လါယူၤလံ(၂၂)သီ, ၂၀၂၄နံၣ်, အၣ်ထူခ့ၣ်
ကီၫ်ဘ့ကလါဒ့းရှ်အပူၤ တၫ်ပာ်ဖျါထီၣ်တၫ်ပာ်သးအိၣ်ထီၣ်၀ံၤ ကမျၢၫ်တၫ်အိၣ်သးတဂၢၫ်တကျၢၤအဃိ တၫ်သုတလဲၤဟးလၢ ကီၫ်ဘ့ကလါဒ့းရှ်တဂ့ၤအဂီၫ် အမဲရကၤထုးထီၣ်လံာ်တၫ်ဟ့ၣ်ပလီၫ်န့ၣ်လီၤ. ပှၤလၢကလဲၤဟးဆူ ဘ့ကလါဒ့းရှ်တဖၣ် တၫ်ဟ့ၣ်ပလီၫ်န့ၣ် ပာ်ပနီၣ်၀ဲလၢအပတီၫ်နီၫ်ဂံၫ်(၄)ညါအဂ့ၫ် အမဲရကၤထံဂုၤကီၫ်ဂၤ၀ဲၤကျိၤ ပာ်ဖျါ၀ဲဖဲလါယူၤလံ (၂၀)သီနံၤန့ၣ်လီၤ.
အမဲရကၤပဒိၣ်ပှၤမၤတၫ်ဖိလၢတမ့ၫ်ဂ့ၫ်ဂီၫ်အူ လၢအိၣ်ဖဲဘ့ကလါဒ့းရှ်တဖၣ်ဒီးအ၀ဲသ့ၣ်ဟံၣ်ဖိဃီဖိတဖၣ် အနီၫ်ကစၫ်ဒၣ်၀ဲ ဟးထီၣ်သ့၀ဲန့ၣ်ဟ့ၣ်ဃာ်၀ဲခွဲးယာ်အဂ့ၫ် အမဲရကၤထံဂုၤကီၫ်ဂၤ၀ဲၤကျိၤတဲ၀ဲလီၤ. လၢတၫ်တချူးလဲၤဆူဘ့ကလါဒ့းရှ်အကတီၫ် ပှၤလၢကလဲၤတဖၣ် ကဆိမိၣ်ကဒါက့ၤ၀ဲအဂီၫ် အမဲရကၤထံဂုၤကီၫ်ဂၤ၀ဲၤကျိၤ တဲဆီၣ်တခူထီၣ် ဃာ်၀ဲလီၤ.
၀့ၫ်ဒၣ်ကၣ်(ဒါကာမြို့)ဒီး အကပိာ်ကပၤတၫ်လီၫ်တဖၣ်ပာ်ဃုာ် ဘ့ကလါဒ့းရှ်ထံကီၫ်ဒီတဘ့ၣ်အပူၤ တၫ်ပာ်ဖျါထီၣ်တၫ်ပာ်သးအပူၤ တၫ်စုဆူၣ်ခီၣ်တကးတဖၣ်အိၣ်ထီၣ်၀ံၤ ကမျၢၫ်တဂၢၫ်တကျၢၤအဃိ ပှၤလၢကလဲၤဟးတဖၣ် တကြၢးလဲၤဆူဘ့ကလါဒ့းရှ်ဘၣ်အဂ့ၫ် အမဲရကၤထံဂုၤကီၫ်ဂၤ၀ဲၤကျိၤတၫ်ဘိးဘၣ်ရၤလီၤပူၤပာ်ဖျါ၀ဲလီၤ.
တကးဘၣ် တၫ်ဘံၣ်တၫ်ဘၢတၫ်အိၣ်သးအဃိ ညီနုၫ်ကီၣ်ကး(ကောင်စီ)တၫ်ဖံးတၫ်မၤတဖၣ်အပူၤ စဲၤခံသ့၀ဲအဂ့ၫ်တဲ၀ဲလီၤ.တၫ်ပာ်ဖျါထီၣ်တၫ်ပာ်သးလၢတၫ်မုာ်တၫ်ခုၣ်ပူၤ တၫ်ကဟ့ၣ်တၫ်ပျဲအဂီၫ် အမဲရကၤဒီးခဲနဒၣ်တဖၣ် ဃ့ထီၣ်ဃာ်၀ဲကီၫ်ဘ့ကလါဒ့းရှ်၀ံၤ ဖဲအပူၤကွံာ်စှၤသီတဖၣ်အပူၤ တၫ်စုဆူၣ်ခီၣ်တကးအိၣ်ထီၣ်အဖီခိၣ် ဘၣ်ယိၣ်တၫ်အဂ့ၫ် တဲ၀ဲလီၤ.
