ တခီတၢၤမၤအါထီၣ်တၫ်ပတုာ်တၫ်ခးတၫ်ဆၢကတီၫ်ဘၣ်ဆၣ် ဖဲလါယူၤလံ(၂၁)သီနံၤ လၢလါရှိတၫ်ဒုးဆူၣ်ထီၣ်ကဒီး၀ဲအဂ့ၫ် လီၫ်က၀ီၤကမျၢၫ်တဖၣ်တဲ၀ဲလီၤ.

လီၫ်က၀ီၤပိာ်မုၣ်တဂၤတဲ၀ဲလၢ “၅၀၇ သုးကလၢၤတကပၤတၫ်ဒုးဆူၣ်၀ဲလီၤ.ကဘီယူၤဟဲတ့ၫ်လီၤမ့ၣ်ပိၫ်အိၣ်၀ဲလီၤ. လၢက၀ီၤဒ့နီၫ်ဂံၫ်(၅)တကပၤဆူၣ်ထီၣ်၀ဲလီၤ.ဖဲမဟါနံၤ ကျိဖးဒိၣ်အချံလီၤတဲာ်တဖျၢၣ်ဖဲအဟံၣ်ကျဲကပၤအဂ့ၫ်”တဲ၀ဲလီၤ.

တၫ်ကပတုာ်ကွံာ်တၫ်ခးတဘျီဃီဒီးတၫ်ဒုးတဖၣ်အဂီၫ် တရူးဃ့ထီၣ်ဃာ်အဃိ လၢတၫ်ခီၣ်ဆၢက့ၤတၫ်ဃ့ထီၣ်အဖီခိၣ် လါယူၤလံ(၁၉)သီနံၤတုၤ(၃၁)သီနံၤ MNDAAသုးတဖၣ် ကခီၣ်ဒုးဆၢက့ၤတၫ်ဖဲတၫ်လီၫ်လၢလဲၤတုၤအလီၫ်အဂီၫ်, MNDAAသုးတကပၤ ပကတုာ်ကွံာ်တၫ်ထီၣ်ဒုးဃီၤတဖၣ်အဂီၫ် ကီၢ်ပယီၤဒီကလုာ်ဒံၣ်မိၣ်ကရဲးတံးသိၣ်မှံၤသုးမုၫ်ဒိၣ် (MNDAA)သုးခီၣ်မံးရှၢၣ်တကပၤ ဖဲလါယူၤလံ(၁၉)သီနံၤန့ၣ် ဟ့ၣ်ဒုးသ့ၣ်ညါဘိးဘၣ်ရၤလီၤ၀ဲလီၤ.

က၀ီၤဒ့နီၫ်ဂံၫ်(၁)အပူၤ ပိာ်ခွါတဂၤတဲ၀ဲလၢ၀့ၫ်ပူၤက၀ီၤဒ့တနီၤအပူၤန့ၣ် MNDAAသုးဖိတဖၣ်ဟဲတုၤလံ.ဖဲတဟါနံၤန့ၣ် နၫ်ဟူလၢဟဲတုၤဖဲ မီၣ်တီၣ်ပံၣ်ကဲၣ်၀ဲၤဒၢး(မော်တော်ပီကယ်ရုံး)ညါလီၤ. ဖဲန့ၣ်နီၫ်ဂံၫ်(၄၁)သုးကီၣ်ကးအသုးတဖၣ် အိၣ် ဖဲန့ၣ်လီၤ.အခဲအံၤတၫ်လီၫ်ဖဲန့ၣ် တၫ်အိၣ်သးအၢထီၣ်လံ.ပအဲၣ်ဒိးဃ့ၫ်ဟးထီၣ်ဘၣ်ဆၣ် နၫ်ဟူလၢဟးထီၣ်တန့ၫ်ဘၣ်အဂ့ၫ်တဲ၀ဲလီၤ.

လၢဂီၤ(၅)နၣ်ရံၣ်လံၤလံၤ နၫ်ဟူဘၣ်တၫ်ခးကျိဖိကျိဖးဒိၣ်အကလုၫ်တဖၣ်လီၤ.လၢမၣ်အဲၣ်အဆၢခိၣ်တကပၤ (အ ထက်မန်အိုင်ဘက်)က၀ီၤဒ့နီၫဂံၫ်(၉),ခလရ(၆၈)ဒီး(၄၁)အိၣ်တၫ်လီၫ်တကပၤ တၫ်ဒုးကဲထီၣ်၀ံၤကျိဖးဒိၣ်အချံတဖၣ် စ့ၫ်ကီးလီၤတဲာ်၀ဲဒၣ်လၢက၀ီၤဒ့ပူၤအဂ့ၫ်တဲ၀ဲလီၤ.

လၢက၀ီၤဒ့နီၫ်ဂံၫ်(၅)တကပၤ ဖဲအပူၤကွံာ်နွံန့ၣ်MNDAAသုးပာ်ဖှိၣ်တဖၣ် ဒီးသုးကီၣ်ကးတဖၣ် ဟံးန့ၫ်ဃာ်တၫ်လီၫ်တကပၤစုာ်စုာ်အဃိ က၀ီၤဒ့ပူၤတၫ်ဘၣ်သဂၢၫ်ခးလိာ်သးကဲထီၣ်ဒီး ခးလိာ်သးလၢဒြိပာ်ဃုာ်ကျိဖးဒိၣ်ကချံတဖၣ် လီၤတဲာ်အူအီၣ်၀ဲဟံၣ်တဖၣ်အိၣ်အဂ့ၫ် က၀ီၤဒံနီၫ်ဂံၫ်(၅)လီၫ်က၀ီၤကမျၢၫ်တဖၣ်တဲ၀ဲလီၤ.

သုးကီၣ်ကးတခီဖဲMNDAAတကပၤ(၄)သီအတီၫ်ပူၤ ပတုာ်ကွံာ်တၫ်ခးအကတီၫ် ဖဲလါယူၤလံ(၁၈)သီနံၤန့ၣ် မုၫ်ထီၣ်ကလံၤစိးကီၫ်ခီသုး၀ဲၤလီၫ်ခိၣ်သ့ၣ် ကီၫ်ခီခိၣ်သုးခိၣ်ကျၢၫ်ဂီၫ်ဂ့ၫ်စိတ့း(စိုးတင့်)အလီၫ် ဆီတလဲက့ၤ၀ဲလၢသုးတြီၤ(၉၉)သုးတြီၤခိၣ် သုးခိၣ်ကျၢၫ်ဖိစိုးလဲၣ်(စိုးလှိုင်)အဂ့ၫ် တၫ်သ့ၣ်ညါဘၣ်လၢCDMတဂၤအိၣ်န့ၣ်လီၤ.

MNDAAတကပၤ လၢလါယူၤလံ(၁၉)သီနံၤလံၤလံၤမၤအါထီၣ် တၫ်ပတုာ်တၫ်ခးတၫ်ဆၢကတီၫ်ဒီးတုၤလၢကတီၫ်အံၤ ၀့ၫ်လါရှိအကပိာ်ကပၤဒီးက၀ီၤဒ့နီၫ်ဂံၫ်(၅)အပူၤ တၫ်ဒုးဆူၣ်၀ဲအဖၢမုၫ်ဒံးလီၤ.

MNDAAတခီ ဖဲတၫ်ပတုာ်ကွံာ်ဃးတၫ်ခးအကတီၫ် တၫ်ကရဲၣ်ကျဲၤမၤဃး တၫ်ဒီသဒၢကလံၤကျါတၫ်လီၤဘၣ်ယိၣ်အဂီၫ်,တၫ်မၤပူၤဖျဲးထီၣ်ပှၤလီၫ်အိၣ်ကမှံဖိတၫ်ဖံးတၫ်မၤတဖၣ်အဂီၫ်ဒီးMNDAAအပှၤပၢဆှၢရဲၣ်ကျဲၤတၫ်တဖၣ်,ဘၣ်မူဘၣ်ဒါတဖၣ်, သုးမုၫ်သံၣ်ဘိခဲလၢာ်ကလူၤပိာ်မၤထွဲဒိကနၣ်ဘၣ် လံာ်တၫ်ဘိးဘၣ်ရၤလီၤတဖၣ်အဂီၫ် တဲဃာ်၀ဲ၀ံၤ တၫ်ပတုာ်တၫ်ခးအကတီၫ် သုးကီၣ်ကးတကပၤမ့ၫ်ဟဲထီၣ်ဒုးဃီၤတၫ်န့ၣ် MNDAAသုးဖိတကပၤ လၢတၫ်ဒီသသဒၢလီၤက့ၤနီၫ်ကစၫ်အဂီၫ် ဒုးဆၢက့ၤ၀ဲသ့အဂ့ၫ်တဲဃာ်၀ဲလီၤ.

Ref: DVB